عيشة سعيدة

25

#عيشة_سعيدة25
Shahd Alsalman
رتبنا سفرة احنا الكل عماد ومرتة لارا واني وابني ومهند واختة مروة وسام ومريم كلنا سوة اتفقنا نطلع ونغير جو
وطبعا قبلت حتى اخذلهم صور وتشوفهم شهد كلش جانت مرتاحة بعدين كلت ليش اخذلهم صور خليها تلبس بوشية ومن بعيد تشوفنا ؛
كيفت من كتلها مثل الجهال تكمز وتصفك ولمعة الفرح بعينها وطلعنا وامنتها بمكان قريب منا ورحنا طلعنا تأكدت هي تباوعلنا ..
احنا الولد طلعنا عدة الشوي والبنات يسوون الكعدة ويرتبون المشاوي
ايمن مكيف يلعب ويا مروة بالطوبة وهي هم حبابة وحليوة وتنحب اول ما واحد يشوفها ولو اعرف اذت شهد
بس مبين مكسورة كملنا الشوي ومدينا السفرة واكلنا والحمدلله كل شي طيب وخلينا قوري الجاي وشربنا بعد ما خلصنا كتلهم خل نلعب لعبة الاسئلة كيفو الكل وببطل المي بلشنا اللعبة بعدما كعدنا بطريقو دائرية اني ومهند ولارا وعماد ومروة ومريم ووسام
كلما افر البطل يصير بيني وبين مروة واني اسألها تقريبا 5 مرات صار
- شنو طموحاتج
- اريد اكمل دراسة
- المن مشتاقة ؟
- لبت خالي
- لو رجع بيج الزمن شسوين وتغيرين بنفسج؟
- اوووه هوايةشغلات اولها شغلة ندمت عليها بس ياريت تتصلح
- منو مثلج الاعلى؟
- مجان عندي بالاول بس بعدين صارت شهد بت خالي
- وين هي شهد ؟؟
كلهم غندبو و صفنو وجرو حسرة
- اسف مو قصدي بس صار فضول اعرف وينها نطيتها البطل هي تفرة صار بين مهند ومريم ف مريم سالت مهند اذا انكشفتلك حقيقة عن شخص تأذى بسببك يثبت براءتة كدامك شون تخلي يسامحك ؟
بالاول صفن وبعدين كال ما اعرف بس اسوي كل شي حتى يسامحني
اللي لاحظتة انه العلاقة متوترة بين مهند ومريم والاكثر مريم هجومية وما اعرف شنو السبب كأنو محملتة ذنب شي شفت الجو توتر كتلهم كومو نلعب طوبة وعيني على شهد دتباوعلنا هيج بالخفية لعبنا طوبة ومهند ديشوتها علية حتى اكول ضربها حيل راحت بالغلط على شهد كمت انطي الوان لان الضربة قوية وبجتفها صارت ركضولها البنات واعتذرو منها بس محجت ولا كلمة هي ولا كالت اخ
باوعت للبنات اجوني وروحي احسها دتطلع من الوجع بس اذا نطقت راح انعرف
انتبهت لمريم ركزت بعيني وتسالني انت متحجين اشرتلها لا مدري كشفتني مدري انقهرت علية لان كتلها خرسة
مهند اجة هم تعذر مني كالي اسف والله مو بقصدي بس باوع بعيني وراحو كلهم وهو عينة علية ومريم همين اني خفت لا انكشف وكمت رحت للبيت ودزيتلة لعمران
- اني راجعة احس بيهم شكو مو
- لا تخافين محد شك بشي بس انقهرو عليج شونها الضربة خما وجعتج
- لا شوي توجعني بس ماكو شي اتونس انت وشكرا لان خليتني اشوفهم حيل مرتاحة وما اعرف شون اردلك هالمعروف والله
- ادللي هذا قليل بحقج ودهني مكان الضربة لا تورم بعد ما فزنا ع البنات بالطوبة
كل واحد بينا كعد بمكان حتى نرتاح فجنت ورة مريم ومروة اسمع يتهامسون علمود شهد

- هاي عيونها وهي متاكدة اني جنت اشك ومن اشرتلي انه هي ما تحجي كمت اشك اكثر ركزت بعيونها نفس العيون والله واذا صدك هي يعني معناها شهد قريبة علينا وتعرف احنا هنا لان هاي مو صدفة من اول ما كعدنا وهي موجودة هالبنية بس من انضربت وجينا يمها هي راحت
- لا مريم ما اتصور يجوز صدفة واكيد الشبه وارد بس يعني معقولة هي ونلكاها ونخلي الكل يعرف الحقيقة وتظهر برائتها كدام الكل والاهم مهند يعوف هالحقيرة ونردها بيناتنا مدا اصدك والله صار شهور ندور
- تطلع وراح ابقى ادور ما امل منها صدكيني