عيشة سعيدة

31

#عيشة_سعيدة31
Shahd Alsalman
باوعت شهد فاتحة عيونها ومبتسمة تعبانة بس صحت
والكل يمها كمت احجي وياها شهد حبيبي كعدتي صحيتي لج جاوبيني انت زينة كالت اي وتاشر براسهة كمت ابجي كتلها احبج وحق الكاظم المخيب ظني ورجعج الي يا رب احمدك واشكر فضلك و سجدت بنص الشارع وشوفتها الامام كتلها سلمي علي كالت مهند لا تبجي اني زينة بس صوتها مو واضح مريم كالتلي شحجت كتلهم ابقو وياية ع الخط هسة راجع اني وعمران ظل يضحك علية كالي دسدة راح نطلع تريد تنام ترتاح من ترجع شوفها عود الله وياك وسدينا الخط .
صار ازدحام وكوة فض بس اريد اوصل لهناك والحمدلله وصلت شفت امي بوستها وحضنتني فتت للغرفة لكيتها نايمة لزمت ايدها بستها طاير من الفرح كتلها كومي كافي نوم والله مشتاق لعيونج وصوتج ما كعدت كتلها يلة انتظرج برة اني يمج دا اكوم واطلع لزمت ايدي انداريت بسرعة شفتها مبتسمة وتباوعلي
- مهند
- روح مهند وكلبة وعقلة وكل حياتة
- ليش تبجي
- ابجي من كد ما مشتاق الج ومن كد ما اذيتج سامحيني وبست ايدها
- مزعلانة منك
- حضنتها سمعتها تهمسلي احبك مجنت اعرف احبك هيج كتلها احبج والله من اول يوم شفتج بي صوبتي كلبي حسيتها نامت وخليتها ترتاح واني هم ارتاحيت لان كالت احبك اخيرا
طلعت ووزعت جكليت و ذبحت طلي ما خليت شي ما سويتة من الفرحة رحت زينت ورتبت نفسي واشتريتلها كلادة بيها حرفي وحرفها حتى تبقى لابستها وحفرت بيها تاريخ اول مرة شفتها واول مرة كالت احبك راسلت مروة فرغيلي الغرفة اذا انتو موجودين اريد اشوفها لوحدي اوكي كالت اوكيات ادلل
- يلة عيني بيتك بيتك خل ترتاح واحنا هم نرتاح ونرجعلج
- تعبتكم وياية ما قصرتو
- ولج انت كم مرة اكلج بطلي سوالفج
- مو بيدي عمران هههههه
- يلة حبيبتي ارتاحي وباجر اجيج واليوم لارا تبقى يمج
- ان شاء الله عمة سلميلي على عمو
- يلة عود استعجلي وطيبي بسرعة ترة كومة عندي حجي
- هههههه خبولة مريومة صار بعيني حبيبتي
الله وياكم مع السلامة
بقيت لوحدي وحمدت الله وشكرتة على كل شي صحيح تمرمرت وتعبت بس ماكو شي يجي هين والحمدلله هم بخير وطيبين وما مسهم اي شي حاولت شوي امشي ليم الشباك شوية شوية كومت نفسي تعبت بس كمت ومشيت وصلت وصفنت بالشباك كمت ارسم شغلات علي كلوب ورموز واسم مهند حسيت بحضنة من ورة
- حمدلله على سلامتج كلبي
- الله يسلمك بس ما اعرف ليش تضايقت من حضنة
- شلونج اليوم
- زينة ووخرت ايدة
- اسف بس ردت افاجئج
- مو مشكلة بس توجعت
انداريت دا ارجع دخت شوي لزمت ايدة وهو لزمني
- حبيبي على كيفج تعاي اني اوديج
- مهند ما اريد ضجت من الفراش
بس كل ما يتقربلي احس بخنكة او خوف ما اعرف
- تعالي اكعدي هنا لعد ع الكرسي
- عاشت ايدك شكرا وكعد يمي لزم ايدي وسحبتها
دتحاول تبعد عني بس ليش يمكن زعلانة مني
- اعرف بعدج ممسامحتني بس مستعد اسوي كل شي يرضيج وينسيج السويتة بيج
- مهند مزعلانة منك السويتة وياية اكبر من الصار بينا وما انسى كل وكفاتك وشهامتك بعدين الصار غصب عني وعنك اي احد مكانك حيسوي اكثر من السويتة انسى خلص خلي نطوي هالصفحة كافي
- لعد ليش متضايقة
- جرحي يوجعني واختنكت منا اكره المستشفيات
- اصيح الدكتور
- لا هسة انام ارتاح
- زين قبل لا تنامين غمضي عينج ثانية
- اوكي غمضت
- حسيتة تقرب مني فزيت وفتحت عيني ووخرت ليورة شفتة شايل كلادة
- شهودة ليش فزيتي راح البسج هاي وشوفنياها حرفي وحرفة ومحفورة بيها تواريخ .شنو هالتواريخ ؟
- هذا اول يوم شفتج بي الاخذتي كلبي
والثاني البارحة من كلتي احبك لاول مرة
- ضحكت من الخجل ومكدرت اباوعلة
- يمممة كلبي الضحكة ذابحتني خليني ابوس هالخدود
- من كلي هيج ضجت حيل اختنكت اخذت الكلادة ولبستها كتلة شكرا مهند اريد انام نعست
- حسيتها مو طبيعية وخايفة من شي عبالك او متضايقة نامت وغطيتها كتلها اني يمج وغمضت عيونها
بعد شوي سمعتها تبجي رحتلها مغمضة والظاهر دتحلم دا اكعدها لزمتها نار جسمها مصخنة حيل رحت صحت الطبيب كال تفضل برة لازم افحصها
طلعت انتظر طلع كال عدها التهاب بالجرح وهسة انطيتها ابرة تنزل الحرارة والالتهاب لا يظل بالك الحمدلله كم ساعة واستقرت اجت لارا تبات يمها واني كالعادة ظليت برة وياها كم يوم واتحسنت وطلعناهة من المستشفى للبيت هلاهل وجكليت وذبايح الحمدلله والشكر الله نجاها وفرحنا بيها
بعد 10 ايام صار عدها فحص وديتها وكل امورها تمام وصحتها زينة بس هي مو على طبع اول دائما اذا منحجي وياها تتصفن وتفز بسرعة من احد يجي يمها حجيت ويا عمران كالي طبيعي المرت بي مو سهل خليها على راحتها وقررت اطلعها ناكل موطا وهيج نتمشى لان هي تحب المشي والكورنيش فطلعنا للكورنيش وتمشينا والجو حلو والدنيا ليل ضوايات وناس وشط هي متونسة بس ما اعرف احس اكو شي عيونها سرحانة دائما كتلها راح اروح اجيب شامية واجي كالت اوكي
رحت ملكيت وجبت حب نكرز شفتها صافنة كعدت يمها وحجيت وياها وهي بعدها صافنة خليت ايدي على جتفها وقربتها لحضني فزت هي ووخرت بسرعة كتلها اسف خرعتج بس صار ساعة احجي وياج باوعتلي كالت امشي نرجع تعبت مناقشتها بس كمت اضوج كلش مدا افتهم شبيها
بالسيارة طلعت اغنية حسين الجسمي بحبك وحشتيني وكفت السيارة
- ليش وكفت
- اريد اسمع الاغنية
رجعت راسي ودرتة عليها وبقيت صافن بعيونها
هي هم بس دموعها تنزل وخلصت الاغنية جريت ايدها لزمتها ومسحت دموعها
- شهد تتزوجيني ؟
باوعتلة متفاجئة جريت ايدي
- لا
- شنو ؟؟
- لا ما اتزوجك
احس روحي راح تطلع
- شهد اني احبج وانت تحبيني كافي شنو منتظرين بعد ؟؟
- ما اريد و اذا تحبني اصلا انتو كلكم تدورون شي واحد وبس
- شتقصدين ؟؟
- تعرف شقصد كلكم تتشابهون
- شهد اني مهند
- انت رجال واي رجال ميدور الا شي واحد كلكم جذابين وتمثلون وصرت عصبيةبلا سبب
- خلص لا تعصبين اني اسف
رجعنا للبيت واحنا ساكتين فاتت للغرفة ما طلعت بعد واجوي مروة وعمران جانو برة سلم و كعد كالي كوم نطلع رحت وياه للحديقة وسولفتلة الصار
- مهند شهد خايفة من شي واعتقد عدها صدمة بسبب الكلب الاعتدى عليها وهي مو على طبيعتها ويا اي رجال اني انت والدك انتبهت عليها اني ولازم نعالج هالشي واتفقنا على انه نشوف طبيب نفسي يعالجها
وامي حجت وياها وكالتلها هالشي ضروري ومهم بعد الحادث تعبتي بالاول رفضت بعدين لحت امي وقبلت
باول زيارة شخصت الدكتورة حالتها على صدمة عصبية و ادت الى حالة نفسية واكتئاب بسبب الاعتداء خلتها تنفر من اي رجل مهما كانت تحبة مقبلت بعد تراجع الطبيبة تكول دا اتحسن الحمدلله
بس هي معاجبها تروح او اكو شي بداخلها ومحبينا نضغط عليها اكثر
رجعت طلبت منها نتزوج همين رفضت ومدا افهم شنو السبب زعلت منها بس ما اهتمت لزعلي ..