ابوي جا داخل الديوان لقي اعمامي الكبار تاج السر وابراهيم ديل العندهم الكلمة البقية تبع ساي معاهم .. قال ليهم خلو حريرة تعمل القالتو والله الشافي الله يغفر لي .. قالو ليه قلنالك من الاول يا علي علاجا ما علاج دكاترة .. ابوي سكت وقام طلع ما رد تاني .. جا عمي تاج السر كورك لي سعدية وحريرة وقال ليهم جهزو بيت الظار علي وافق .. سعدية ايوي يوي يووووووي مبروك يا حريرة .. قرقرقر حريرة ضحكت وقالت ليها اياها قروشنا حا تبقي تراب بالبنية دي .. ست الودع كوركت ليهم من هناك نعلو خير العرس عند منو يا سعدية ... قالت ليها العروس عندنا باكر الزار كلمي النسوان يستعدن ... سمعته الكلام كلو وقلت في سري الله يغطس حجركم كلكم .. وقمته افتش في اخواني التؤم لقيتهم قاعدين تحت شجرة براهم ناديتهم وقلت ليهم بكرا في حفلة عايزاكم بس تصوروها لي بدون زول يشوفكم حاضر .. قالو لي حفلة شنو .. قلت ليهم بطلو اسئلة بديكم تلفون والمهم ما يشوفوكم وانتو بتصورو .. وجيت راجعة رقدته منتظره الفقر دي تجي .. بعد شوية جاتني حريرة قالت لي بكرا ابوك وافق تعالي معاي .. مشيت معاها بيتا دخلنت وقفلت الباب وطلعت حاجات المرة الفاتت وديك يا قعدة وجبنة وبخور وادتني من الشيشة .. يعني بدل الصعود بقو اتنين علي .. واخر مزااااج وبقينا نغني واشيل ليك التربيزة وبقيت ادق ليها وهي تغني لي ... وطق طق قلت ليها دا الباب قمته فتحتا لقيتا. سعدية واتنين من البنات دخلو واتلمو معانا .. حريرة قالت لي واحدة من البنات دنقري تحت السرير طلعيلنا الدلوكة .. طلعتا ومسكتا وبقت تدق وانتي يا حريرة وسعدية دااااك يا الغني
ﺍﻟﻠﻴﻠﺔ ﺍﻟﻠﻴﻠﺔ وينو ﺍﻟﺰﻭﻝ
ﺯﻭﺍﻟﻲ ﻣﺎ ﺑﻨﺪﻡ ﺯﻭﻟﻲ ﻓﺎﺭﺝ ﺍﻟﻬﻢ ﻟﻠﺮﻓﻴﻖ ﻣﺎ ﻫﻢ ﻓﺮتاق ﻗﺒﻴﻠﺔ ﺍﻟﺪﻡ ﺯﻭﻟﻲ ﻣﺎ ﺑﻨﺪﺍﺭ ﺿﻴﻌﻮﻩ ﺍﻟﻨﻈﺎﺭ
ﺟﺪﻭ ﻣﻠﻚ ﺍﻟﺪﺍﺭ ﺯﻭﻟﻲ ﻣﺎ ﻫﻴﻦ ﺯﻭﻟﻲ ﻣﺪﻳﻦ ﻓﻲ ﺍﻟﺨﻠﻮﻱ ﻣﺘﺒﻴﻦ ...
ايووووووي وفي الدلوكة دق دق ادق طق طق طاااااق
الصفقة يا بنات ايوووووي
قومن يا بنوت ارقصن
سعدية قالت ليها اقيفي اقيفي يا حريرة هاكي دقي دي
ﻋﻈﻤﺔ ﻭﺭﺟﺎﻝ ﺑﺎﻧﺔ ﻭﺍﻟﻜﺘﻤﻮ ﺍﻟﺴﺮ ﺍﻣﺎﻧﺔ ﺑﺮﻳﺪﻭ ﻣﺎﻟﻮ ﻣﺎ ﺟﺎﻧﺎ ﻋﻈﻤﺔ ﻭﺭﺟﺎﻝ ﺑﺎﻧﺔ ﻭﺍﻟﻜﺘﻤﻮ ﺍﻟﺴﺮ ﺍﻣﺎﻧﺔ ﺑﺮﻳﺪﻭ ﻣﺎﻟﻮ ﻣﺎ ﺟﺎﻧﺎ ﻋﺪﺍ ﻭﻓﺎﺗﻨﺎ ﻣﺮﺓ ﺑﺮﻳﺪﻭ ﻣﺎﻟﻮ ﻣﺎ ﺟﺎﻧﺎ ﻭﻣﺎ ﺍﺗﺬﻛﺮﻧﺎ ﻣﺮﺓ ﺑﺮﻳﺪﻭ ﻣﺎﻟﻮ ﻣﺎ ﺟﺎﻧﺎ ﻭﻋﺪﺍ ﻭﻓﺎﺗﻨﺎ ﻣﺮﺓ ﺑﺮﻳﺪﻭ ﻣﺎﻟﻮ ﻣﺎ ﺟﺎﻧﺎ ﻭﻣﺎ ﺍﺗﺬﻛﺮﻧﺎ ﻣﺮﺓ ﺑﺮﻳﺪﻭ ﻣﺎﻟﻮ ﻣﺎ ﺟﺎﻧﺎ
الدق ادق دق دق ايووووي
قرقر حريرة ضحكت وقالت شكيتكم علي الله يابنات امي .. النبي عليك امشي ناديلنا اسمها مِني الخرابة يا يمة خليها ترميلنا الودع ...قلت ليها السرة يا خالتو .. قومي آبت ناديها بسراع .. قالت لي رهام بتعرفي ترقصي .. قلت ليها بعرف بس خليجي .. قالت لي قومي ورينا قمته وفكيت شعري نزل لي نص ضهري وربطه الطرحة تحت .. قلت ليهم دقايق دقايق اجيب ال ام بي فور بتاعي .. قالت لي دا شنو الداهية القلتي عليه دا .. قلت ليها فيه اغاني اجيبو وبجي .. جريت جري جبتو وجيت وشغلته ليهم اغنية عراقية بتاعت رقيص كدا
مع صوت الموسيقي والغنا بقيت برقص واودي شعري يمين وشمال واشيلو بي يدي
ﻗﻠﺐ ﻗﻠﺐ ﻭﻳﻦ ﻭﻳﻦ ﻏﺎﻳﺐ عليا ﻳﻮﻣﻴﻦ ﻟﺘﻐﻴﺐ ﺍﻛﺜﺮ ﺣﺒﻴﺒﻲ ﺧﺎﻑ ﺍﻣﻮﺕ ﻣﻦ ﺍﻟﺤﻨﻴﻦ ﺣﺒﻴﺒﻲ ﻧﺎﺳﻲ ﻟﻮ ﺷﻨﻮ ﺷﻮ ﺑﺴﺮﻋﺔ ﺗﻨﺴﻰ ﻳﺎﺣﻠﻮ ما ﺗﻘﻠﻲ ﻳﻤﻌﻮﺩ ﺷﻜﻮ ﻳﻌﻨﻲ ﺷﻜﻮ
حريرة قعدت تقول اجي اجي البت بتحرك جسما كدا كيفن يابنات امي التقول راكبا جن ...<br>
وقفت الاغنية وقلت ليها يا خالتو عايزة اتعلم رقيص سوداني .. وقبل تتكلم جات ست الودع داخلة قالت لينا نفسا في طينة الشيخ مشتهياها .. سعدية رسلتنا انا والبنات نمشي ناس محاسن قالو جنها تاكل الطين لما جاتا انيميا .. طلعنا مشيت معاهم ودي اول مرة ادخل بيت في القرية ...
يتبع....
أنت تقرأ
بيت الزار
Mystery / Thriller📝 بقلم: فاطمة قسم الله (+18) ﺍﻟﺰﺍﺭ ﺻﻮﺭﺓ ﻭﺷﻜﻞ ﻣﻦ ﺃﺷﻜﺎﻝ ﺍﻟﺸﻌﻮﺫﺓ ﻭﺍﻟﺪﺟﻞ ، ﻫﻮ ﻋﺒﺎﺭﺓ ﻋﻦ ﺣﻔﻼﺕ بدقو ﻓﻴﻬﺎ ﺍلدلوكة و ﺍﻟﺪﻓﻮﻑ.. برقصو فيها بطريقة مخجلة واحيانا بتتكشف فيها الاجسام ، فيها اختلاط ﺍﻟﺮﺟﺎﻝ ﻭﺍلنسوان ، ﻭﺗﻨﺘﻬﻚ ﻓﻴﻬﺎ ﺍﻷﻋﺮﺍﺽ ، بكون فيها ﺩﺧﺎﻥ ﺍﻟﺒﺨﻮﺭ وقال...
