بلا عنوان

الفصل الاول

السلام عليكم سيداتي آنساتي ورداتي ..
شلونكم ؟ يا رب تكونون كلكم بخير ..
قصتنه اليوم تحجي عن موضوع حساس صار بعائلة عراقية من احد محافظات بلدنه الغالي ..
و عدت عوائل من اقاربهم و جيرانهم و اصدقائهم ..
الموضوع جبير و اكبر منه كلنه ..
منعرف ليش صار ..
اترددت كومة بالكتابة عنه ..
بالاخير قررت انوا ابين كومة حقائق لازم تتوضح الكم مثل ما اتوضحت الي ..
و اكيد القصة ما تخلو من لحظات و كلمات حب صادقة ..
تفضلوا استمتعوا وياية ..

#بلا_عنوان
الفصل الاول
#بقلمي_اسراءالجميلي

يلا ماماتي سنا بسرعة خلي انكمل الاكل ..
تره مبقه شئ على جيتهم ..
هسة يجون بيت جدج اهلي و اهل بابا ..
اي ماما حاضر ..
اني كملت التنظيف ..
و دا اشتغل بالسلطات ..
لزمته من حنجه السناوي ..
اوي فدوة البنوتي المعدلة ..
هههه ماما حبيبتي تره كبرت و الله ..
اوي فديت الكبرانه ..
وج هي ١٢ سنة قابل شكد ؟
ماما ارجوج ١٣ ..
ههههه وج مصار شهرين من دخلتي بيه ..

كلتي ل كرم يجيب صمون ؟
اي ماما و حتى خبز قاق ..
ماما لاتنسين عروك البرغل تحبه نانتي نجاة ..
ادري عيني ادري ..
باوعت عليها صفح ..
و لا تنسين الكشكا الي تحبها نانتي سعاد ..
هههه حاضر كلشي بنوتي الحلوة ..

اليوم عزمت اهلي و اهل يحيي زوجي على الغدة ..
اني حبيبه اصلي من الموصل ..
جدي جان ضابط بالجيش العراقي القديم ..
نقلوا لبغداد بداية الخمسينات اخذ بيبتي و جهاله ..
سكن بغداد ..
فبقوا اهل ابوية دوم بغداد ..
يروحون للموصل بالاعياد و المناسبات بس ..
و طبعاً عدهم بيت چبير يم النبي يونس ..

باحد زياراتهم ابوية شاف امي ..
بت عمته تصير ..
حبها من اول نظرة ..
بقه كلما يجون للموصل يمرون يمهم و يعزموهم ..
بيبتي كلشي درت و هيه كامت تسهل شوفاتهم البعض ..
لان هو طبعه ما يضم شئ على بيبتي ..

صارت القسمه ..
اهل ابوية اكثريتهم بالجيش ..
جان هيبه بذاك الوكت ..
بس والدي صار طيار مدني ترك سلك الجيش ..
كلها بذاك الوكت حسدت امي ..
همين حتزوج بغداد ..
زوجها طيار ..
اهله زناكين ..

بالتالي احنه كلنا نولدنه بـ بغداد ..
اخوية حمزة الجبير صيدلاني ..
متزوج و عنده بنوتين و ولد ..
اختي هاجر بعد حمزه ..
تزوجت بعدي عدها ولدين ..
موظفة بوزارة المالية..
يونس خريج هندسة كهرباء ..
حب اخت يحيى وفاء ..
اتزوجها من جان ثالث كليه ..
عنده ولد و بنت ..

اني اخر العنقود و المدللّ ..
من كانت ماما حامل بيه ..
دخلت بالعاشر و ما عدها ولادة ..
بعدين دلوهم على دكتورة بمستشفى الهلال الاحمر اسمها حبيبه ..
كلش زينه ..
و فعلاً تم خروجي للدنيا على اديها ..
فتيمناً بيها ..
سماني بابا على اسمها ..
حبيبه ..

نعرف نحجي مصلاوي كلش زين ..
بس لان بغداد ولادتنه و تربينه بيها ..
يعتبرونه المصالوه حجينه مكسر ..

هسة اني متزوجة بالموصل ..
بيت جدي ابوية اشتراه من عماتي و عمامي ..
سكن بيه اخويه يونس حالياً ..
اهلي صاروا مثل بيت جدي يجون للموصل بالاعياد و المناسبات فقط ..

بس هالسنة قرروا يصومون و يعيدون يمنه ..
لان الجو ابرد شويه من بغداد ..
اجوي قبل رمضان بفتره ..
طبعاً كعدوا يم اخوية ابيتهم ..
عزمتهم همه و يونس يمنه ..
و لازم اعزم عمتي و الا تنكلب الدنيا ..

اني اكدر اعزمها بغير يوم ..
بس خاف تتحسس لان عزمت اهلي بالاول ..
اني احب اهل يحيى على حبه ..
بس عمتي تكرهني لسبب مجهول اتمنى اعرفه ؟

يحيى : و جبتلكم احلى بقلاوة بالجوز من الذهبي ..
عشت ابو كرم ..
جنت دا اشوف العروك بالفرن ..
شنو اخبار الغده ؟
الحمدلله حبيبي كلشي كمل ..
اجاني من وره و باسني من راسي ..
الله يخليج يا رافعة راسي انتِ ..
انداريت عليه ..
و يخليك النه حياوي الوردة ..
فديت الي يدلعني ..
ههههه اي لعد شلون ؟

اجوي اهلي امي و ابوية ..
عمتي تاخرت هي و بناتها التلاثة الباقيات و ازواجهم ..
شلون يحيى الاكل راح يبرد اريد اصب ؟
هسة حبيبه ادك عليهم ..
دك التلفون حجه وياهم و سده ..
يمعودة يكولون سدو الطريق على غفله بالصبات ..
بس لو افتهم ليش هيج ديسوون ويانه الجيش و الشرطة جان ارتاحيت !!!
يا عمري غير يردون النه الامان خاصة بعد الي ديصير بصلاح الدين ..
ابوية : اي و الله بنتي ..
الله يستر من هالوضعية الخربانه ..
يحيى : اني سمعت خايفين لا يدخلون داعش للموصل ..
امي : يمه اسم الله الرحمن الله لا يكولها ..
يحيى : ليش عمه هي بدينه ؟
اشو حتى حكومتنه بالكوة كادرتلهم ..
همزين هاي مجموعات الحشد الي دتساند الجيش ..
جان احتلو العراق كله ..
مدا اعرف منين دا يطلعونه ..

اني : صدك يحيى ذولة جيرانه الجدد معرفتهم منين ؟
اي عرفت ..
ذولة ناس كلش اوادم دكتور بالجغرافية من ليبيا جاي بطلب من جامعة الموصل ..
حجيت وياه ..

يحيى بمدرستنه همين اجتي مدرسة من سوريا ..
نازحة و خلوها تنطيه محاضرات بفلوس ..
تكول اني مدرسة هناك ..

ابويه : اكول ابو كرم دا الاحظ هواية جنسيات ديجون يشتغلون عدنه ؟
اي عمي صح تحجي ..
العراق صار ساحة لجمع الفلوس بدوام قصير ..
اني : حبيبي ارزاق .

فالقصة اصوات مدافع