بيت الزار

الجزء 08

ههههههه سعدية ضحكت قالت ليها الله يجازي محن شواطينك يا السرة (اعوذبالله من الشيطان الرجيم) وتف تفت بي الجمبة .. قالت لي جيبي حقت الصعود بتاعتي من شباك البرنده .. بقيت بعاين ليها ما فهمت كلاما .. قلت ليها يعني شنو .. قالت لي امشي برنده المطبخ ديك بتلقي في الشباك علبة كريم جيبيا لي سرعة .. مشيت وزي ما قالت لقيتا فتحتها اشوف فيها شنو لقيتو حاجة لونا اسود ولا بني غامق كدا شميت ريحتو قرب يغمي علي لما راسي لفه .. معفنة وقوية اسمو صعود قالت ياربي دا شنو .. شلتو وجبتو ليها .. فتحت العلبة وشالت منها حتة ولفتها بي يدها وفتحت خشما وجرت شفتها التحت وختتا فيها .. وانا مراقبة الموضوع .. بعدا قالت لي السرة كدا اتظبته معاك اها واصلي شوفي لي الشورة دي حدا وين ...

السرة رمت الودع تاني طارت واحدة بعيد منهم والباقيات بقو قراب لي بعض .. قالت ليها علي الوِحِيدة علا الشورة ما تمت .. انتي ياختي سعدية دي مِني البتتشاورو فيها ..

انا شفتها وقت عاينت ليها بعيونا وحركت راسا علي .. السرة قالت ليها اجييي عاد حكم .. ورجعت رمت الودع تاني وسكتت .. تاني رمتو وبقت تعاين ليه وتشرب في الجبنة ..

قالت ليها ود الصرة دا زعلاااان مالو ..

المرة بتاعت الظار عاينت لي وقال ليها الله يجازي السبب .. كدي شوفي لي ..

قالت ليها ارمي البياض خلي الودع يصدق .. طلعت ليها قروش وختتن ليها ..

المرا رمت الودع عمل كش وبقت تعاين وضحكت .. وقالت ليها جاياك طية .. مرة عمو بقت تعمل بي يدها حركة زي لما حد يقول ليك تعال بي يدو .. قالت ليها الله يجيا .. قالت ليها القروش يمين جاياتنك وتعالي قولي السرة كضابة اجي اجي قروش كتار ..

مرة عمو قعدت تضحك وتجر بي يدها تفتح وتغمت فيها ..

قالت ليها ارمي ارمي تاني ..

شالت الودع وكشكشتو في يدا ورمتو كش .. قالت ليها وووب دي منو البنية العملتو ليها الزار دا عاد لامي لامي ما خليتو شي ..

سعدية قالت لي منو دي ..

السرة بري ما ظاهرة لي وشالت الودع ورمتو تاني .. كان ما اخاف الكضب شورتكم دي ما بتم يابت امي..

سعدية : كيفن عاد ما بتم انتي خرفتي يا السرة شكلك ودعك دا بقي ضارب ..

قرقر سعدية قعدت تضحك وقالت ليها كيفن الكلام دا

ارمي ارمي تاني خلي النضمي ..

كش كش ورمتو الوحيدة دي بتبقي معاك

.. مرة عمو قالت ليها والله سعدية عندها حق فيك قومي قومي يامرا اتلمي علي بيتك ودعك دا بقي ما جايب حقو .. رهام تعالي لمي الحاجات ديل دخليهم وغسلي العدة ..

قامو مشو كلهم طلعو وانا ما فهمت شي من الكلام القالوه وبقت كلمة الوحيدة دي بتتردد لي في راسي ..

يتبع....