عيشة سعيدة

26

#عيشة_سعيدة26
Shahd Alsalman
اجة هسة دور البنات اللي ساعدوني بهاي المهمة لان وحدي ما اكدر طبعا تفضلو بنات ووكفو يمي مريم ومروة شكلت مريم جهازها بالشاشة وطلع دكت على سرى و طلع صوت من موبايل سرى وسدتة ومروة سوت نفس الشي طلعت السكرين شوت الماخذهم للمحادثات وصورها بس طبعا المغوشة ما كدرت اجرح مهند واساسا جانت تدزهم على حسابات البنات ما ردت اشوف شي كتلهم واخر شي اليوم جنا متفقين نتلاكى بشقة وهذا التسجيل للصوت للمكالمة البيناتنا وسمعو الصوت كلة انتبهت لشهد غطت وجهها يمكن بعد متتحمل اكثر محبيت اضغط عليها سديتة كتلهم هالموضوع يخص مهند بس انطيتكم شوي نبذة مختصرة عن حقارة ودناءة هالانسانة شكرا بنات اخذو راحتكم وركضو لشهد حضنوها ويبجون وهي تبجي وسرى كامت تصيح كذابين انتو تريديون تتهموني وتريد تنهزم مكدرت لان مقفول الباب ما شفنا الا مهند هجم عليها جرها من شعرها ونزل بيها دك كتل وضرب ملخها كوة جريتة منها واتهستر لج ليش يا حقيرة بشنو قصرت وياج ليش اذيتيها وكسرتيها فوك كسرتها وهمين فلت مني وضربها حيل بلا وعي وهالمرة ركضت شهد صارت بالنص خلص عوفها الله يخليك وتبجي وتحجي مهند خلص وميسمعها ولا يقبل احد يجرة لزمت وجهة بيديها وصاحت بي خلص بعلو صوتها وكفتة وكع على حيلة بتعب وهي وياه البنات يبجون وامة تلطم واني والولد وابو وراه
سرى فقدت الوعي وهي تحجي وياه وبعدها لازمة وجهة خلص اهدى هاي اني هنا يمك وكدامك اهدى وتهدي بصوتها وتبجي وياه كاللها اذتج هاي هاي وكام يبجي وحضن شهد اشرتلنا نعوفه ونخلي هيج ونطلع صحيناها لسرى واجت الشرطة اخذتها وطلعنا نطيت فلوس لابو السينما يبقيهم هنا
بقينا لوحدنا وهو بعدة مصدوم ويبجي ويحجي حجي ممفهوم شلتة لراسة كتلة باوعني مهند اني هنا حاس بية دتشوفني دتسمعني يباوع بس ميجاوب
حضنتة حيل كتلة اهدى لخاطري اذا بعدك تحبني سمعتة يكول احبج بصوت تعبان وثكل جسمة فقد وعية دكيت لعمران كتلة عمران مهند فقد تعال عفية واجة فتح الباب وشالة وساعدو الولد ونقلناه مستشفى
صرت مثل الطفل من حضن لحضن وكلها مشتاقتلي واني مشتاقتلهم بس بالي يم مهند هو الوحيد التأذى اكثر مني
صحى الحمدلله واول ما فتح عيونة صاح بأسمي طلعت عمتي كالت فوتي يريدج شوشة
فتتلة و ما اعرف كأنو اول مرة اشوفة خجلانة منة ومستحية وما ادري شكلة مد ايدة حتى الزمها كتلة - حمدلله ع السلامة بس ملزمت ايدة وهو نزلها
- حقج تكرهيني فوك الظلم صرت اني وهي والزمن عليج اني ما استاهل ابقى عايش واشم هوا وذليتج وما حافظت عليج
قاطعتة ببرود ما اعرف شصارلي مدا اتقبل اسمع منة شي
- الدكتور يكول يكدر يطلع اليوم حمدلله على سلامتك مرة ثانية
عفتة وطلعت مخنوكة
-عمران خلي نرجع اني تعبانة
عمة باجر اجيكم واشوفكم
- لا متروحين ترجعين ويانة
- خليني على راحتي عمة بس كوة احجي من الخنكة - خالة خل اوديها ترتاح و باجر نمرلكم
- بس ما صدكت لكيتها
-خلص ام هنودي خليها براحتها وهي هم تعبانة
بوستهم وطلعت ووصيت مروة على مهند
بالطريق ساكتين ومحجينا شي تذكرت كل شي صار بيناتنا بسبب سرى ظليت ابجي ودايرة وجهي ووصلنا نزلت بدون اي كلام ولا شي رحت لشقتي وكضيتها بجي كانو اليوم يالا حسيت نفسي مجروحة من مهند انهد حيلي و غفيت
كعدت على صوت التلفون الصبح عمران ديدكلي ورايح علية وكت الدوام يا الله كعدت مخروعة شلتة
- صباح الخير يا حلو
- صباح النور عمران ايمن راح للدوام ما حسيت والله اسفة
- هههههه لا تفزين دكيت لابو كريم واجة اخذة وكتلة يروح للمديرة يسويلج اجازة لا يظل بالج
- اييي الحمدلله شكرا تعبتك والله
- بطلي سوالفج وكليلي شلونج نمتي زين ؟
- ههههه الحمدلله
- يلا كومي معزومة على ريوك
- ما بية حيل والله
- ما اسمع اعتراض يلة بدلي وجايج وشوية صحصحي انت وهذا صوتج اليخرع واكيد هسة مكفوشة ههههه
- ههههه شمدريك يلة ماشي حكوم هسة
كمت سبحت وبدلت واجاني عمران وطلعنا وصلنا المطعم
- شنو هاي ما بي احد خاف هذا كمين ههههه
- محقق كونان اكعدي راحة
- ههههههه اوكي
انداريت عن عمران لكيت ميز مستطيل جبير و بي كيكة ومزينين المكان بالنفاخ وشموع وطلعو البنات ركضو علية حضنتهم لارا ومريم ومروة وعمتي وخالة ام لارا وعمو ابو مهند وعماد ووسام بس هو ماكو اقصد مهند بعد الاحضان والسلام كعدنا ع هو تقريبا جان الوكت ظهر طلبنا غدا واكلنا صحيح فرحانة بيهم ومتونسين بس احس مكانة خالي واشتاقيتلة وبرغم هذا مسالت عنة اي احد بعدين عمتي حسيتها دتحوص
- مهند ما اجة لان عندة شغل
- الله يسهلة عمة
- مو شفتج مسالتي كلت اكلج
- مدامني مسالت معناها ما ردت اعرف براحتة عمة اليجي هلا بي
سكتنا اثنينا و كام عمران ديحجي
- اريد الكل ينتبهلي من رخصتكم بما انه احنا ملمومين لمة فرح والحمدلله رجع انلم الشمل راح استغل هالفرصة واطلب ايد بنت عمي ابو مهند على سنة الله ورسولة يمكن اني ظرفي يختلف لان ارمل فقاطعة عمي
- والنعم منك ومن اصلك وباوع لمروة
شنو رأيج بابا
استحت وابتسمت ودنجت
-موافقة؟
هزت راسها بمعنى اي وبقت مدنجة من الخجل
- نقرة الفاتحة على بركة الله من بعد اذن ام هنودي - الراي رايك ابو هنودي والعروس موافقة وما نلكى رجال يصون بنتنا مثل ابو ايمن وفضلة مننساه طول عمرنا
- العفو خالة هذا واجبي ومهند اخويا وانتو اهلي ان شاء الله
قرينا الفاتحة وباركنا للعرسان الفرحة ما وسعتني و الحمدلله رجع كل شي مثل مجان واحسن بس اكيد مو بيني وبين مهند اعتقد كل شي خلص وانتهى وما افهم ليش هيج احس تجاهة
كملنا احتفالنا وكلمن راح لبيتة بس ما قبلت ارجع ويا عمتي وكتلها مرتاحة بمكاني وهذا الشي احسن الي شوي ضاجت بس عمو كاللها خليها على راحتها وهي تعرف هذا بيتها مو دنعزمها احنا وقبلو بس فعلا ما احس الي مكان بينهم لازم اعيش مستقلة واول تالي راح اطلع منهم وشكد ما جانت الشقة وحشة علية بس تعودت على وحدتي وهمين تعودت ع الجوارين والكل ممقصرين وياية الحمدلله
بالطريق باركت لعمران وكتلة
- مو كتلك غمزت
- هههههه والله شهودة متطلع من بالي مدري شسوت بحالي
- الله يسعدكم يا رب . اذا تلف الدنيا كلها متلكى رجال مثل طيبتك وشهامتك وهي هم بنية ذهب مو لان بت عمتي بس هذا الصدك دير بالك عليها
- بعيوني ان شاء الله ما اقصر عليها بشي هاي من ريحة الغالية
- الله يسلمك يا رب . اساسا ما اعرف شلون اشكرك على كل شي الصار البارحة واليوم
- انت انظلمتي هواية ولازم تاخذين حقج اني مسويتلج شي مقابل الانطيتي الي تعلمت منج هواية شغلات وساعدتيني بهواية امور يكفي ابني وحرصج علي
- شكرا من كلبي عمران
- بطلي من سوالفج جم مرة اكلج
- هههههه اوكي
- شهد
- نعم
- ليش مسالتي عن مهند اليوم ؟
- بقيت ساكتة ودرت وجهي للشارع ما اريد اشمع عنة شي
- مجروحة منة ؟
- نزلت دمعتي جاوبتة لا
- ليش تكابرين اني احس بيج صح انت ضحكتي ويا الكل وفرحانة وجنتي متونسة بس عقلج مجان ويانة وعيونج تدورة بكل لحظة
- عمران ماكو داعي لكلامك قابل شنو بيناتنا يظل هو ابن عمتي والله يوفقة ويلكى التعوضة عن سرى
- شهد انت تعرفين كلش زين هو ميحبها واذا راحت سرى ما راح يدور عوض وبديل وتعرفين همين هو يحبج الج
- عمران خلص رجاءا حتى لو كلامك صحيح فما ابادلة المشاعر حبي الة حب اخوي ولان عندة وياية مواقف حلوة وانتهى الموضوع لهنا وكلمن عندة حياتة الخاصة
- اوكي اسف مو قصدي اضوجج
- عادي ولا يهمك
وصلنا البيت وفتت جنت افكر بكلام عمران واصلا هو مهند ما اهتم ولا اجة ولا حتى اتصل اعرف هو تعبان بس لو جان يحبني جان اجة يشوفني اني راحتة المفروض ظليت افكر بي واحاول ما انطي اي عذر بس كلبي الفطير يكلي يحبج وتحبي كمت صليت لله ركعتين وقريت قران ونظفت البيت شوية بس ميغيب عن بالي ودا افكر بي .