عيشة سعيدة

5

#عيشة_سعيدة5
Shahd Alsalman

استمر زوج خالتي ياخذ فلوسي وكام كل ما يكبر ويشرب ينتهي عقلة ويتوحش اكثر وخالتي على نفس الوضع مغلسة ولا يمها وبنتهم كل يوم تتعارك وياهم وتخجل من وضعهم

اما ابنهم ... قصة ثانية
من يوم ما دخلت لبيتهم لحد ما صار الصار و هو يتحرش بية بالاول جان بالكلام والالفاظ
جنت اخاف انه انام اذا ما اسد الباب او اساسا ما انام لان احسة حيسوي شي و اسمعة يحجي تلفونات للصبح وكلها قذرة وما عندة علاقة بريئة ونظيفة وهو مثل ابو عينا شرب وتدخين ويمكن حتة مخدرات لان مو صاحي
تطور موضوع التحرش مرات يحاول يلمسني او يبوس او يستغل وجودي لوحدي ويحصرني والحمدلله انه مودة وياية ودائما عينها علية وتمنعة وتتعارك وياه وتستغل عدم وعية وتضربة لان اني اذا ادافع عن نفسي وادفعة او ارزلة او اسوي اي شي هو يكوم يصيح ويتهمني اني الاتحارش بي فابو يضربني ويسبني
و خالتي تكلي انت شامرة نفسج علي تريدي يتزوجج لان هو حلو وفلوس ودمة يلعب وانتن بنات هالوكت ملحنات بالنسبة لخالتي كل شي سوي بيها الا هو محد يمسة ولا يضوجة و مدللتة كلش وصارفة علي حتى اكثر من اختة لحد ما شوية شوية فسد وصار حتى عليها يتجاوز بس هي متهتم المهم هو مرتاح وخلص ..

مرة جنا كاعدين ناكل ع الميز اجة وكعد يمي المكان فارغ الا يمي حط ايدة على رجلي لا بية احجي لا اصيح سويت نفسي غصيت وكمت بسرعة يعني ما عرفت اتصرف بوكتها ..

و مرة جنت الم المطبخ اني ومودة بالليل وعدنا عادة الا نفتح راديو جنت كلش احبة ومودة على واهسي ونسمع اغاني مرات برامج شوف شنو يطلع
كتلها حودي الزبل برة واجي خليتة برة بالحاوية ودا اندار حسيت احد جرني وسد حلكي حصرني ع السياج وجانت ظلمة كلش حاول يتقرب مني وريحة مطيبة تفوح منة يمكن شارب و جاي
يحجي بتثاقل طبعا دموعي تنزل على ايدة وما اكدر اطلع صوتي من الخوف
- لج قندرة خاف عبالج اعوفج اني اليوم انتظرج بالغرفة اذا متجين اطيح حظج
حاولت اوخرة ميوخر نوب جسمة ثكيل صاير ما شفت الا ومروة ضاربتة على راسة بالطاوة وكع
- الله لا ينطيك ان شاء الله هم سكران وهم تتحارش بيها لهطفلة لك انت شنو
- كافي مودة عوفي وابجي بحركة
- اشش خلص حبيبتي الله يلعنة خلي هنا مثل الجلب نايم يلة امشي نفوت
فتنا وسدينا الباب و نمت بالفزات وكل شوية مودة تكوم علية خطية
ثاني يوم هو ميتذكر الصار اصلا بس يوجعة راسة من الضربة وبقينا على هالمنوال كل يوم
كمت صدك اتقزز منة ومن اشوفة احس بخوف كلش اتحاشى اكون لوحدي وياه ..
وهيج جنت اعيش ويا ابن خالتي مرات يسمعني حجي محلو او يسال اسئلة كلش تخجل مثلا شلابسة جوة الهدوم يعني عبالة كل البنات مثل اليعرفهم هو بدون اخلاق ..

اما بالنسبة لعمتي كل يوم جانت تخابرني وتحجي وياية لان تعرف مرحلة صعبة ونفسيا محتاجة للدعم والتشجيع مقصرت بشي وياية حتى وهي بعيدة
و بيوم دكت عليةجان رقمها ؛ مودة كالت هاي عمة ترة
شلتة
- الو
طلع صوت ولد
- الو هلو
- منو؟؟
- انت شهد ؟
استغربت منو هذا ومين يعرفني وشنو طلع رقم عمتي !
- اي منو؟
- شبيج خايفة ههههه اني مهند ابن عمتج
استحيت منة كلش لان اول مرة احجي ويا شاب واول مرة احجي ويا ابن عمتي حتى مشايفتة
- عمة بيها شي ؟عمو ؟
- هههههههه شنو الا بيهم شي يالا احجي وياج؛
اني اسف كل هالفترة ما شفتج او تعرفنا بس جنت مسافر ودائما اكللها لماما انه تسلملي عليج
وهسة من صوتج عرفت ليش هي تحبج هلكد خجلت من كلامة كلش
- شكرا
- صار ساعة احجي بس شكرا!
ضحكت اني بصوت ناصي
-فدوة عبالك فارة وتضحك ههههه
ضحكنا اثنينا
-هاج امي وياج
حجت عمتي وياية
- معليج بهذا الدهري اليوم رجع من السفر واصر الا يحجي وياج
سولفنا شوية وسدينا التلفون رجعت لقرايتي بعد كم يوم الامتحانات وجانت تجيني رسايل على تلفون مودة من مهند يشجعني ويشاقيني ومرات يتصل ويا عمة وكم مرة حجة ويا مودة يوصيها علية
خلصت امتحانات وارتاحيت منها ودا انتظر النتيجة..
و بيوم كالت خالتي نروح نزور للكاظم
اني ومودة تجين كتلها لا خالة جنت تعبانة
كالت كيفج
ابنها مسافر وزوجها محد يدري بي يبات برة بالاسابيع ويمكن متزوج عليها الله اعلم لان دائما يتعاركون على هيج موضوع ..
كعدو الصبح و تريكو وطلعو للزيارة بقيت لوحدي بالبيت
نظفت غرفتي وغرفة خالتي ومودة ونزلت للصالة والمطبخ يعني ما عندي شي وما اريد ابقة كاعدة لان اظل افكر بالنتيجة كملت شغل
صعدت لغرفتي كلت الم الملازم والكتب بصندوك حتى اذا الله سهل ونجحت انطيها للفقرة المحتاجين احسن ما تنذب بس ما جان عندي كارتونة او صندوك فطلعت برة لابو الاسواق المقابيلنا اجيب منة كارتونة فارغة صبحت علي هو خوش رجال جبير ودائما جان يسولف وياية من جنت اشتري او تدزني خالتي اخذت منة 3 كراتين كلت خاف احتاج اكثر من وحدة.
رجعت للبيت بس احس اكو حركة غريبة صحت خالة رجعتو؟ محد جاوبني عمو انت هنا ؟ هم ماكو رد
فتت كلت يجوز هاي وحشة لان وحدي وضحكت بداخلي كمت اتخيل تطلعلي اللعبة تذبحني ههههه
بس الظاهر الخيال صار واقع و اللعبة متخوف بكد البشر ونفوسها المريضة دا افكر بالنتيجة واباوع ع الملازم والكتب شكد قريت بهاي السنة وادعي بلكت الله ويفرحني بالنجاح وبمعدل زين لخاطر اهلي باوعت لصورة جماعية اخذناها للصف
كلت راح تروح هالايام الحلوة ويا البنات شلتها حطيتها على صفحة كمت اعزل الكتب اللي اسلمها للمدرسة وحد والملازم وحد دفاتري الخ حتى المهم بالكراتين ..