عيشة سعيدة

24

#عيشة_سعيدة24
Shahd Alsalman
ثاني يوم اجتي خالة
- ما شفتج الصبح ظل بالي
- مجازة شوية تعبانة
خطية كامت حضرت جاي وريوك وكعدنا ناكل بس بالي مو يمها
- شبيج ماما
وحجيتلها الصار كالت باع الحظ يعني من دون كل الناس الا هو صديقة هزيت براسي صارت ب 10 وشوي
- راح انزل اسوي غدا لا تسوين شي اليوم يمنا تاكلين كتلها عاشت ايدج بس
قاطعتني
- لا بس ولا شي ارتاحي واني من يصير ادكلج ونزليلي
- تسلميلي يوم
وراحت ..
ظل بالي عليها كلش حتى مدزت شي وما اعرف شبيها هسة اخذت زمنية وطلعت رحتلها وصلت دا اصعد وشفت خالة ام سناء نازلة سلمت
- شهد هنا ؟
- اي يمة فوك توني جنت يمها
اترخصت منها وصعدت دكيت الباب فتحت راسا
- ها خالة شنسيتي ؟
وتفاجئت بية
- جيت اصبح عليج يمة وغيرت صوتي مثل العجايز هي من شافتني هيج خربت ضحك بس من تضحك الدموع بعينها
- فوتي فوتي خالة
- بقيت صافن عليها ولازمتها الضحكة هي
- ضميلج ضحكة للعيد ياب
- ههههههه صوتك رهيب
- دايمة هالضحكة
- اشكرك شو اليوم طالع من وكت
- اي بصراحة بالي يمج مكدرت اشتغل شي
- جان دكيت ليش روحت عليك يوم وجيت وتعنيت
- يعني اروح ؟
- لا اسفة مو قصدي بس علمودك وابتسمت وسالتة متريك ؟
- كالي اي الحمدلله بس اريد جاي بيها مجال
- اي من عيوني ادلل و رحت اسوي جاي وصبيت الي والة
- عاشت الايادي .. ممكن اسال ؟
- اعرف شراح تسأل بس الجواب مو مهم ذولة ناس اعرفهم وصارت بينا مشكلة قديمة وما ردت
اشوفهم او يشوفوني وهذا كل الموضوع
- مردت الح عليها اكثر كتلها مهند صديقي واتعرفنا بالشغل صار شغل مشترك وعرفتة انسان طيب وصافي كلبة و يحب الخير للصراحة والامانة ما كلش احب خطيبتة احس متلوكلة بس كل شي بالقسمة
- اي وحاولت اغير موضوع اليوم ايمن خما ضاج الصبح
- يعني شوي وظل يسال كتلة دتضرب ابرة وسكت ههه جبان
- الله يحمي هههه
- محتاجة شي ناقصج مسواك منا منا ؟
- لا سلامتك كل شي موجود
- يلة اترخص مع السلامة
- وين رايح ما بقيت
حبيت اضغط عليها بلكت تحجي
- لا اني مثلي مثل الخطار مو مقرب منج وعرفت قيمتي عندج ومراح تشوفيني هواية حتى اتطمني مع السلامة
- لحظة شبيك عمران ؟
- منتظرت و مجاوبتها سديت الباب وطلعت

يا الله ليش زعل مني لان مكتلة زين شكولة والله ما اعرف بقيت افكر بي وحاولت ادزلة رسايل ما وصلتة
نزلت الظهر تغديت ويا الجماعة واجة ايمن وكلتة وياية دكلي ابوه
وطلعتلة الولد بس هو وجهة ثكيل علية اخذة كالي شكرا كتلة اتغدى ترة بس نومة هز راسة وراح
اتضايقت كلش من تصرفة وهو هم عندة حق لان احنا بكل شي نحجي وهو مصدر ثقة وحجالي كل شي يخصة اني ليش ما احجيلة بقينا يومين على هالحالة وجر اسبوع لحد ما بيوم بالليل حسيت نفسي تعبت عبالك شايلة هم جبال والصدك اشتاقيت يحجي وياية الوحدة والوحشة تذبح
رحتلة واني مسطورة حتى ما فكرت شون وليش دكيت الباب وانتجيت ع الحايط بينما يفتح دايخة كلش دكيتها مرة ثانية طلعلي باوع علية بس مسالني شبيج بجيت لان هو جان يفهمني ما بية حيل اخسر بعد احد اتقربلي وبخوف كالي شهد شبيج منو وياج كمت اشوف غواش ومحسيت على شي ..