بلا عنوان

الفصل الرابع عشر

#بلا_عنوان
الفصل الرابع عشر
#قصص_اسراءالجميلي

لزمت وجه بيدي ..
ماما انت مو زعطوط ..
انت ارجل من هواية مشوربين ..
بس حبيبي ذولة مظا يكعدون راحة ..
و اني عندي بس انت و سنا ..
ماما الاعمار بيد الله ..
و الله يخليج تسدين هذا الموضوع ..
كرم لا تخلين اتصرف غلط و اكول الابوك ..
اشو هذا راساً نزل للكاع يبوس رجلي ..
فدوة امي اذا تحبيني عوفيني ..
رفع راسه عليه و هو يم اركبي ..
يبجي و يحجي ..
ماما اني من اشوفهم اتمنى اقتلهم بيدي واحد واحد ..
ماما ذولة ما اخذو بس شرف سيرينا و غيره ..
ذولة اخذو شرف الكاع الحرة ..
فجروا مرقد نبي الله رسلهه النه ..
شوهوا بلد كامل ..
خلو الناس تكره دينا الي ماكو اسمح و الطف منه ..
صدكيني اذا كلتي الابوية ..
معناها جنيتي عليه كأنسان و قبله كرجل ..
اخذ ايدي اثنينهم و باسهم ..
نزلت دموعي وياه ..
ماما ارحميني ..
ارحمي ضعفي كدامج ..
و قوتي بوجهم لان اعرف الله وياية ..
بقيت الزم بشعره ..
رجع كعد بصفي ..
مسح دموعي باثنين ايده ..
ماما دموعج غالية بغلاة دم اخوتي الكتلوهم اليوم ..
حسيته ضربني بخنجر بجملته ..
حضنته و كمت ابجي اقوة منه ..
و اني حايرة بزماني ..
بين خوفي عليه ..
و ايماني بقضيته ..
هدئت شوية ..
كمت مسحت دموعي ..
و مريت على غرفة سنا ..
لكيت سيرينا واكفه يم الباب و تبجي ..
هاي شبيج شكو ؟
خالة اجيت اصيحج و اشوفج الهدوم عليه ..
و سمعتكم ..
لزمته من جتفه بيدي اليمين ..
بسرعة سديت الباب بيدي اليسار ..
صرنا واكفين وراها ..
شسمعتي ؟
حجت بهمس ..
سمعت كلشي خالة ..
استغفرلله ..
سيرينا الي سمعتي للموت ما يطلع ..
لان اذا ظل بشر عرف بيه ..
نروح كلنه للتهلكه ..
اعرف خالة ..
خلت ايده على حلكه ..
و بلعت ريكه ..
بلعت الحجي السمعته خالة ..
هههه شنو ؟
ضحكتيني و الله و اني متكطعه من داخلي ..
ابتسمت هيه ..
ماما هيج علمتني ..
من احد يكلج سر ابلعي حتى بعد ما يطلع من بطنج ..
حبيبتي احسن ام ربي يرحمه ..
ديلا خلي ننزل حتى اسويلكم غده ..
بقت سيري ويانه حسب ما سمته سنا ..
كمت انتبه صايره نظرات بينه و بين كرم ..
مره ديصعد الدرج كرم و هيه نازله الطخو سوه ..
شال الهدوم الوكعت منه ..
انطاهيا و صفنوا بوجوه بعض.
زين شنو اسوي ؟
كمت احاول ميكعدون سوة ..
ما اخليهم يحجون مع بعض ..
حب بوضعهم و بهيج زلك كلنه بيه ..
ابد ما يرهم ..
بيوم جنه كاعدين نتعشة ..
جان نسمع صوت ضرب على الباب قوي ..
يحيى اتخبل ..
اجونه حبيبه شلون ؟
انت افتح الباب و اني حنزل سيري جوه ..
باوعت على جهالي توكفون عادي و لا كانو شئ ..
اني نزلت اجيبلكم بصل ..
اي ..
نزلنه عدنه مجمدة قديمه خاليه جوه بيه غراض ..
دخلته بيه ..
و خليت راسه من جهة الماطور لان مشيول ..
حتى يبقاله للنفس ..
غطيته بالبطانية و فوكاه كواني فارغة ..
سيري نفس ما اريد ..
خلينه حاميج لحد ما ربج يفرجه ..
طبعاً هيه ترجف مثل السعفه ..
حاضر حاضر ..
اخذت بصل مخزنيه جوه ..
صعدت بكل هدوء ..
شفتهم كبالي ..
وجوه الخنازير حشه خلقة ربي ..
سنا جابتلي عباتي لبسته ..
وكفت بصفي و جاعصه زندي حيل ..
همه خطية عود اندارو ..
شعندج بالسرداب اختي ؟
بقلبي ..
اخاك ابليس يا حقير ..
شوفته البصل بكل استخفاف ..
بدون و لا كلمه ..
باوع على ابوية ..
احنه ما عدنه شئ بس دندور على شغلة كالوا انت تبيعه ..
هاا اي اي براحتكم ..
نزلو ٣ جوة و ٣ صعدو فوك و ٣ قسمو نفسهم بالبيت ..
و يمنه ٣ كعدنه على القنفه واحد بصف اللاخ ..
بقيت اردد بقلبي (( وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ ))
رجعوا التموا يمنه ..
افتحلنه المحل يحيى ..
رجع باوع على يحيى و هو رافع تك حاجب و عاوج حلكه ..
يحيى مو ؟
اي اي ..
راح وياهم يحيى ..
جان اسمع عياط ..
طلعنه كلنه بالطرمة ..
شاف غسول جسم مرسوم عليه بنية مصلخه منداره ..
انت تبيع شغلات مخله بالحياء ؟
صدكني عندي من زمان ..
هههه اصدكك ..
ليش منو بيكم صدك ويانه حتى اصدكك ؟
انتو صوجكم سوتون اعداء الكم ..
جان رضيناكم بالدنيا ..
و رضيتوا الله بالآخره ..
نط كرم راد يحجي ..
جان اجر ايده ..
انتبه واحد علينه ..
هااا شتريد تحجي اخي ؟
صفن كرم عليه و باوع بنص عينه ..
جاوبه بكل قوة و هدوء ..
ردت اكلك ابوية عنده قلب ..
هسة وقت حبايته ..
هاااا انكمل شغلنه و بعدين ..
شوف يحيى ..
عندك حلين ..
لو تنطيني هويتك و تجي باجر الصبح تستلمه !
لو نحجز على كل غراض المحل !
و بالحالتين المحل بعد ما ينفتح ..
و الا نحركه تره !
كعد على الدجه و خله راسه بين اديه ..
ابو كرم ميحتاجله تفكير ..
باوعت عليهم ..
اخذوا الغراض اخي هم تفيدكم عدكم بيوت و عوائل ..
حجيت باستهزاء حسو بيه ولدي ..
باوع عليه اميرهم ..
بارك الله فيكي يا اختاه ..
فرغوا المحل و شمعوه و طلعوا ..
عود شخاط ما بقوا بيه الجلاب ..
دخلنا ..
عاط يحيى شفتي اكيد يعرفون عدنه هاي شيري ..
و سيري شعليه بابا ؟
اسمعوني زين .

فالقصة سفر للمجهول