عيشة سعيدة

23

#عيشة_سعيدة23
Shahd Alsalman
خلصت اجازتي الشهرين الاخذتهم بسبب وفاة زوجتي
صار حادث واحتركت وماتت وعندي طفل منها ايمن 3 سنوات
تزوجت زواج تقليدي وجنت احترم زوجتي جدا وهي كذلك وحياتنا روتينية بس مرتاحين ووفاتها اثرت بية كلش والطفل بقى بركبتي لازم اداري واربي ولوحدي ما اريدة يحس بنقص واهل هنا ما عندي كلهم سافرو وبقيت هنا لان عندي وظيفتي ودوامي
عمري 33 سنة طويل و صاحب جسم ضخم واكتاف شكلي زين يميز وجهي لحية وشارب

راح تخلص مدة الاجازة واني ما اكدر على ابني فقررت اودي روضة اهلي لان دوامهم طويل ومناسب الي ويا وقتي افتريت على الروضات القريبة وما لكيت كلها تكلي انت تأخرت ومنكدر هسة اخر روضة فتت الها تعاركت وبقيت اصيح لان اعصابي فرطت وحسيت راح اخسر كل شي هم وظيفتي وهم زوجتي وهمين اني ما اكدر وحدي علي كلها التمت علية ويا ما جنت اتعارك واتصايح سمعت صوت ورايا يسكتنا بسس كافي انداريت لكيت وحدة شايلة ابني وتباوعلنا فشلانة يمكن لان صاحت جريتة منها وهم صحت بيها لان ماخذتة
بعد ما سكتتنا فتنا لغرفتها وحجينا وهي حلت الموضوع النا تمنيت ساعتها ابوس ايديها على كد الهدوء والعقل الشايلتة ولان خلصتني من هم جبير والمفاجأة طلعت هي جيراني بالعمارة القريبة
كمنا نلتقي هواية بالطلعة والصبح سجلت ابني وياها بالخط حسي ما اقترحت علية و كل مرة اشوفها احس اكو امل بحياتي وهي كلش متفهمة ولو هي عدها اطفال بس بعدها بجمالها و عيونها بريئة لدرجة اذا ضجت اكدر اتحسن من اباوعلهة ما اعرف شي عن حياتها بس اعرف هي جوارينا وعدها طفلين وتداوم ع الحاسبة بالروضة
ابني يحبها كلش وما اتصور اكو احد ميحبها..

فد يوم كعدت الصبح دايخ كلت جنها افلاونزة هاي بس مهتميت للظهر ساءت حالتي كلش اعطس وبلاعيمي يعني افلاونزة متوصاية خابرتها
حتى اكللها راح اتاخر سألتني شبي صوتي حسيت بحنية فاقدها كملنا تلفون ورجعت لشغلي لليل يالا كدرت اخلص بس جسمي حيل تعبان واحس حيلي مهدود
عزمتني فوك يمهم ع العشا صحيح انحرجت بس عجبني اصعد فتت وسلمت ع الحجية عبالي والدتها طلعت جارتها بست ابني وصبتلي اكل واحس دتزيد حالتي ونعست وتعبت اكثر كمت من الاكل وكعدت ع القنفة كالت نشرب جاي وروح
متحملت مددت واتجتفت احس ببرد وعظامي مكسرة تكسر
ونمت حسيت دتكعدني حتة اشرب الدوة بس مكدرت اكوم ساعدتني وصرت قريب لحضنها صحيح اني مو هلكد واعي بس عجيبة هالحنية العدها شربتة وكمت اون لان كل شي يوجعني بس حسيت ببرودة على كصتي و شي بحلكي يمكن المحرار ما اعرف شكد مر وكت واني نايم
مرتاح كلش بنومتي بدون ما اكوم الصبح فتحت عيوني راسي يوجعني وبلاعيمي هاي مو بيتي وين اني كمت باوعت شهد ايدها نازلة من الكرسي وبيها خاولي صغير وهي متجية ركبتها نومتها غلط افتهمت من هالنومة هي سهرانة علية ومسويتلي كمادات ومداريتني
كعدتها
- شهد شهد بصوت ناصي
حست وفتحت عيونها
- ها كعدت اسفة محسيت نمت شوية دتريد تكوم بسرعة صاحت اه ولزمت ركبتها
- شبيج ؟؟
- ما ادري دمار ركبتي يمكن ماكو شي
ودا افرك بيها
- اسف بسببي هيج صارلج وكلش اعتذر سببتلج احراج
- بالعكس المهم انت زين ونزلت حرارتك ولا يهمك
وصباح الخير هههههه
- ههههه صباح النور دكتورة ما اعرف شون اتشكر منج شوية مرضتي نحسة خما حرجتج ويا زوجج وضايقتكم بأبني
- هههههههه ايمن نايم جوة بسابع نومة كوم نتريك اليوم جمعة غسل وجهك وهسة اجهز الاكل والجاي
- اوكي
سويت ريوك وجاي الي وعصير برتقال وليمون وشوي عسل بي لعمران علمود يقوي وحضرت السفرة واجة هو جان ينشف وجهة
- شنوو هالدلال محظوظ اليوم اني هههه
- هههههه يا دلال هو ريوك بس بالاول ممكن تشرب هذا ونطيتة كلاص العصير
- اني مو فرنسي ترة ! وميعجبني اشرب على ريكي عصير
- اي صح وهذا مو عصير هذا علاج ترة ولازم تشربة ولا تعاند واعتبرة امر
وباوعتلة بنظرة تحدي
- طكيتلها تحية نعم سيدي وشربتة كلة بلا ما اوكف برغم اني ما احبة بس هيج شربتة مثل العسل على كلبي
- ههههههههه عفية ملازم عمران يلة مد ايدك وسمي
- ضحكتها دوة وحياة من الصبح .. بسم الله زين شو بس اني وانت ؟
- لعد منو بعد ايموني نايم جوة
- ها ويا جهالج زين وزوجج ؟
- ههههههههههه زوجي ماكو بعدني ما اعرفة منو
- ذبيت الكلاص من ايدي شنووو يعني وجهالج منين اجو لعد ؟؟
- مو جهالي ذولة جهال جواريني المقابيلنا
- والله سطرتيني انت شنو الفلم
- ههههههه الفلم انو انت متوهم بذولة الاطفال هم مو اطفالي بس يرحون ويجون وياية بالخط وامهم امنتني عليهم واني ممتزوجة اساسا.
- فرحت من كالت هيج وما اعرف ليش يمكن تخيلتها للحظة تكون زوجتي او ام لابني اللي ما شبع من امة ما ادري هي نقص بالعواطف عندي ما اعرف..
- زين انت ليش مكلتي ؟؟
- مسالتني انت
- اممم يعني انت وحدج هنا عايشة ؟
- كسكن اي بس يمي جواريني والحمدلله عايشين