عيشة سعيدة

30

#عيشة_سعيدة30
Shahd Alsalman
خابرني الضابط اسامة وكال لكينا مكانهم وتثبت الاتصال من هاي المنطقة وذكرلي اسمها وكتلة وهم عرفتو مكانهم بالضبط كال لا بس المنطقة واصلا هالمكان للعصابات والحرامية يعني مشبوه وكل فترةينكبسون وهسة ندورهم لا تخاف راح نوصلهم ونخلصها منهم عاينو خير وسدينا التلفون وبشرت اهلي
خابرت الولد يتحضرون وسويت سلاحي واخذت رصاص وياية وتجهزت وطلعنا ويا الضابط بدورية المكان بعيد عن المركز واني والولد مشدودة اعصابنا مدا اكدر اسوق عمران كالي كوم اني بمكانك ووسام وعماد ورة كالولي الزم روحك شوية واهدى بقيت ادعي رب العالمين يحميها ويساعدنا كمت اتذكر كل لحظة عشت بيها وياها واول ما شفتها وشقانة وكل شي نزلت دموعي ومحد حجة وياية شي احبها مو بيدي نقطة ضعفي وقوتي هي ..
وصلنا لمكان قريب نزلنا كلنا نمشي و اسامة كال انتشرو للعساكر
رحنة اني وعمران سوة ووسام وعماد سوة ونفتر بكل مكان لحد ما شفت اثنين كاعدين بمكان مثل الخرابة مبين صارلهم فترة حتى جاي اكو ولوازمهم
شفت سلاح بخصرهم دزيت رسالة لاسامة كتلة ع المكان لان اكيد ماكو غيرهم هنا كلش سنطة ووحشة كتلة عمران بعد مدا اكدر اصبر لزمني وعصب علية كال اهدى لا ياذوها اصبر يجون ونهجم جرني واشرلي ع المكان باوعت لكيتة ليث الكلب ديفوت لغرفة ويتطوطح كتله هذا ليث اخو سرى الله يلعن خيرهم بقينا واكفين نراقب ودزيت رسالة لاسامة كتلة الواضح عندي 4 شباب 2 ع الباب وواحد هسة دخل وهو اخوها لسرى واحد بعيد عنهم واكف دزيتها وسمعت صوت صياح عمران كال هذا صوت شهد دا اريد اروح اركض لزمني كالي لا تتخبل اصبر .
جنت نايمة حسيت بايد تمشي على وجهي وجسمي فزيت لكيتة ليث
- ليث وخر ابوس ايدك
واشم ريحة الشرب فايحة
- اششش لا تحجين مشتاقلج حيل
وهجمت عليها
كمت اصرخ واصيح وادفع بي وهو يحضني ويبوس بية ويتغزل ويكلي اني رجال غصب عنج وهسة اشوفج شون ويسب بية وادفعة ولا عبالك صار وحش بعد مكدرت وكعت من ايدة وضميت جسمي علية وهو يضرب بية حتى ارخى
محسيت الا الباب اندفعت وتكسرت بصوت قوي شون عبالك القنبلة
والشرطة انتشرت بالغرفة ولزمو ليث مهند ركض علية بس صارت عندي خوفة مقبلت يلزمني بس اصرخ وابجي عافني وهجم على ليث ملخة كتل هو وعمران ووسام ذب علية جاكيتة وغطاني بي عماد ديشربني مي وما اقبل اسوي شي تشنجت كلش و مكدرت اسيطر على نفسي بس ابجي وما اريد احد يتقربلي
الضابط والجنود جرو عمران ومهند كوة من ليث
و ليث فقد وعية طلعو يشوفون خاف اكو غيرهم اجة مهند كومني وكفت على رجلي و سندني ومشينا انتبهت على ليث صحى وشفتة شايل سلاح موجهة على مهند بلا ما احس صحت لا مهند وحضنتة وصار صوت رصاصة
صاح مهند ليا كلب انداريت بوجهي شفت ليث متصوب ودمة يجري باوعت لمهند احس برودة بجسمي وحرارة بس بظهري مدا اكدر اتنفس
باوعت بعينة بعدها ما اتذكر شصار

دنمشي نريد نطلع صاحت شهد لا مهند وحضنتني وصار صوت طلقة الضابط اسامة ضرب ليث لان جان موجه علية السلاح وصحت ليا كلب
شهد ظلت بحضني وتباوع دايرة وجهها لليث واحس شي يمشي على ايدي يبللها باوعتلي كوة تتنفس ووجها اصفر ودموعها نازلة ثكل جسمها واغمى عليها الرصاصة صارت بيها وايدي انملت دم عبالي بس اسامة ضربة معبالي هي هم راح توكع بيدي ومتصوبة اصحيها متصحى وما اكدر اشيلها حيلي راح كمت اصيح ماتت ماتت عماد ضربني راشدي يالا وعيت وعمران جرها من حضني وشالها للسيارة رحنا لاقرب مستشفى دخلت عمليات
الحالة خطرة نزفت دم هواي هيج اسمعهم يحجون اجوي اهلي والبنات انخبصت المستشفى طلعت ممرضة كالت محتاجين دم مروة كالت اني انطيها وتبرعتلها مثل ما شهد سوت وياها من قبل
مرت ساعات و ماكو خبر يا الله مدا اتحمل طلع الدكتور واخيرا ركضنا علي ووجهة ميبشر بخير
- احجي دكتور
- ما اعرف شكللكم
- ماتت مو ماتت ؟؟؟
- لا اخويا عايشة بس منا ل 48 ساعة يالا يبين وضعها اذا مصحت ممكن تفوت بغيبوبة واذا صحت احتمال تتضرر الكلة ويصير عدها تسمم اضافة لهذا صار عدها هبوط حاد بمستويات الضغط والسكر من سوء التغذية والقلب ضعيف بقت يم الكريم ادعولها