عيشة سعيدة

32

#عيشة_سعيدة32
Shahd Alsalman
عمران والولد والبنات كعدو يسولفون بخطة حتى يخلوها تقبل لان مريم كالت شهد تخاف ترتبط وتتزوج لا يصير بيها مثل مصار ويا اهلها واي طفل تجيبة يعيش مثل ما هي عاشت هيج جانت تحجي قبل بس هسة ما اعرف
- مهند انت لازم تخطب
- عمران مو وكت تحشيش
- مدا احشش جديات لازم تخطب ونسويلك حفلة همين وبيتكم
- حبيبي شنو قصدك ؟
- مراوي مو يكولون علاج الصدمة بالصدمة احنا همين نوصللها خبر انه مهند حيخطب مو هي متريد وتكابر وتحبة بس الخوف موكفها
كلنا جاوبنا اي
- خلص معناها نسوي حفلة الحنة مالتنا اني ومروة على اساس انه خطبة مهند وهي هالايام راجعة للشقة حتى تلم اغراضها واني راح اتكفل بشغلة نقل الخبر وفعلا كملنا كل شي وحضرنا كل امورنا ومهند بهاي الفترة ابتعد عنها عود زعلان منها
فدكيت باليوم المعلوم على شهد وبدلت كتلها شهودة تكدرين تجين يمي للبيت كالت اوكي واجتي
- هلو عمران
- هلو بيج شلونج تفضلي فوتي
- شنو هالكشخة اليوم عريس طالع
- ههههههه اشكرج شوشة اني اعرف انت متضايقة بس شنسوي هي قسمة بعد
- شدتحجي ؟
- عادي اخلي ايمن يمج بس على كد قراية الفاتحة واجي ولو دا اضوجج
- اي بعيني بس قراية فاتحة مال منو ؟؟
- مال مهند هسة كلت متضايقة خما فاقدة الذاكرة ههههههههه
- يا ذاكرة اني اصلا ما اعرف شي صدك حيخطب ؟؟
- شنو مكالولج شبيها مروة يعني كتلها معليج بمهند حتى لو طلب منج متحجين من اروح اعرف شغلي وياها
- حيخطب ! وكعدت احس بدوخة وكمت ابجي
- شهودة كم مرة ركض وراج هو هم مو صغير واهلة يريدون يفرحون بي اختة الصغيرونة حتتزوج وهو بعدة هم حقة لا تلومي
- شنو يتزوج مو اني ..
وسكتت لان خنكني البجي
-طبعا يتزوج لعد شينتظر رجال جاهز ومرتب وابن اوادم اللي يحبها مرادتة شيكدر يسوي اكثر خما يبقى يتوسل بيج انت اختي الصغيرة بس اسمحيلي اكلج انت بعنادج اللي بلا سبب ضيعتي من ايدج اذا تحبي وتولولوين علي روحي وكليلة مو تصيرين جبانة وتنسحبين وتبجين
طبعا اني فاتح خط ويا مهند وهو فاتحلهم سبيكر حتى يسمعون
- ما اكدر عمران خلي يشوف حياتة
- خوش خليج انت وخوفج يم ايمن اكمل الخطبة واجي مااطول عفتها ومشيت
- عمران اني احبة
كعدت يمها وخليت ايدها بيدي
-شهودة امسحي دموعج وفهميني ليش خايفة هيج
- يمكن صار شي افهمني
سديت التلفون ما ردت احد يسمع لان افتهمت دتحجي عن ليث
- ليش محجيتي ؟ وشتتوقعين سوالج
- عمران ما متأكدة
- خلص كافي تبجين انت قصدج صار بينكم شي لهذا انت دتتصرفين هيج ويا مهند وتبعدي عنج وكل هالوكت ساكتة وخايفة من هالشغلة ؟
- اي وهالشي مو هين اذا فعلا صاير شي الموت احسن ومهند مراح يتقبل الموضوع جنت هواي افقد وعي وما اتذكر ولا اعرف اليصير
- عههههههههعهه تدرين انت مخبلة والله
- ليش الضحك اني مدا اشاقة
- شهد انت محجيتي وعيشتي نفسج بالخوف وخليتي مهند يتخبل من تصرفاتج وهسة جاية تحجين والحقيقة اذا تعرفيها حتضحكين مثل ضحكتي
-شنو الحقيقة؟
- ليث مستحيل يكدر يسويلج شي لا بوعيج ولا بلا وعيج لان ببساطة هو اتعرض قبل فترة لحادث سببلة عجز جنسي تام وصعب يتعالج منة واساس خطفج جان لان هو رايدج زواج ومن وسط اختة الج هي كايلتلة انت تكولين عنة هو مو رجال من يومها حقد عليج
- جان دائما يكلي الا اشوفج شون رجال وكلي ردتج وانت كلتي ليث مو رجال؛ يعني
- يعني لا تخافين وماكو شي من اللي بالج ابد وهذا باعتراف ليث بعد ما عالجو اخذو افادتة وافادة اللي وياه وكال مصار شي وعندة حالة نفسية
فرحت من سمعت الديكولة عمران
- بس فات الاوان
- اي صحيح يلة رايح تاخرت اني ديري بالج على نفسج وايمن
بقيت افكر ليش فات الاوان هذا حبيبي وكل شي اتمناه اكون وياه واني احبة صدك ليش اعوفة ليش اعيد نفس الغلط
-عمراااان لحظة
-نعم
-اريد اروح وياك
- بس انت ممبدلة ومو جاهزة ومبقى وكت مستعجل اني يا شهودة
- ما ابدل وما اروح حتى افرحلة رايحة اكلب الدنيا على راسة مو بكيفة هو
- شبيج بصفتج شنو خلي يشوف حياتة
- اني حبيبتة وهو حبيبي والي يلة امشي و سحبت ايمن وطلعت كبلة للسيارة
دكيت للشباب واكيد دينتظرون الخبر مني
- يا شباب نجحت الخطة وانت دير بالك مهند حتكلب الدنيا عليك ههههههههه واسمعهم يصيحون ويهلهلون سديت الخط وطلعت
رحت للسيارة صعدنا وهي طول الطريق تفور وتحجي بعصبية وتكلي اني غبية واكلها اي اداهرها واكللها لو شايفة العروس شون جمال وحسن وهي مدتسيطر من غيرتها وعصبيتها وتهدد وتصر على ايدها وصلنا ونزلت بقت واكفة تباوع للزينة وصوت الاغاني جمدت بمكانها
- ها وين العصبية اللي متتخلى عن حبيبها
باوعتلة بعصبية ودمي فاير راح افوت قبلك
فتت للبيت ادور مهند رحت لغرفتة لكيتة ديلبس جان بدون قميص وركعت الباب حيل
- شبيج اكو واحد هيج يدخل ؟
- على اي اساس حضرتك تخطب ؟
- شنو ناقصني وما اخطب
كلتها ببرود
- متخطب وهالشي تشيلة من بالك ومو بكيفك تتصرف انت حتى مكتلي
- شهد انت لا امي ولا ابويا حتى ابلغج وبعدين شتريدين مني كم مرة حجيت وياج وتقدمتلج رفضتي عاد اقلها خليني اعيش حياتي
- تعيشها وياية اني مو وياها
- وياج معناها اظل بلا زواج ولا استقرار ولا بيت ولا جهال
- انت الي وبس
حطيت عيني بعينة ونزلت دموعي
باوعت بعيونها متحملت دموعها بس لازم اخليها تطلع كل الحب البداخلها وخرت عيني من عينها واخذت القميص البسة
- مهند لا تخطب
غطيت وجهي ابجي
-شهد خلص اني مو ملكج طول العمر اذا مردتيني لا تلعبين بمشاعري احبك بس ما اريد اتزوجك شنو لعب هي
صارت عصبية لزمتني من قميصي
- انت مو كتلي احبج
- اي احبج بس شنو الفائدة
بعدني ممكمل حضنتني وكامت تشهك بالبجي
- اني احبك احبك افهمني لا تروح ما اكدر اتحمل غيري وياك
دا اسمعها واني مبتسم وفرحان حضنتها حيل وخرت من حضني
باوعتلة وحطيت راسي على راسة
-لا تروح احبك
متحملت بستها حيل كطعت نفسها كعدتها ع الفراش
- توعديني متعوفيني وتبقين وياية ؟
- ما اعوفك اني احبك ما اكدر اتحمل هالوجع الاحسة خليك يمي لا تروح وتعوفني
- اششش لا تبجين خلص اهدي
- لا تروح
- يعني تتزوجيني ؟
-اي اني موافقة
- خلص حبيبي لا تبجين اليوم مو خطوبتي اليوم حنة مروة واحنا سوينا هيج حتى تقبلين تتزوجيني وتبطلين خوف لازم تحسين بحياتج ومتفكرين بالمستقبل كلة مكتوب النا اني هنا يمج لو اعرف العمر كلة انتظرج انتظر انت روحي من هالدنيا لا تخافين وهسة راح ابدل واكمل واطلع اني وياج حتى نكول عن خطبتنا ونحتفل بعمران ومروة
-مهند صدك دتحجي
- و غلاتج حبيبي مالي غيرج بهالدنيا
مسحت دموعي فرحانة وممصدكة الديصير
- بس اني ممجهزة نفسي ولا لابسة شي
- بعيني انت احلى وحدةلو لبستي مشكك
- هههههههههه عاد مو هيج
- والله هيج واكثر يلة كومي تاخرنا بستها من راسها
لبست وكملت وطلعنا طبعا واكفين ورة الباب ينتظرون باوعت عليها وغمزت
-شبيكم شمنتظرين
-شنو شمنتظرين شهد شنو صار
- مصار شي كالعادة ما قبلت اخطبها
عقجو حواجبهم وضاجو
- بس قبلت نتزوج
العياط والصياح والهلاهل والهوسات والبنات يكمزن من الفرحة تخبلو واهلنا فرحانين حيل امي وابوية وام لارا البنات اخذو شهد لبسوها البدلةالاختاريتها الها وجانت ام الصالون موجودة وهم متفقين وياها على المكياج وهالشغلات
كاعدين احنا الاربعة ننتظر عروساتنة والمعازيم وصلو وطلعو العرايس واجت حبيبتي ملاكي كل شي بيها نازك وحلو والفستان كاعدلها يعني كالعادة هي الخاطفة كل الانظار برغم البنات حلوين مو قاصرات بس تبقى هي غير وبشهادة الكل
بلشت الحفلة وكلنا ركصنا وتونسنا وامي حنت العرسان والمعازيم
بابا كال اليوم احنا مو بس دنحتفل بحنة بنتي اليوم خطبة ابني هنودي على بنت الغالين واللي اعتبرها بنتي شهودة الله يسعدكم يا رب وافرح بيكم دائما لبسنا الحلقات وحضنتها وبستها من راسها دمعت
-ماكو دموع بعد
-تمنيت اهلي يمي
- اهلج ويانة وديشوفوج وفرحانين بيج
ومن اليوم اني ابوج وامج واخوج واختج لا اختج زحمة هههههههه
- هههههههه
- يا الله اتيه بضحكتج وانت مدمعة اموت بيج

خلصت الحفلة والفرحة مسايعتنا وباجر عرس مروة وعمران
ادزلها بالليل رسايل لشهد متجاوب باتت يمنا تالي رحت للغرفة فتحت الباب لكيت التلفون بيدها وغافية محاسة بستها بجتفها وغطيتها وكعدت مقابيلها وخليت راسي ع الجرباية ولزمت ايدها ونمت
ثاني يوم
- صباح الخير حبيبي ولعبت بشعرة
-صباح العسل عيون حبيبج بست ايدها
- ليش نايم هيج
- لان اشتاقيتلج
-كوم تكسرت هسة عههههه
-مستعد اموت لخاطرج مو بس اتكسر
-اسم الله عليك لا تحجي هيج
-تخافين علية
-واموت اذا صارلك شي
كمت تقربت دابوسها وسمعت صوت مروة
- احم احم.
-شجابج ؟؟
-على كيفكم عيني بلابل
-لج انت مو حتتزوجين اليوم خلينا متونسين
-اي اتونسو بس ترة الفيديو الصورتة هسة بي خوش فلوس
-لج يا فديو
- شوفي
مصورتنا الخبلة احنا ودنحجي ومحاسين عليها يمنا
هههههههه
-جيبي فارة انت
-اليريدة يلحكني هههههههه
كمنا ركضنا وراها موتناها كتل اني ومهند عمتي كالت شوكت تكبرون وتضحك علينا صاحتنا للريوك لان ما بقى وكت وكملنا كلشي وصار العرس
العرس صار بعد احلى وسلمنا اختي اني وابويا لرجلها والحمدلله اتطمنا عليها وكملنا واجة دور مريم ووسام تزوجو الحمدلله والدور النا