عيشة سعيدة

3

#عيشة_سعيدة3
Shahd Alsalman

داومت بالمدرسة وكملت متوسطة و وصلت للرابع العام مجان بذاك الوكت علمي وادبي بعدين يتحدد بعد الرابع
صار سفر لبيت عمتي واضطرو انه يخلوني ببيت خالتي لان ميكدرون يسكنون يمي ولا يكدرون يخلوني وحدي ومجنت راضية انه اطلع واعوف البيت بس عمتي اصرت وخالتي كالت الناس تاكل وجوهنا اذا انت وحدج بالبيت ومنعرف شيصيرلج فزوج عمتي اقترح انه اطلع واسكن وياهم وياجر البيت حتة من ايجارة اعيش وما اكون ثكيلة على احد هو جان الي بمثابة اخ جبير واب وصديق وعمتي تستاهل رجال مثلة وطبعا نسيت اكللكم هي عدها بنوتة همين اسمها مروة شايفتها مرتين وهمين ساكنة ويا بيت جدها بس هي اصغر مني
سافرو بيت عمتي واحس هسة صدك بوحدة وتعب بعدهم
مجنت مرتاحة ببيت خالتي زوجها عصبي ويغلط دائما وابنها يضوجني وخالتي ما عندي ميانة وياها وتقريبا ما عدها حنية تجاهي بس بنتها الوحيدة التحبني ومداريتني وجانت تقريني وتشجعني ومن  تشوفني مقهورة تواسيني هي اكبر مني واسمها مودة
بس اني جنت ما اشكي ولا احجي بنظر الكل قوية كلش واتحمل كلشي ..
اكتشفت بعد فترة من عيشتي عدهم انه رجل خالتي يشرب ويسكر واحيانا يضرب خالتي وطبعا هالحالة بعد مدة انتقلت لابنهم اكبر مني ومن مودة واسمة جلال كل ما يكبر كل ما يشبه ابو
وخالتي متحجي وياه ولا تحاسبة لان هو المدلل و تحبه كلش اكثر حتة من بنتها
زوجها جان دائما يهددها يحرمها من ابنها وبنتها اذا اعترضت او شكت او حتى كالتلة اترك الشرب ..

بهاي الفترة جانت عمتي تدكلي وتسال عني واحجي وياها
زوج خالتي يطلب مني اكللها تدزلي فلوس باعتبار بيتنا مديتاجر و اني مصاريف وهو يا دوب بس الاكل ما عندي مصرف ومن وين لوين احتاج شي ومرات مودة تنطيني منها بس ما اقبل واستحي وكلش تحز بنفسي وطبعا عمتي تدزلي هواية شغلات ومرات فلوس متنساني حبيبتي ابد بعيدة واحس بحنيتها علية و احيانا ياخذهم مني زوج خالتي واعذرة اكول هو هم شنو ذنبة يتحمل مصرف زايد  و اني اول تالي ما محتاجة شي ..

بيوم جنت اقرة بالليل ملحكت اخلص امتحاني ونزلت اشرب مي عطشت سمعت صوت زوج خالتي يعيط ويكللها ازوجها لصديقي وغصبا ما عليها ترضى اني ما اتحمل مصاريفها نزلت دموعي بلا وعي ووكع الكلاص مني وانكسر
نزلت المة وجرحت ايدي بقيت اسال اهلي ليش تركوني وليش راحو والمن عافوني لميتة وطلعت
دا ارجع للغرفة ومحاسة على الجرح شافتني مودة وتخبلت لان دينزف واني ممنتبهة الوجع البكلبي اكبر من وجع جرح ايدي اخذتني دتنظفة وتعقمة وتطلع الكزيزة منة واني ابجي بس مو يم الجرح ومكتلها ليش جان عبالها بسببة
بثاني يوم كعدت خالتي وياية بعد ما اجيت من الدوام سالتني
- شبيها ايدي
- جرح عادي
- ها خوش اسمعي اريدج بموضوع
حتى ما كالت ليش وشلون ولا فزت علية
- اي خالة كولي
- اجوج خطابة و خوش ناس واني وعمج كلنا احسن شي الستر للبنيةواليوم عمج يردلهم خبر بالموافقة تدرين نحبلج الخير
فزيت من مكاني متصورت باعوني بهالسرعة وبدون موافقتي
- بس اني مموافقة وما اريد اتزوج وممحتاجة ستر مستورة الحمدلله واريد اكمل دراسة
عاطت بية وصارت عصبية علية
- الزواج مصير كل بنية ورضيتي او لا احنا ادرى بمصلحتج
متت من البجي و ماكو بعد كم يوم اجوي الناس وما قبلت اطلعلهم وقفلت على نفسي مودة ما قبلت ع الصار وتعاركت ويا امها وخالتي سكتتها ومخلتها تتدخل راحو الناس واجة زوج خالتي يدك الباب كسرها من الدك وما فتحت ويعيط ويسب ويغلط لحد ما تجاوز على اهلي متحملت وفتحت وعطت بي كتلة متحجي عن اهلي وادك والطم هجم علية مثل الوحش ويحاول يضربني ويمنعو مني و طردهم كلهم وسد الباب جر حزامة يريد يضربني بعدت منة وهو مستمر يغلط ويضرب بالحزام ويكلي
تصغريني كدامهم حقيرة وكلتج وشربتج جان هسة انت بالشوارع
وهو يضرب بكل قوتة تعبت من الكتل الاكلتة واخر شي توسلت بي انه ما يزوجني
وكتلة اذا يريد فلوس اجيبلة والله بس لا يزوجني ويكسرني دنجت لايدة بستها و قبل طبعا وكال ماشي جيبي فلوس شسوين سوي عسما تبيعين نفسج ميهمني
خلاني اصفن شون رجال و عندة غيرة بس مو مشكلة راح اسوي كل شي حتى ما انحرم من دراستي وبيوم ثاني رجعلهم خبر انه ما اريد اتزوج وانتهى هالموضوع بس فتت بموضوع ثاني بعد اتعس .