عيشة سعيدة

18

#عيشة_سعيدة18
Shahd Alsalman
فتحت عيوني و جنت اتمنى لو كل الصار حلم او كابوس و حكعد منة راسي ثكيل وصوت جهاز يدك كانو مال نبضات اوكسجين على حلكي ومغذي شنو الصاير ما ادري وتذكرت كل شي بلحظة ودمعت عيوني اجتي الممرضة ونطت خبر للدكتور حتى يجي يفحصني
كمل الفحص وكال حمدلله ع السلامة عبرتي الخطر اليوم تبقين يمنا حتى نتطمن اكثر وتاخذين هالادوية بانتظام كتلة احس بدوخة كالي طبيعي صارلج 4 ايام غايبة عن الوعي ونايمة هسة مجرد متاكلين وتاخذين الدوة راح تتحسنين كمل وطلع ..

نقلوني لغرفة واجتي عمتي وعمي وجنت اتمنى اشوف مهند بس هو ماكو وانكسر بيناتنا كل شي حلو
عمتي سالتني ليش شهد هيج سويتي جان حجيتيلي يا ماما وعمي كاللها مو وكتها وشهد متسوي هيج
ارتاحيت لان حسيت هو الوحيد الواثق مني كلت الحمدلله الله ما يكطع ..

عدة اليوم وخلص لازم اطلع من جنت ابدل تساعدني عمتي
- عمة وديني بيت لارا ما ارجع وياكم
فات عمي
- ها خلصتو ؟
- عمتي تعال اسمع الحجي المبي فايدة تكول ما ارجع وياكم
- شون يعني وين تريدين تروحين؟
- عمو وديني لبيت لارا ما ارجع وياكم بعد
- لا عمو شون نأمنج هناك وعيب شيكولون علينا
- ميحجون شي وما اكدر ارجع وياكم الله يخليك
اشر لعمتي علمود تطلع كعد يمي
- حبيبي بابا معليج بمهند انت عندي وبحمايتي صارت المشكلة وانتهت خلي يولي اذا يريد هو يطلع انت بنيتي تقبلين بابا يزعل منج
- بجيت حيل ؛ عمو لا تضغط علية اني تعبت وكافي لهنا انتو مقصرتو وياية واذا طلع مهند او بقى ف مراح ارجع انت الوحيد التفهمني لا تاذيني مثلهم
- حضنتها وكتلها خلص كافي مو زين عليج اهدي اني يمج ومتاكد انت مظلومة واللي تريدي يصيرلج بس لا تبجين
كملنا وطلعنا واصلا اتصلت بلارا كتلها
- حجي يمكم ابات بيها مجال ؟
- لا ما بيها .. متستحين انت يلة تعاي ننتظرج بس شبي صوتج؟
خنكتني العبرة
- من اجي افهمج
-وكعتي كلبي احجي شبيج ؟؟
- لارا من اجي .. بيباي
- ماشي حياتي باي
وسديتة وصلنا لبيتهم فتنا كعدو شوي وسالوني شنو هاي الكانونة بيدي وشصاير كتلهم تعبانة واريد ارتاح وراها راحو بقيت وحدي بالصالة اجتي خالة والبنات كعدو يمي واني صافنة وحيلي مهدود افكر بمهند وبكلامة شكد وجعني
حسيت ايد خالة ام لارا ودتصيحني شهودة حبيبي كتلها نعم خالة كالت صار ساعة نحجي وياج ماما شنو الصاير باوعتها بتعب اريد انام كالت كومي يلة ارتاحي بعدين نحجي صعدت ع الدرج و كل شوية ارتاح احس النفس كوة اجرة مالي اي قابلية وصلت للغرفة وغطتني مريم لزمت ايدها كتلها ابقي يمي وظلت لازمتني وتلعب بشعري واني دموعي تنزل لحد ما غفيت ونمت ..

رجعت للبيت بعدما عرفت هي صحت 4 ايام شفت الويل والتعب ولا نمت دقيقة بس اريدها تصحى والوم بنفسي والحمدلله صحت وعرفت بيها عدت الخطر طلعت للبيت سبحت وصليت ونمت ارتاحيت ثاني يوم اجوي اهلي بدون شهد
مروة سالتهم وين شهد مو اليوم تطلع كاللهة شهد متجي لهنا بعد ومتقبل تفوت بيتنا وخزرني وطب لغرفتة وامي كالت وديناها بيت لارا متريد تعيش هنا بعد الشافتة
كتلها زين خوش صلافة وهي ام الراهي وعفتهم وطلعت رحت لمحمد كتلة سرى قبل فترة ضاع تلفونها لهذا الصور يمك وكدرنا نعرف منو وصارت مشاكل كال الحمدلله يعني براءة كتلة اي حتى شمرت الحلقة بوجهي متريدني بعد تكول تهمتني كالي لا راضيها وهاهية كتلة الله كريم وبالي كلة يم شهد شسوت وشنو اكلت وشتحس هسة بس لازم اقسي كلبي انخدعت بيها و ببرائتها ..

كعدت بالليل تقريبا ب 9 اجوي البنات صح النومة يا حلو ابتسمت كتلهم شكرا صاحت خالة يا بنات يلة كعدو شهودة وتعالو نتعشى سوة نزلنا ومسوين العشا كعدت ومالي نفس بشي وصافنة ع الماعون خالة كالت ماما اكلي وراج دوة كل شي ينحل المهم صحتج
هزيت براسي واكلت شوي كتلهم عاشت ايدكم وسفرة دايمة وكمت اغسل وكعدت بالهول اجتي مريومة كتلها كملتو حتى الم وياكم باوعتلي صفح بس جوزي من اللواكة حتة ما عدنا اخ نزوجج الة خاف دترسمين ع الزعيم تقصد ابوها ضحكت اني كالت اي كللللليييششش واخيرا ضحكتي وباستني وحضنتني وراها كعدنا كلنا وحجيتلهم الصار
ام لارا كالت يعني هاي ملعوب كلة وانت شلتي علمود منو وليش كتلها خالة اذا كلت نطيتة لمروة معناها مهند يذبحها وهو جاي ومصدك اني اسوي هيج وما عندي دليل وياية كالت اي من تلتم ع المظلوم بس ان شاء الله تطلع حوبتج كتلها الله كريم كل شي يبين بوكتة اتفرجنا فلم وراها نمنا ..

عمتي ثاني يوم يمي اجتي وجابتلي كم غرض كتلها لو جايبة كل شي كالت تريدين ازعل عليج كتلها عمة ما ابقى يمكم وخلص رجاءا بعد لا تضغطون علية اكثر بعد هالمشكلة كمت اتعصب بسرعة وما اسيطر سكتت هي خطية ونطتني فلوس الايجار مال بيت اهلي وخلت فوكاهم همين ورجعتهم اخذت بس فلوسي وبعد 3 ايام كتلها لخالة ام لارا اريد ابقى فترة هنا وبس الكة مكان اطلع كالت ماما شون حجي هذا ابقي هنا لارا فترة وتروح تتزوج ومريمانة تبقى وحدها وانت حالج من حالهم تدرين بهالشي عيب تحجين هيج وما عدنا احد وعمج مسافر كل الوكت ومو غريب عليج هو اتفقنا على انه ابقى كتلها حجيب هدومي باجر وغراضي كالت ان شاء الله هلا بيج هذا بيتج وذني خواتج واني امج بستها وصعدت لغرفتي .
استغليت انه هم بالدوام ماردت اشوف احد منهم فتت للبيت بس شفت مروة بالغرفة ركضت علية حضنتني وتبجي ومبين عليها منايمة كالتلي اني اسفة والله مجبورة كتلها ليش تعتذرين بس مكدرت احضنها او احس بيها كعدنا وحجتلي كل القصة ..