عيشة سعيدة

15

#عيشة_سعيدة15
Shahd Alsalman
مرت الأيام ونجحت من مرحلة اولى واجة وكت انقل اوراقي والحمدلله صارت سهلة وهسة عشنا كلنا بالبصرة وما حسيت نفسي بنت اخوها لعمتي حسيت بنتها وعلى كد حبها الي صارت الغيرة عند مروة اكثر وزوج عمتي الله يخلي الي يعاملني مثل ما اكون اني بنتة ومهند اقرب واحد الي من بينهم كلهم حتى هواية شغلات احجيلة صديقي كلش ..

عدت 3 سنوات مثل الحلم ما تخلى من مضايقات مروة وصعوبة الدراسة بس الحمدلله جنت مرتاحة وتعرفت على بنت مسيحية لارا وصارت مثل اختي ومريم اختها اموت بيها وصارت علاقات عائلية بين عمتي وامهم ..
صار تخرجي فرحانة لان حققت الاريدة ورفعت راس اهلي ومقهورة لان مشافوني بس خليتها بكلبي وقريتلهم فاتحة و رحت الاجواء حلوة واحساس كلش حلو التخرج وصعب لان تفارك الاصدقاء اخذنا الصوروكملنا وراها دنطلع للبيت بقيت انتظر الخط خابرني كال سيارتي عاطلة اسف كتلة مو مشكلة كال ادزلج احد كتلة لا سهلة اني ادبر نفسي لا يظل بالك وسديت الخط
بس اني مخنوكة حبيت اتمشى والجو حلو ما اخذت تكسي ولا دكيت لمهند دا افكر ويا نفسي وسمعت صوت سيارة وراية وواحد يذب حجي يا حلو باوعلي واني جمدت بمكاني بس كملت مشي مهتميتلة
دتعاي صعدي ونتفاهم شون اهلج مطلعين هالحلا كلة صدك جذب وهو يحجي بصراوي
ضوجني كلش انداريت اريد ارزلة لكيتة مهند المخبل وخربان ضحك كتلة الم عليك العالم هسة ويشبعوك كتل نشفت دمي والله وهو غاص بالضحك واني هم ضحكت على ضحكتة احبها تطلع من كلبة وتلوك لوجهة كالي دتعاي صعدي ..

خابرت على ابو خطها وكتلة لا تروحلها وكللها عندي عطل بالسيارة وافتهم علية كالي صار هو صديقي ويعرفني احبها كتلة مشكور حبيبي كال ادلل خويا
رحتلها جانت تتمشى ومبينة حزينة اني اعرف مشتاقة لاهلها مشيت على كيف و كمت اتحرش بيها وغيرت صوتي وحجيت بصراوي حتى لا تحس خنست وكامت تمشي سريع بقيت اتحرش لحد ما اندارت دترزلني وعيونها حمر من العصبية متحملت وضحكت وهي هم ضحكت كل شي بيها يخليني فرحان حتى عفويتها صعدت السيارة كالت ابو الخط ماكو كتلها ليش مدكيتي كالت مو عبالي اتمشى حلو الجو وادري هي من تمشي يعني مهمومة
بس اني محضرلهة مفاجأة و حجزتلها بمطعم وميز مرتب وعزمت صديقاتها التحبهم واهلهم واهلي وصديقي اللي يحب صديقتها كلت حتى يكدر يخطبها وهي متعرف بحبة الها وصارت لمة كلش حلوة والاشياء التحبها كلها سويتها حتى الاكل طلب خاص مثل ما هي يعجبها وهدايا والطابق النا حتى براحتنا محد يزعجنا وهي متعرف بهذا الشي ..

- مهند انت شبيك دفتح اغنية اشتريلي ولو جبس مو اليوم تخرجي
- شنو ما عندج خوات تتحرشين بية
ويضحك الفطير
- ولك اني اتحرش بيك ابو خشم
وضحكت
- لا جوعان نروح ناكل برة شتكولين ؟
- ما كلت لعمتي اني
- هسة ندكلها
دكلها وكال يمة برة نتغدة وسوالي زفة لحد المطعم بس يركص ومعلي الاغاني خربني ضحك واشترالي شعر بنات وصلنا
- لحظة
نزل من السيارة وفتح بابي ومد ايدة
- تقبل اميرتي تنزل وياية ع الغدا؟
لزمت ايدة
- اتشرف اتغدة وياك اميري
وضحكنا نزلت بعدة لازم ايدي
- دوخر هد ايدي مشايف اجانب ههههه
- قصدج مشايف ملاك ع الكاع
وباوعلي بنظرة ما اعرف بس حسيت بكلبي صار طبل من كد ما دك بسرعة استحيت منة
- خل نصعد
- لا حباب مهند هنا احلى
- لا لا فوك
- يلة مو مشكلة
صعدت وهو قبلي دا احجي وياه سمعت صوت هلهولة رفعت راسي على اول درجة شفت عمتي والكل موجودين خليت ايدي على حلكي اتفاجئت كل شي مرتب وطابق محجوز النا والورد والنفاخ والاحلى لمة الناس الاحبهم نسيت كل ضوجتي والحزن وحضنتهم وباركولي وباركت لخالة ام لارا لان لارا تخرجت وياية ومهند ما اعرف شون اشكرة حسيت اي شكر قليل بحقة و كل الوكت نظرات عيونا تتلاكة ..
انتبهت على عماد ديحجي ويا ام لارا ولارا واني اعرف بي يحبها ويريدها دعيت بداخلي الله يجمعهم ويفرحهم اجة الاكل واكلنا وراها فتحت الهدايا وشكرتهم وخلصنا ورجعنا بعد ما تونسنا جان احلى يوم ..