عيشة سعيدة

19

#عيشة_سعيدة19
Shahd Alsalman
جنت وحدي بالبيت ومن راحت شهد لليوم اني ممرتاحة ضميري عذبني واتمنى اشوفها واتمنى تسامحني دا احجي ويا نفسي شفتها فاتت للغرفة كمزت اركض عليها حضنتها واعتذرت منها
وابجي حيل بس هي مسوت اي شي ولا حتى حضنتني وملامحها باهتة وتعبانة كلش بس سالت ليش داعتذر كعدنا وحجيتلها ..
كتلها مرة سرى لكفتني العب بالتلفون كالت اهلج يدرون كتلها لا بس شهد وهي تعرف ومسؤولة عني واني ممسوية شي بس للتسلية كالت لعد اجيبلج سيم كارت حتى نسولف بي اني وانت مرات احتاجج بجم شغلة وانت ما عندج وطبعا هي السبب اللي خلتني اريد تلفون وقرت براسي شفتها مدنجة راسها وتسمع وتنزل قطرات دموعها على الكاع

كملت كلامي واني اتمنى الموت ع السويتة بيها وجابت السيم كارت ورة كم يوم صديقتي انطتني رقم محمد الي اني لان معجبة بي ومن قلة عقلي حجيت وياه بس مو باسمي وميعرف شي عني وهم لكفتني سرى
وكالت راح تكول لمهند توسلت بيها حتى متكلة كالت لعد نذبها براس شهد وافتهمت انه هو ملعوب منها مقبلت والله بالاول وكتلها ما عندة علية اثبات كالتلي السيم كارت بأسمج واهلج ميدرون بيج عندج تلفون وراح تنكشفين رفضت بس هددتني وعرفت نيتها وكشفتلي اوراقها وكالت نحطها بظهر شهد واني قبلت من خوفي كامت تحجي وياية على اساس انه  شهد واني لان شفتج متدورين وراية كمت كل ما ارجع التلفون اغلقة ومن العب بي اشحن حتى لا تكعدين يمي وهكذا ومرات انت مموجودة او هي يمي تكعد تسوي محادثة من تلفونها لتلفوني وراحت دزت كل صورها لمحمد واني حتى لعبت نفسي منة لان حجيهم جان وصخ وصارت بينهم علاقة عود يعني هو وياج واكثر شي هي تحجي وياه وحتى تثبتها عليج كالتلة اسمي شهد وبذاك اليوم الصارت بي المشكلة هي اتصلت عليا وكالت اتحضري حتى انت تدلين مهند على الموبايل ومتحجين ولا كلمة لان اخليج تصيرين بخبر كان رجع هو متعارك وياها وصار اللي صار
وكل هالشي بسبب غبائي لطمت وابجي
لزمت ايدية
- بس ما اتحمل الصوت العالي الله يخليج كافي
- سامحيني شهد ابوس ايديج
- مروة اني وثقت بيج لان اعرف اخلاقج بس جنت اخاف عليج منها لان جرتج هواية لطريقها وانت على نيتج وشفتي وين وصلتج قلة عقلج
- اني غبية وحقيرة .. بقيت ابجي
- اسمعيني مروة اني هيج وهيج راح اشيل عنج لان مهند اذا عرف يذبحج متعرفين شكد يخاف عليج لان تصرفاتج طفولية والوكت مو خوش اني اختج مو بس بت خالج ومجبورة احميج لان احبج
خلص اني رايحة منا وعرفت من الاساس هذا ملعوب منها انتبهي لنفسج وراح ابقى عيني عليج مزعلانة منج
- وين حتروحين شهد شنو حتعوفينا
- اي هاهية بعد اللي تريدة هي لازم يصير واني اصلا كعدتي عدكم صارت مو صحيحة وحتى احميج ومتاذيج بس اوعديني بعد متحتكين بيها ولا تسمعيلها ولا تحجيلها عن شي يخصج وانتبهي لسمعتج اللي يحبج يجيج من الباب وهو يندك بيج مو انت تروحيلة
حضنتها وعلى فد بجية بقت تبجي الى ان نامت بحضني عدلت نومتها غطيتها ورحت لميت هدومي واغراضي ولابتوبي كملت كل شي ع السريع وعفت اللي ما احتاجهم دا اطلع من الغرفة صار مهند بوجهي عفتة ومهتميتلة دا امشي وكف كبالي ..