عيشة سعيدة

28

اركض واصيح ما لحكت بي والسيارة مالها رقم ولا شي سودة وممبين شي منها يا الله دخيلك انخطفت شهد
رجعت لسيارتي بلكت الحك بيهم بس ما لحكت بقيت اضرب ع الستيرن واصيح خابرت ابويا ومجاوبني اكيد مراح يسمعة هوسة القاعةبعد ساعة ونص تخلص الحفلة شلون اكسر فرحتهم وشلون اسكت خابرت على ضابط صديق الي ونطيتة مواصفاتها وعمم ع الدوريات وكالي تعال حتى تتطينا صورة الها ورحتلهم سجلت شكوة وعممنا الصورة ومواصفات السيارة وحجيتلة الشفتة هم سجلة بعد ساعتين دكلي عمران كال وين انتو كتلة تعال للمركز شهد انخطفت سدة مني واجاني بقينا ندور ونحاول ماكو ولا اي اثر الها ولا للسيارة ظلينا ننتظر كلنا ببيتنا بلكت احد يتصل علينا ..

فتحت عيني راسي ثكيل ودايخة ما اكدر اباوع بوضوح مكان مدري شلونة واني مربوطة على كرسي صحت وين اني بقيت اصيح واصرخ بس ماكو رد والمكان شكلة مهجور اصلا شنو الصار اخر شي ما اتذكرة ظليت ادعي واقرة ايات والضوة خافت واصلا ليلت الدنيا
سمعت صوت احد ديمشي باتجاهي صرخت منو هنا تسمعوني ساعدوني ومحد يرد علية تقربلي وجان رجال ضخم ما مبينة ملامحة بس صوتة صاح بية اسكتي عاد
- منو انت ووين اني ليش رابطيني
- انت شكد تحجين
-جاوبني واسكت فهمني شجابني هنا
- اني معلية من يجي الريس يفهمج
- يا ريس منو هذا تعال لا تروح جاوبني
راح عني ومحجة ولا كلمة اني هم سكتت شنو بيدي اسوي مربطة اصلا حاولت اتذكر شنو صار مكدرت انسطرت وغفيت حسيت صار الفجر بين من صوت العصافير اسمع صوت حركة برة بس ما اعرف منو صحت يا ناس ساعدوني ظليت اصيح اجاني واحد عصبي وصل يمي وضربني راشدي كالي بس مو كنالج انجبي وطلع لاصق وسد حلكي واني اقاوم واتحرك وهو ولا عبالك سد حلكي وشد عيوني وطلع ظليت هواية على هالحال وخدر جسمي من الكعدة تعبت اجة واحد
- منور الحلو اليوم
صوتة مو غريب علية ونبرتة سامعتها بس ما اتذكرة منو
لازم مسوية وكاحة لان مربطيج زين وشادين عيونج وسادين هالحلك الحلو
حط ايدة على وجهي وخرت وجرلي اللاصق صحت بي
- منو انت ليش جايبني هنا ؟
جرني من راسي وقرب وجهة لوجهي و يم اذني
- صيري عاقلة وسمعي كلام ولا تستشرفين زيادة ماشي ؟
هزيت راسي يعني اي وشمرني وهم عافني وراح.

بقينا للصبح سهرانين كلنا نريد نحصل معلومة او خبر دكلي رقم غريب شلتة
- الو منو
- الله يساعدك مولاي
- منو وياية
- شوف ادري هي عزيزة عليك وتعرف انت هم الشرف غالي حيل مو
- احجي شتريد ووينها شهد ومنو انت
- لا هيج مراح نتفاهم انت عصبي واني اضوج بسرعة يلة باي
- لا لا اني اسف حقك علية اللي تريدة يجرالك بس كلي هي بخير
- اي هيج صير حباب هي زينة بس حاليا
لان عندك منا لحد عكب باجر اريد 40 مليون و سرى تطلع من السجن تسحب شكوتك عليها والا شرفكم يصير بالزبالة وهمين تخسروها ...
- الووو الو لك
لك هذا الحقير خاطفها ويريدون اطلع سرى من السجن و40 مليون وكال اخلي شرفكم بالزبالة يا كلب يا حقير وكمت اكسر شكو كدامي واهلي يهدوني والولد يمي وعمران
اتصلنا على صديقي الضابط اسامة حتى نكلة الصار
- مو كتلك هاي شغلة عداوةوهسة بما انه رادك تسحب شكوى يعني الخاطف لو يقربلها لو من معارفها لسرى او هي دازتة
- اريد اسحب الشكوى
- منكدر
- حياذيها ويقتلها
- ميكدر لان اللي يريدة مو فلوس هو يريد سرى تطلع ومراح تطلع اذا قتلها راوغة واحنا راح نفتح المراقبة على خطوطكم ونحاول نوصلهم باقرب وقت
عدة اليوم وماكو اي تلفون و لا خبر ..
تعبت كلش وجعت ودايخة حيل وجسمي كلة نمل بجيت من التعب وعطشانة وطبيعة جسمي من اعطش ترتفع حرارتي فات واحد ثالث هذا مشفتة ومن نبرة صوتة عرفت هو غير واحد
- بس مي انطيني ما اريد شي بعد
- ما اكدر ممنوع
- ما اكول والله الله يخليك
اضطريت اكذب علي لان صدك احس حنتهي
- بية سكر ما اتحمل العطش
باوع علية انقهر
- متحجين ترة احط طلقة براسج
راح جاب مي شربني
- الحمدلله ؛ شكرا
عافني وراح ردت بس اتذكر صوت هذا الرجال ومدا اعرفة ورة شوية اجة واحد رفعت راسي باوعتلة هذا هو
- صباحوو
- ليث هذا انت
- لعد خالتي طبعا اني
- ليش سويت هيج اني شسويتلك
- انت راس البلا والمصايب استشرفتي وسويتي نفسج ملاك هو انت لا اهل ولا تربية ولا شي وهسة اختي مسجونة بسببج
- اني متربية احسن تربية اهلي يفتخرون بية حتى لو ماتو واختك من اعمالها وايدها وكل شي موجود بالدليل
- حيوانة لا تحجين على تاج راسج
كام ضربني راشديات وكعني اني والكرسي وظل يرفس بية اغمى علية محسيت من الوجع
ضربتها وظليت ارفس بيها وهي تصيح من الوجع لحد ما اغمى عليها
خابرت على مهند حتى اكلة وين يجيب الفلوس و شون يسلمنياها واشوف شسوة علمود سرى
- تجيب الفلوس باجر ساعة 10 بالليل ( وذكرتلة منطقة بعيد كلش ) وسرى باجر تطلع واذا مطلعت تنساها لشهد
- كدرت الم بس 30 والله ما لحكت وسرى همين رحت وسحبت الشكوى عنها بس اجراءات الخروج تطول اسبوع صدكني ولا تاذيها منا لاسبوع او اقل سرى طالعة ويمك بس لا تسويلها شي ومن تطلع اكدر الملك 10 مليون
- لك كلب شنو دتقسطلياها الفلوس كتلك 40 يعني 40 وسرى باجر تطلع
- والله ما عندي بعد غيرها لل 30 افهمني هذا المبلغ جبير كلش وكتلك اني سحبت الشكوى وتكدر تتأكد من هالشي دا اتوسل بيك لا تاذيها وانطينا مجال
- اممم يلة اقتنعت مدام توسلت لا تنسى باجر ودير بالك تجيب احد او تبلغ او تلعب لعبة وصخة
- لا اجيك واني الممنون بس اريد اتاكد هي بخير سمعني صوتها
- بخير ما عليها شي يلة ولي
- الووو انتظر .. سد التلفون يا الله كلبي نار عليها خاف مسويلها شي ساعدني يا الله واحميها
لميت كل الفلوس واخذتها وعماد وعمران كالو نجي وياك كتلهم ميقبل وخاف ياذيها كالو نوكف بعيد ونلحكة كل واحد بسيارة حتى لا يشك بشي واكيد يعرف اشكالنا نتنكر عود كتلهم ماشي ..