عيشة سعيدة

13

#عيشة_سعيدة13
Shahd Alsalman
بعد شهر ونص
مهند كال تحضري راح نطلع كتلة وين كال بس اني وانت بدلت وطلعنا
بالطريق سالتة مقبل يكول
- وين رايحين ؟
-هيج ناكل برة
- مو اكو عشا بالبيت !
- لا يا بيت
- براحتك
وسكتت
- تدرين شنو الحلو بيج ؟
- شنو ؟
- متناقشين ومتسالين هواية
- اول تالي راح اعرف بعد ليش استعجل
- مخلوقة من يا طين انت فدوة لعيونج
- هههه
وصلنا لمكان حديقة
- هنا ؟
- اي نزلي ؛ اطبك السيارة واجيج

بعد شوي شفتة جاي ووياه بنية شايفتها مو غريبة
ياااا الله هاي نجاة من الفرحة ركضتلها وهي ركضتلي وبوس واحضان وبجي مصدكت كتلة مهند
وهو يضحك على حالي شون ابجي واضحك واكمز كالتلي كلة الفضل الج وطبعا لاخوية مهند كتلة مهند شون سويتها وشوكت وباوعتة واني ابجي حضنتة كلش قوي جنت متخيلة هو ميساعد احد او نسى الموضوع متخيلت حيسوي شي وهيج كلبة جبير حضني هو هم وكالي كافي بجي خلص اهدي
حجتلي هي شون طلعت وشون اهلها وصلولها وساعدوها وعايشة وياهم هسة وطلعت براءة بكفالة وزوجها لكو واعترف بمحاولة قتلها هو وعشيقتة وجان دفاع عن النفس وهسة هي حرة
اكلنا شوي ومهند خلانة وحدنا كال ساعتين وارجعلكم
سولفنا على راحتنا واخذنا الحجي وكتلها هيج وهيج صار لهذا اني تاخرت كالت لا بالعكس هو كالي من ثاني يوم دورت لاهلج وحجيت وياهم وفتهمو السالفة وما جانو يعرفون اصلا كل هاي الاحداث ومهند الله يرضى عنة كال صديقي يتكفل بالقضية
هو نفسة المحامي مالتي طلع والحمدلله رجعت علاقتي باهلي وكطعت ويا كل واحد خذلني بشدة وتطلكت همين و راح اعيش حياتي بعد وخلص انسى كل الفات المهم الجاي
اجة مهند كال ها عيني خلصتو ترة تاخر الوكت كنالة يلة كالت نجاة يجيني بابا كالهة لعد لحد ميجي نروح احنا
شوي واجة عمو ابو نجاة سلم علينا وباس راسي رجال جبير خطية بستلة ايدة ودعالي بالخير الي ولمهند وراحو اني الفرحة مسايعتني
بالسيارة كالي صيحي اذا تريدين لا شعوريا ظليت اصيح واضحك فرحانة كلش وهو فاتح اغاني والعالم تباوعلنة وتضحك عاد سكتنا ونصة المسجل
- مرتاحة ؟؟
- كلش بس ليش مكتلي كل هالمدة
- دا اشوف شحسوين وشون تعامليني وردتج توثقين بية من اكلج الشي التريدي يصير بدون نقاش وبدون لا لان اعرف نيتج وانت تحبين الخير للكل لهذا ساعدتها وحققت نذرج لا يبقى بركبتج
- ظلت بكلبي شون هيج سويت وشمرت الورقة صدك ضجت منك كلش بوكتها
- اني احفظ بسرعة اي شي اشوفة لهذا ممهتم للورقة ههههه
سكتنا
- شهد ليش بوكتها كلتي وكعت وتزحلكت وهي طلعت ملختج كتل ههههههه
- ههههه ما ادري
انحرجت منة وضحكت
- بس والله انت المفروض طبيبة نفسية او معالجة عندج اسلوب وفراسة رهيبة وتدخلين للكلب بسرعة وضحكتج تخلي الواحد يتفاءل عيونج بيها لمعة طفولةوهدوئج وحدة قصة
اني صافنة وساكتة شنو ديتغزل شوكت انتبه على كل هذا !
انتبه علية صافنة وانتبه لكلامة عدل صوتة
- احممم ؛ اقصد يعني حجتلي نجاة شجنتي تسوين وياها وويا البنات وشون بعد ما رحتي منهم فرقت عدهم وضاجو بس بقو صديقات هواية منهم بسببج تراضن وتركن المشاكل وحجتلي شون تعاركتو وثاريج مو هينة ههههه
- مو هيج ههههه بس الشخص العدواني المو لئيم من تستفزة ويطلع عدائيتة يرتاح ويكوم يحس بمشاعر غير العدوانية يهدى ويرجع لطبيعتة واني استفزيتها لحد ما جرجرتني وتعاركنا وانطيتها كل المجال ماكو انسان يجي هيج طبيعتة الا اللي متاذي ومنوجع حيل ويستخدم هالاسلوب يحمي بي روحة
اني دا احجي ولكيتة مندمج كملت كلامي
- وبس هذا الصار
لزم ايدي باسها
- اطلب منج شي ؟
- عيني الك كول
- ديري بالج على مروة اريدها مثلج اني اخاف عليها صادقيها خليج انت بمكاني من اني ماكو
- ميحتاج توصي هي اختي واحبها ومنا وجاي ادير بالي عليها وحتى عليك ههههه
- هذا العشم بيج وانت كدها وبالنسبة الي ما امانع بس ترة اني اتدلل هواية من هسة اكلج هههههه
- هههههه ادلل براحتك كل شي قليل بحقك