عيشة سعيدة

20

#عيشة_سعيدة20
Shahd Alsalman
مرو اسبوعين واحنا ملتهين بتحضيرات عرس لارا لان بعد شهر ونص تقريبا حددو موعد العرس فلازم نجهز كل شي واني فعلا التهيت ونسيت وحتى بيت عمتي مو هلكد اتصل بيهم بعد ذيج الليلة ومهند مختفي همين كلت الحمدلله خلي ارتاح شوي ..

باوعت هدومي كلها كبرانة علية ما عندي شي ديصير علية و محتاجة جم قطعة لان هواية ضعفت هالفترة
طلعت وحدي البنات طالعين للكنيسة وخالة بالدوام وصلت السوك ظليت اتفرج ع الملابس كلت اخذ فرة بعدين اقرر واشتري حسيت احد ورايا واني امشي بالسوك سويت نفسي راح اطب محل انداريت لكيتة مهند رجعت رجوع ودا اروح ما اريد اباوعلة وكف كبالي
- انت منو سمحلج تطلعين وحدج ؟؟
- ممحتاجة رخصة بالغة راشدة واعرف اتصرف
- دمشي كدامي دا ارجعج
- من رخصتك دا اروح عندي شغل هواية ومفارغتلك
لزم ايدي وجرني بنص السوك و يمشي
- مهند وخر عيب عليك احنا بالسوك
مسمعني جريت ايدي وعطت بي
- وخر كافي عاد مو ولي امري انت
دفعتة ومشيت وطلعت للشارع مشفت الا سيارتة كسرت علية والعالم تباوع علينا
- معليكم كل واحد يلتهي بشغلة
وصعدني غصب وشخط سيارتة
- مهند وكف السيارة انت تخبلت اكيد
هو ساكت اخر شي صحت
- وكفها خلص
ولزم بريك قوي انضرب راسي بحافة الباب
- اااخ
ولزمت راسي
- لا تعانديني مرة لوخ من جنتي تمشين جانو ولدين وراج وديريدون يبوكوج لزمتهم كلت اني رجلها خير اكو شي وفلتو فلا تعاندين وتصيرين سبعة كوة وانت من ظلج تخافين
- اخاف بس من الله ومطلبت منك تحميني اتركني مهند عوفني اعيش تعبت والله كلتها واني احس بهدة حيل ولازمة راسي
- راسج تأذى ؟؟؟
- لو شفتني ميتة لا تسأل علية ولا تهتم اترجاك عوفني بحالي ما اريدك بعد تلاحكني ولا تخاف علية ولا حتى مني مراح اجيبلكم مصيبة
وبقى ساكت وصافن علية واني نزلت من سيارتة ..

مر اسبوع
جانت الدنيا الظهر دكت عمتي شلتة واسمعها تبجي كلبي وجعني
- خير عمة شكو؟؟؟
- مروة صارلها حادث فدوة تعاي محتاجة دم وانت هي نفس الزمرة لا تتاخرين
جمد الدم بية من الخوف وطلعت بسرعة خابرت عمو ابو كريم واجاني الحمدلله طلع قريب بس مكدرت انزل من السيارة صفنت
وتذكرت يوم بابا وماما
- يلة متنزلين
- واذا كالو ماتت ؟؟
- اسم الله بنتي شون حجي هذا كولي يا الله ادعيلها
بقيت صافنة صاحلي لان جنت فاصلة كلش
- كومي بتي تحركي كومي
انتبهتلة وكمت نزلت بسرعة وركضت شفت عمتي تبجي ومنتهية وسرى واختها واكفات بس كالعادة
ولا متأثرات
-شنو الصار ؟؟
- حادث سيارة وهسة محتاجة دم

طلعت الممرضة وكالتلها عمتي هاي المتبرعة كالت يلة بسرعة امشي ورحت وياها صعدت رداني واجة المحلل شد ايدي حتى يسحب الدم
- حركي ايدج كأنما تعصرين شي بيها
بديت احرك مثل مكال بس ما اباوع كلش اخاف من الابر لكن مجبورة لازم انقذها مو وكت خوف ورة شوي حسيت دا اميل والدنيا سودة
لزمني
- متتحملين ؟
- كمل حتى لو تخربطت مو مهم ..
بس احجي بثكل
كمل واخذو الدم وهو نطاني عصير دا اشرب منة بس ما بية الزمة لزمليا خطية وشربني حسيت شوي استقريت دا اكوم وهم دخت كالي بعدج ترة كتلة لا زينة شكرا
سندت نفسي وعلى كيفي امشي وصلت ليمهم ولازمة ايدي كعدتني عمتي
- الله ينطيج يا يمة
- عمة شبيج مروة اختي
اجة عمو ومتهستر شبيها بنتي
- عمو اكعد هسة يطمنونا عنها
حاضن عمتي ويبجون كمت يمهم وخليت ايدي على جتف عمو
- ادعيلها والله تكوم بالسلامة خلو عينكم بعين الله