Nginig! (Compilation Of Horror Stories) KAKATAKUTAN part 2! [COMPLETED]

STORY #15 (True Story)

This story is from @BrightSam.

Story ng Mama niya to na shinare lang sa kanya .

Senyales

Nung bata pa daw yung Mama ni @BrightSam, namatay daw ang Lolo nito. Pero bago daw ito namatay ay nakitaan daw ito ng senyales ng Mama ni @BrightSam. Una, nakita daw ng Mama ni @BrightSam ang matanda na pumasok ng C.R. May dala daw itong tuwalya kaya akala ng Mama ni @BrightSam ay maliligo ito. Pinigilan daw ito ng Mama ni @BrightSam at sinabi na siya muna ang maligo pero hindi daw ito umimik at nagtuloy tuloy lang sa loob kaya naghintay nalang ang Mama ni @BrightSam sa labas. Habang naghihintay daw ito sa labas ay nagtaka daw ito dahil wala naman itong naririnig na lagaslas ng tubig kaya ang akala ng Mama ni @BrightSam ay nagbabawas ito kaya napagdesisyunan nalang ng Mama ni @BrightSam na makipaglaro muna sa mga kapatid nito sa bukid. Nung naglalakad daw ito papuntang bukid ay nakita daw nito ang matanda na nakaupo kaya nilapitan daw ito ng Mama ni @BrightSam at tinanong.

"Lo, tapos na ho kayong maligo?"

Narinig naman ito ng Mama ng Mama ni @BrightSam at ito na ang sumagot.

"Hindi pa naliligo iyang Lolo mo Anak. Marami pa iyang trabaho."

Sa pagtataka ay agad na umuwi ang Mama ni @BrightSam sa bahay nila at agad na tinungo ang banyo. Bukas iyon at walang sign na may gumamit ng banyo. Kahit na ganun ang nakita niya ay inisip nalang niya na imahinasyon lang iyon.

Pangalawang senyales ay nung nanaginip ito na nakapila daw ito sa isang fountain na ang tubig ay itim. Lahat daw ng umiinom ng tubig sa fountain ay naglalaho. Nung siya nadaw ang iinom ay ipinamumog lang daw ng Mama ni @BrightSam ang tubig at nung dinura daw nito ang tubig ay natanggal daw lahat ng ngipin nito. Pagkatapos daw ng panaginip na iyon ay biglang nagising ang Mama ni @BrightSam dahil daw sa ingay ng mga tao sa bahay. Nakita daw ng Mama ni @BrightSam ang Mama nito na nakatayo sa tapat ng kama na hinihigaan ng Lolo niya. Nagulat nalang daw ang Mama ni @BrightSam nung malaman nitong patay na ang Lolo niya.

Konting kaalaman lang po. Ayun sa matatanda, pag nanaginip daw kayo na natanggal ang mga ngipin niyo ay may masamang kahulugan daw ito. Gaya nalang ng disgrasya o pagkawala ng isa sa mga mahal ninyo sa buhay at ang tanging sumpa lang daw dito ay kumagat kayo ng bakal o buhay na kahoy pagka gising niyo.

Araw ng paggawa- May 7, 2014