عيشة سعيدة

12

#عيشة_سعيدة12
Shahd Alsalman
بيوم ثاني طلعت ويا مهند علمود الكلية حتى ننقل الاوراق للبصرة ؛
بالطريق كلة ساكتة بعدني لهسة اخجل من مهند و تذكرت شغلة البوسة دا اريد احجي وهو حجة ضحكنا
- انت كولي
- لا انت كول
- اني اعتذر علمود البارحة من بستج
نوب خجلت بالزايد وطلع هو هم ديفكر بالموضوع
- الصراحة دا افكر بيها جنت
- يعني ضجتي مو؟
-مضجت بس تفاجئت يجوز عندك عادي هالشي مثلا ويا غير بنات او قريبات بس اني ما احب هالشي انفجر بالضحك
- شبيك ؟ واني هم ضحكت وياه
- شكو ضحكتي
- ما اتحمل احد يضحك كدامي الا اضحك وياه
-ههههه يربي فطيرة .. اني اسف ومتنعاد وممتعود على شي لا ويا بنات ولا اقارب بس صارت هيج واني لا ارادية طلعت مني
- تمام هذا هو وابتسمنا
- مهند
-عيني
- اممم لا هيج
- كولي شنو
- اريد ادور على ناس
- اي
- يعني اني اعرف المنطقة والاسم بس ما ادري وينهم
- سهلة بس منو هم و ليش تدوريلهم
- شوف ...
وحجيتلة قصة نجاة
- يعني هي تدري بيج انت حتدورين
- لا ما ردت اكللها وخاف اهلها ميقبلون يساعدونها او شي وتنحبط واني كوة رجعتها طبيعية
- شون يعني؟؟
- هذي قصة طويلة بس المهم هسة هي مظلومة واني بصراحة نذرت لما اطلع من السجن اساعدها وادور اهلها جريت لسانها وحصلت منها الاريدة وكتبتة بورقة
اخذ الورقة وباوع عليها وعقجها و ذبها يمة بباب السيارة
- هاي ليش ؟؟
- لان العالم مو امان ويجوز هي جذابة ونوصل لهناك لاهلها تطلع مسوية بلاوي
- لا تحجي هيج عنها ميصير واني مو طفلة حتى ما اميز الزين والكذاب صح عمري صغير بس مو طفلة وجنت تكدر تكلي ما اتدخل بهيج موضوع من الاول ليش دتعقجها للورقة
هو سكت ودار وجهة واني لزمتني العبرة شلون هيج سوة بعدين باوعتلة
- انسى وما اطلب منك شي بعد لان ادري ضوجتك هز راسة ولاف السيارة طبكها ونزلنا للجامعة بس كل طريق المشي واني ساكتة واحس مخنوكة لان حتة ما حفظت العنوان يا دوب بس الاسم ومراح يفيدني بشي ومن كتلة انطيني الورقة كالي عوفيها وشمرها من الجامة.
وصلنا قسم الهندسة شرحنالهم الوضع وشون حننتقل فكالو ميصير لازم تداوم سنة هنا وبعدها تنقل اوراقها وعلى شرط القسم مو ادنى ضجت كلش وكال الاستاذ انه تكدر تبقى هنا اقسام داخلية وماكو مشكلة وهي كلها كم شهر اني عجبتني هالفكرة الصراحة ردت اجرب الحياة وحدي والاهم هالشي يخليني اساعد نجاة
باوعلي مهند يسال عن رأيي
- ها شنو رأيج ؟
- اي عادي ماكو مشكلة
- يلة لعد
شكرنا الاستاذ وطلعنا
- تتغدين؟
- شكرا خلي نرجع
- لا خل ناكل شي جوعان وهم نسولف
- اوكي بس بزعل
هو ديحس بية ما اعرف مغلس او لا الله اعلم

نزلنا بمطعم ودناكل
- شو متاكلين معجبج ترة والله طيب
- انت اكلة بالعافية مجوعانة
متحملت بعدني ضايجة ردت ابجي
- حروح للحمام
رحت و بجيت شافتني وحدة كالت شبيج عيني خما اكو شي كتلها لا وكملت بجي غسلت وجهي وطلعت لكيتة مدياكل
- كملت اكل ؟
-ما اكلت دا انتظرج. شبيها عيونج؟؟
- دا اغسل وطب صابون بيها
- ها خوش
اكلت شوية وياه
- يلة نروح ؟
- يلة
الطريق كلة موجهة عيني ع الشارع وصافنة بكل شي محسيت جنت افكر بهواية شغلات لحد ما مهند دغني
- نعم
- حيييل وين صافنة!
- هيج ماكو شي صفنت
- شبيج عبالك ضايجة؟
- لا بس تعبت شوي
- مو احنا مراح نرجع للبيت
- ليش؟
- رايحين للسوك
- ها اوكي
باوعت السوك مال ملابس يعني مو مسواك بيت
- يلة
و نزلنا عبالي حيشتري الة او احد موصي شال قميص ابيض بناتي
- حلو ؟
- حلو هذا بس جبير يمكن على مراوي
- لا مو الها
-ها لعد؟؟
-الج
- شسوي بي؟
- شنو شسوين بي غير تلبسي بالدوام
- يعني نزلة السوك هاي علمودي !
- اي
- منو كالك عمة ؟ لو عمو؟
- لاهي ولا هو بس اني احب السوك واحب الهدوم وعاجبني اخذلج هدوم الجامعة الج وهي هاي هديتي
ما اعرف ليش اخذتها بتحسس وانقهرت كلش عفتة وانداريت امشي نزلت دموعي سمعتة يصيح شهد لج شهد ووكف كدامي
- شبيج ؟
مجاوبت بس مدنجة ابجي ما اريدة يشوفني هيج
- خل نرجع
كلتها بس بصوت مخنوك
رفع راسي شافني ابجي
- ليش البجي شبيج شوشة ؟
متحملت دفعتة شوي حتى امشي
-اني راجعة لوحدي
جرني من ايدي
- لحظة شسويتلج اني ليش زعلتي مني فهميني ؟
شافني زدت بالبجي سكت رحنا صعدنا السيارة ومحركها
- احجي شهد بشنو ضايقتج؟؟
- ممحتاجة تتعطف علية وتكلي هداية وانت تريد تفرحني ما اريد اقبل منك شي ومن احتاج ما راح اكلك الك ولا لأي احد
- هاي هيج تحجين وياية واحنا اصدقاء ؟ تعتبري هالشي عطف مني واني دا اكلج هديتج
- ما اريد ما اريييد
كمت اصيح
- شهد !
- رجعني هسة ما اريييييد دا اكلك
ما اعرف ليش تهسترت بالبجي هو هم حرك سيارتة ورة شوي سكتت ووصلنا لمكان كراجات
- كومي نزلي وانتظريني هنا هسة اجي
نزلت ورة شوية اجة لزم ايدي ومشة بية
- وين رايحين ؟؟
-رايحين نزور الكاظم
سكتت فتنا زرنا صلينا وقريت قران وطلعت مرتاحة كلش
- تقبل الله
- منا ومنكم
- امشي نفتر شوية
- اوكي يلة
افترينا بالسوك وظلينا نتمشى ونضحك ونقيس هدوم الي والة ولمروة ما حسيت بتحسس مثل قبل شوية
شفت الحنية كلها عندة
- ها نرجع ؟ شكد تحبين السوك
- ههههه يلة نرجع

بالسيارة ..
- مهند شكرا واسفة كلش
- ليش ؟
- شكرا لان خسرتك هواية فلوس هههههه
واسفة لان صار الموقف الظهر وما اعرف ليش صار بس اتحسست منة يمكن اعصابي تعبانة
- اعتذارج مقبول ولو مزعلت واعرف انت جنت تعبانة بس مجنت اقصد بيها شي عجبني اشتريلج مثلج مثل مروة وحبيت تكون هديتي الج هي هاي لان ما اعرف شنو اجيبلج والهدية مو عطف بس الرسول يكول تهادو تحابو
اما شكرج مو مقبول لازم وياه بوسة وضحك بخباثة ههههههههه
- ههههه عيب عليك
ضحك لزم ايدي وباسها كالي انت ملاكي الصغير اعتبريني مراية الج ولا تتحسسين مدامنا اصدقاء
- اوكي
رجعنا للبيت وحجينا الصار ويانة علمود الجامعة وتعشينا سوة وكلمن اخذ غراضة ومهند كلش يحب اهلة ومداريهم تعبت كلش ونعست رحت شوي للحديقة اشم هوا قبل لا انام واجة مهند
- ها شو كاعدة ؟
- اريد اشم هوا وانام
- ليش بيج شي؟
- لا بس مشتاقة لهوا الحرية
كعدنا ع المرجوحة ديسولف عن حياتة ووظيفتة ودراستة ووين سافر ومن هالامور يعني
واني غطيت بالنوم ثاني يوم كعدت بفراشي سحبت الغطا دا اكوم اتذكرت البارحة نمت ع المرجوحة شجابني هنا صبحت عليهم وكعدنا نتريك
- شنو تحجين بنومج؟ كوة كومتج وفوتج للفراش كلت ملبوسة جني ههههههههه
- مو دا اكول شون جيت لهنا
فمروة كالت ليش انت مو ودتريد تحجي سكتها هو كالها جيبي حليب وخزرها مفتهمت ليش ومدخلت نفسي و همين كل واحد التهى بشي وكملت ريوكي وبلشت تنظيف و شغل بالبيت ...