عيشة سعيدة

33 والاخير

اليوم عرسي اني ومهند بس بكلبي غصة ردت امي يمي وردت ابجي بحضن بابا كعدت بوحدي بالغرفة قبل لا تجي ام الصالون كمت صليت لوجه الله وهديتها لاهلي وبجيت ع السجادة من كدما مشتاقة الهم
اجتي عمتي وكعدت يمي حضنتني وكالت بعد اهلي لا تبجين كلنا يمج واني امج ولو قصرت وياج وادري ما معذورة بهاي
كتلها لا عمة الله يخليج خيمةعلى راسي انت وعمو ما عندي غيركم بست ايدها وكملت لبست البدلة وتمكيجت كلبي يدك حيل سريع وهو مندار مشافني كلتلة مريم يلة واشرتلة وهلهلو
انداريت متحملت بجيت وحضنتها وهي تبجي احلى ملاك واحلى مرة وبنوتة واحن واطيب كلب صارت الي واخيرا
بستها من راسها مسحنا دموعنا والكل يبجي ويانة واحد كام يضحك ع اللاخ وصارت احلى حفلة فعلا ليلة عمر تجنن خلصت وزفونا وصرنا لوحدنا بست ايديها وحضنتها حيل وهي ترجف
- خايفة
- اي
- لا تخافين اني يمج خلي نبدل ونرتاح وصلي ونكعد نسولف
- بدلنا ولبست سيت ابيض بس شون اطلع بي مريم ولا تكعد راحة الا جابتة مشلح يا الله شسوي
لبست روب فوكاه من غير سيت لونة وردي
- ها حبيبي كملتي
- اي و طلعت شافني وكام يصوفر
- ولج شلون تريدين اتخبل اكيد مو
- ضحكت ودنجت
- هو الخجل مخلوق لخدودج الوردية بستها بخدها
طبيت للحمام سبحت وبدلت وكملت وطلعت لكيتها تباوع من الشباك للسما صحتها تعاي نصلي حبيبي
صلينا وكملنا
- جوعانة ولزمت بطني
- يخسى الجوع هسة ناكل تعالي وكعدنا دناكل
بقينا نسولف ونضحك ونحشش كمنا نغسل ايدنا وتحارشت بيها شمرت مي عليها
-لاااا مهند لا تنكعني
- شو الا انكع دهاج
- ها يعني تتحداني هاك لعد
لزم ايديا وحضني من ورة كالي ها ولج احطج جوة الدوش والله واني سكرانة ضحك فرني صرت كدامة وبحضنة
- انزعي لا تستبردين
- اوكي دا اروح وجرني
- وييين
- دا ابدل غير
دا احجي وجر الحبل مال روب انفتح وشاف السيت الجواه
- اويلي يمة الحكي لابنج
- تجمدت بمكاني مهند شدسوي
- اشششش بستها على كيفي وحضنتها حسيتها ذابت بيدي وتتنفس سريع واني ذبت بيها
- مهند
-يا روحة
- احبك هواية
- اموت بحروف اسمج وعطرج وشعرج احبج بكد هالكون واكثر
وصارت مرتي وكضينا احلى ليلة سوة ونامت بحضني للصبح مكدرت انام بقيت اتامل وجهها ونومتها
فتحت عيونها العسلية وضوة الشمس ضارب بيها بستها
- صباح الخير يا حلو
- صباح الورد يا عمري
- نمتي زين
- احلى نومة ارتاحيت كلش وانت
- منمت اصلا مكدرت افارك وجهج الحلو
- حضنتة الله يخليك الي يا رب
كمنا اجوي جابو صباحيتنا تريكنا كلنا سوة وسافرنا 10 ايام تركيا ورجعنا
مر على زواجنا شهرين ومرتاحين
فد يوم كتلها اتحضري اليوم نطلع نتعشى برة كالت اوكي
طلعنا بس هي ممرتاحة ما اعرف شبيها سالتها كالت دايخة شوية ماكو شي
فتنا للمطعم اول مفتت شفت بنية جانت وياية بالدوام وانقلت فهي اجت وسلمت علية عرفتها كتلها مرتي شهودة سلمت عليها ببرود ودارت وجهها علية شو معزمتني كتلها ما عندي اتصال بيج حتى اعزمج فهي ضحكت كالت يلة عود ع الجايات كالها هاي الاربعة والاولى والاخيرة حسيت تريد تغيض شهد واني رديتها ضاجت وكالت من رخصتكم وراحت
احنا هم كعدنا وشهد وجهها ميتفسر
- لازم جانت مخلية عينها عليك
- عادي واذا المهم عيني وين والمن
- هو شنو العادي مشفتها شون تحجي
- شهد صوتج بعدين مشفتيني شون رديتها ختولي
- اوكي وبقيت معصبة كل الكعدة بس احس تعبانة كلش
- اروح فدوة لليغار
- مغيرانة ولا شي بس عيب عليها ورجعت عصبت
اجة الاكل وسكتت بس حسيت بريحة زفر ضجت منها كتلة عفية شيلة مطيبة ريحتة برغم اني طالبة بيتزا خضار يعني ما بيها اي لحم
شالها و راح
- شهودة بيج شي
- مهند ممرتاحة امشي نرجع
- بس احنا هسة جينا
- مهند كوم كافي او اكلك كابلها واكعد اذا تريد وعفتة وكمت ركض وراية
- جريتها حتى توكف شجاج شبيج شنو هالتصرفات طالعين نتونس لو نتعارك
- تتعارك وياية علمودها
- شهد متعاركت وياج انت تصيحين بلا سبب واعتقد شفتي شون حجيت وياها
- هدني اريد ارجع للبيت
- امشي جريتها ومشيت
- مهند لا تجرني دايخة مدا اكدر
- صعدنا للسيارة وشخطها ومشى بسرعة جان عصبي
- خفف سرعة مهند كافي عاد
- ليش صرتي تخافين وصوتج نصة هسة قبل شوي صياحج مالي المكان
- خلص خفف الله يخليك ولزمت ايدة وطلعت ريحة رشيتها وشميتها
- خففت سرعة جانت تشم ريحة شبيج حبيبي ؟
- ما ادري تعبانة اريد انام نعسانة
- حتخبليني والله
باوعتلها مرخية جسمها وساكتة شكلها تعبانة كلش فسكتت
وصلنا البيت كالت راح انام
- قبل متنامين هالتصرف ميتكرر بعد وصوتج ميعلى
مو اني اللي لازم اكلج هالحجي انت المفروض تعرفي
- اصلا ما اغار عليك بعد اني صوجي
كمت ابجي
- انت ليش تبجين اني شنو حجيت وياج حتى تبجين
- مشفتها شون تباوعلك وتحجي وكل شوي تتمضحك شنو هاي منين تعرفها لهاي الشكولات وصرت اعصاب ابجي واصيح
- لا اله الا الله هسة اني شنو علاقتي خليها تسوي اي شي ليش مركزة وياها هي شنو من البين واحسب حسابها ليش صايرة عصبية انت صار فترة مو على بعضج
- خلص راح انام سد الموضوع الله يخليك
دا اكوم وحسيت الدنيا افترت بية حطيت ايدي على وجهي وبعدها محسيت بشي
دتحجي وكالت حنام كامت داخت ووكعت ركضت لزمتها قبل لا تطخ الكاع فقدت الوعي شلتها وللمستشفى بوجهي
طلعت الدكتورة
- شبيك مخروع ههههههه
- شبيهة دكتورة احجي فدوة
- بيها مثل كل النسوان مبروك حامل
- صدك تحجين دكتورة كمت اكمز من الفرح وسجدت لله شكر فتت عليها لكيتها كاعدة بس متمددة ع الفراش
- حبيبي
- يا روح حبيبج يا كلبة ومعلاكة مبروك يا احلى ام
- مبروك بابا هههه
- طلع هالدلال كلة من ورة هالنونو ممصدك والله جهالي منج يا رب الحمدلله على نعمتك
عدن 9 شهور بالليل حسيت بوجع فضيع متت كعدت مهند
- مهند عفية مدا اتحمل بعد والله
- ها حبيبي شتحسين
- مدا اكدر الم الم مو طبيعي اااخ
وكمت اصيح مهند الحكلي عفية حموت
- يا الله شسوي هسة
كمت مثل الخبل اخذت الجنطة وفلوس وسويجي وصعدت بالسيارة نسيت شهد يا ربي شنو هالغباوة رجعتلها لكيتها تصيح اخذتها ورحنا
خابرت امي واجوني متت قلق وخوف 4 ساعات وعدت ال 5 وال 6 صارت 8 ساعات وبعدها ع الطلك والدكتورة تكول بعد بيها مجال هاي البجرية هيج تطول ظليت ادعي واقرة قران
طلعت الدكتورة واخيرا
- مبروك عيني جابت بنية وولد صلوات يخبلون طالعين على اهلهم حلوين
- و مرتي شلونها
- الف الحمدلله زينة وولادتها شوية صعبة جانت بس صحتها الحمدلله
امي هلهلت وحضني ابويا مجنا نعرف احنا عدنا توم مقبلت شهد بوكتها تعرف جنس المولود بس تراجع مراجعة عاديةلهذا تفاجأنا وفرحنا كلش
طلعوها للغرفة فتت شفتها تجنن اول مرة اشوف وحدة جايبة توها هيج حلوة والوجه ضاوي بستها من راسها وايدها واهلي باركولها وجابولنا جهالنة اول مشافتهم بجت واني هم دمعت احلى لحظة بحياتنا الله لا يحرم احد منها يا رب رضعتهم وكملت بس تعبت ونامت ..
تساعدنا على تربيتهم اني وهي بيتنا مليان محبة وطيبة وعلمناهم على كل شي بعد 4 سنوات هم صار عدنا طفل ولد وبعد سنتين صارت بنوتة واني طورت شغلي والحمدلله رزقي نعمة وخير من الله
شهد اتوظفت ورادت تشتغل ما منعتها وهي ممقصرة ويانة لا بالبيت ولا بحقي عشنا حياتنا ع الحلوة والمرة وساعات غيرتها نار تحرك كل شي واني هم اغار اموت عليها واتخبل من يمر احد يمها او تسولف باحد وياها بالدوام ..
عشكنا عشك اول لا بي غش ولا مصالح ولا اذية واحد يحب اللاخ وربينا جهالنا ع الحب والاحترام وطيبتنا انزرعت بيهم مهند حبيبي يستلمو اول ميفوت شقة وضحك ولعب يهدون حيلة و يتونس وياهم صار صديق واني هم كمت اعرف كل شي عنهم بصفتي صديقتهم مو بس امهم
مروة صار عدها ولدين ومريومة بنيتين وولد ولارا ولد وبنية وبقينا كل فترة ننجمع ونطلع سوة وجهالنا اصدقاء و خالة ام لارا سافرت يم عمو وعمتي وعمو يمنا دائما وهم بركتنا وبهيج عشنا عيشة سعيدة ..

" العيشة السعيدة تحتاج تعب وصبر وتحدي وامل و حب وفاء وتسامح
وكل شي يجي بعد التعب الة نكهة خاصة وما ينسي بسهولة " ..