بيت الزار

الجزء 14

الساعة سبعة جات سريع جا اخوي الكبير ساقني وما اتكلم مع ماما .. ودعتها وكانت بتبكي ما قدرت اقول ليها شي .. طول الطريق كنا ساكتين وصلنا الفندق وطلعنا علي طول جينا الدكتور انتظرنا نص ساعة ودخلونا لانو كنا حاجزين .. عملنا فحوصات كتيرة وكلها طلعت نضيفة ما فيها شي رجعنا البيت زي الساعة ١٢ نص الليل بديت احس بي صداع ويدي ورجولي بدت تنمل شكلو مفعول الصعود بدا .. دخلته سريع شلته محفظتي وجوه الحمام طلعتو وختيت منو وقعدته في الارض حتي حسيت بي الراحة .. وشكلي تميت نص ساعة وما انتبهت للوقت الا بي صوت بابا الحمام ابوي بنادي علي رهام رهام انتي كويسة .. قلت ليه كويسة طالعة .. غسلت خشمي بي صابونة الحمام وطلعته اكلته لي لبانة واتريحته من الارياح الادتني ليها ماما الا ادسهم كان رجعته بقلعوهم مني .. شوية وجاني ابوي سالني قال لي انتي صحي امك عايزة تعرس قلت ليه اي اتجهم كدا وقام طلع طوالي .. رقدته بعدها نمته واتزكرته كلام حريرة واني امثل عشان ابوي يصدق .. قمته فتحت التلفون وضبطه المنبه علي الساعة اتنين صباح ووطيت الصوت وختيتو تحت المخدة وختيت راسي نمته تاني ...<br>

الساعة اتنين صحيت بي صوت المنبه شلت التلفون وقفلتو سريع وختيتو في الشنطة ودخلته الحمام رشيت فيني موية ورقدته بقيت اكورك واقول في كلام زي

ﻳﺎ بت ﻣﺎﻣﺎ ﻳﺎ عروس

ﺍﻟﻌﻔﻮ ﻣﻨﻚ يا لولية

ﺍﺷﻔﻲ ﻋّﻴﺎﻧﻚ

يابت ماما

ما تشيلوني دستور دستور يابشير لومي نادو الحضار ...

ابوي واخواني جو جاريين عاينت بي طرف عيني وغمضتها وبقيت برجف وبتشنج وبتنفض وختيت يدي في راسي وضميت رجولي علي وبقيت اكورك ... ابعدو مني ابعدو مني .. الصراحة اتخيلو معاي اتقنته الدور حسيت روحي في فلم واتكيفته للموضوع للنهاية واتزكرته كلام أنجل واتشجعته اكتر .. فتحو اللمبات وابوي واخواني بقو يتعوزو ويهزو فيني اصحي .. فتحت عيوني وكنت مبلولة كلي وبقيت برجف .. وببكي واقول لي ابوي زحهم مني ما تخليهم يسوقوني .. قال لي منو قولي لي .. قلت ليه ما عارفة ما عارفة وبقيت ابكي .. ابوي قال لي خلاص مافي شي اتعوزي واخوانك برقدو معاك واللمبة بنخليها فاتحة ليك .. رقدته تاني وانا من جواي مبسوطة علي اللعبة البلعب فيها دي ...<br>

ابوي طلع مع اخواني الكبار وخلو لي التؤم يرقدو معاي .. ود عمي قال لي ابوي يا كلام يابا صاح الفحوصات طلعت نضيفة نحن نرجع وخلي حريرة تعالجا .. ابوي سكت وما قال شي .. قال ليه بكرا نتوكل نرجع ان شاءالله ..

صحينا بدري ركبنا العربية وجينا راجعين .. ستة ساعات الصاح يطلعوها بره السودان قريتهم دي بعيدة توقف القلب .. دخلنا الحوش هديلك سعدية وحريرة وست الودع وباقي النسوان تحت الشجرة يشربو في القهوة من شافونا اشوف ليك حريرة ضحكت .. من جواي قلت ليها اصبري لي بس ..

ابوي دخل وطلعو علي الديوان جو علي وقالت لي تعجبيني يا بت نهي طلعتي ما هينة .. ما رديت عليها قلبي قال لي اشيل يدي واضربا كف .. دخلته جوه ما عندي مزاج ليهم مشيت اشوف مزاجي وين ..

يتبع....