بيت الزار

الجزء 22

صحينا صلاة الصبح وولعو حفرة الدخان لي ترتيل ..جات السرة من الصباح ما عندا موضوع لا عندها بت لا ولد قالو راجلا متوفي ومنها بقت ترمي الودع حايمة يا بيت أمسكني يا بيت فكني بتترزق منو .. من شفتها قعدته اضحك .. قالت لي اجي الضحكك إن شاءالله يضحكنا مالك يا بت علي من شفتيني ضحكتي .. قلت ليها إتزكرته يوم رسلتونا نجيب ليك الطين .. قالت لي في شنو لقيتهم كلهم قبلو علي منتظرات الشمار .. قعدته أضحك .. سعدية قالت لي النبي قولي الحصل شنو ضحكتي كدا انتي وعزيزة (بت عمي) .. قلت ليهم لما رسلتونا لي محاسن نجيب طينة الشيخ منها وقت وصلنا البيت دقيت االباب ماف زول جانا .. دقينا تلاتة مرات ومافي زول جا .. عزيزة قالت لي شكلو مافي زول .. قلت ليها لالا ندخل امكن ما سامعننا .. النصيحة عزيزة جرتني من يدي وقالت لي خلينا نمشي بس انا ما سمعت كلاما ولا كنت عارفة حاجة وكلو من عزيزة بدل تقول لي سكتت .. دخلنا وهي كانت قابضة في يدي واصلو ما شكيت في حاجة من تصرفاتا دي .. جينا داخلين وقت قربنا علي البيت لي جوه سمعنا صوت كركبة وصوت كيف كيف .. لكن ما اشتغلت بي الموضوع بقيت بكورك خالتو خالتو محاسن .. حريرة مرسلانا نجيب منك طين .. جانا صوت مرا بس قالت لينا بتلقوه في الشباك بي بره مربوط في كيس شيلو واطلعو سريع .. قلت لي عزيزة دي مالا بتطردنا عديل .. قالت لي يارهام ارح شيلي وخلينا نتخارج من هنا .. مشيت علي الشباك اشيل الكيس اسمع ليك عزيزة وااااااي رهام رهام ارح اجري اجري .. اتلفته علي عزيزة البتكورك دي لقيتا جرت وجدعت السفنجات بتاعاتا في محلها ومع سمنا دا غالبا تجري ما اشوف ليك الا شي جاري وراها وبي سوط محطك محطك يضرب فيها .. انا بقيت اضحك لما قعدته في الارض غلبني كلو كلو وانا بشوف عزيزة بتكورك وهي جارية بمحطو فيها .. الساعة ديك اشوف ليك المرا جات جارية علي وتكورك انتن يا الملعونات الليلة باكلكن اتخلعته وشلته كيس الطين وما لقيت درب الا الحيطة بي وراي غايتو بي نطه واحدة لقيت روحي واقعة بي الجهة التانية مليانة تراب وقمته جارية .. الشارع كلو بقيت بضحك علي عزيزة وهي مادة بوزا مترين وقالت لي كلو منك من قبيل اقول ليك ارح ارح وانتي تتجرجري .. وقرقرقر قرقر قرقر القي ليك ام الحسن وسعدية وحريرة والسرة دي وقعت في الواطا من الضحك قرقرقر بقو يضحكو علينا كلهم القاعدين.. السرة قالت لينا سجمكن دي النعمة المخرفة انا نسيتا كلو كلو وقت رسلتك ما قلت ليك .. قلت ليها عزيزة وقت كانت عارفة ما قالت لي .. قالت لي اعمل ليك شنو كنت خايفة لساني اتربط .. سعدية قالت لي مطفشة الناس من مشية بيتن دا اي زول يجيهم بتمسك فيه محيط بي سوطا الشايلا دا تاني الا تطلعك كرعينك بس .. علا هسي الناس خلوهم مافي مرا بتدخل عليهن ..

عدا اليوم سريع زي كل يوم مافي شي جديد .. غير بنجهز في عرس ترتيل ونادو النسوان يساعدوهم في عمل الريحة ...

يتبع....