بلا عنوان

الفصل العاشر

#بلا_عنوان
الفصل العاشر
#بقلم_اسراءالجميلي

اخذته فوتته للحمام ..
مقبلت اغسل اله ..
بس اني اصريت لان شفته كلش تعبانه ..
حبيبتي بس اغسلج شعرج و اليف ظهرج و اديج و رجلج و كملي الباقي انتِ ..
نزعت هدومه بقت بس بالداخلي ..
جانت متروسة طين و وسخ ..
مبين عليه ماشيه كومة ..
كعدت على التخته و كرفصت نفسه ..
شكله يموت قهر ..
جنت دا اترس الانجانه مي ..
انداريت دا انكعه و شفت ظهره ..
ضربت على وجهي بلا وعي ..
يا يمه ..
انكسرت ايدهم بحق لا اله الا الله محمد رسول الله ..
اويلي عليج حبيبتي ..
شكالت امج من شافتج ..
كامت تبجي ..
ملحكت تشوفني خالة ..
الله رحمهم كلهم و بقاني للعذاب ..
استغفرلله بنتي ..
الله رحيم ..
دا ابلل شعره لزمته ..
عزه هاي ليش هيج شعرج ..
شعره شوارع قصيرة كلش و طويله ..
هاي ليش شعرج هيج ..
خالة هاي جانت المسؤولة علينه اذا ما نسمع كلامه ..
بيده مكينه تحش براسنه بالجزء الي يعجبه ..
يا ربي ..
اويلي عليكم اشفتوا ضيم !
المهم كملت الي كتله عليه و طلعت ..
جبتله بجامه من عندي ..
لان ملابس سنا صغيرات عليها ..
صح ملابسي عريضة ..
بس ميهم لحد ما اشوفله صرفت حل ..
رحت انطيته الخاولي و الملابس ..
طلعت تلمع خطية ..
سنا هي و كرم حضروله اكل كبة موصليه ..
رجعنه كعدنه على ميز الطعام ..
يحيى : يلا بابا تعاي اكلي ..
كعدت تاكل بنهم و كانوا صار اله شهر مماكل ..
احنه بقينه نشرب جاي و نختلس النظرات عليه حتى متنحرج ..
كملت اكل ..
اني : اكلي حبيبتي ليش بطلتي ..
شبعت خالة ..
صار اكثر السنة مماكله هالكد اكل ..
كلنا كناله الف عافية ..
صبتله سنا جاي ..
و رجعت كعدت انريده بس تحجي ..
يحيى : اي بابا معرفنه اسمج و لا عمرج ؟
اسمي سناريا عمري ١٩ ..
اهلا بيج يمه ..
شنو قصتج بنتي ؟
جنه عائلة حلوة اب و ام و ٦ ولد و اني الصغيرة جيت بعد طول انتظار امي و ابوية للبنات ..
عيونه بدت تدمع و هيه تحجي ..
عمو احنه يزيدين جنا عايشين بجبال سنجار بقضاء زمار ..
جنه مرتاحين وي اهلنا المواصله ..
ما فديوم حسينه نختلف عنهم لو عن اخوانه المسيحين ..
الى ان هجمو علينه الانذال ..
بشهر الثامن ٢٠١٤ عفنه كلشي الذهب و الفلوس و المستمسكات هربنه بجلدنه مثل ميكولون ..
اي حبيبتي كملي ..
منعوا عنه الاكل ..
المساعدات تجي بالطيارات الامريكيه ..
مرة تنزل علينه ..
و مرة تنزل عليهم عود بالغلط ..
تخيلوا امريكا تغلط ..
جان يعوج حلكه يحيى ..
المهم ..
وصلوا النه ما اعرف شلون ..
لزموا ناس منه ..
من غير الي ماتو بالحصار ..
و الي كدرو ينهزمون عبر الجبال ..
مروان اخوية كدر يفلت ..
احنه الباقين لا ..
اول شى جابوا الرجال كلهم ..
كعدوهم كلهم شادين بس اديهم و كدامنه رموا عليهم ماتوا كلهم ..
بدت تنزل دموعه بس كانوا محاسه بيه ..
كدام عيني اني و امي كتلوا ابوية و اخوتي الخمسة ..
حسيت بكل واحد بيهم من طلعت روحه روحي طلعت وياه ..
ظلوا النسوان تعيط و الاطفال تبجي ..
جان يرمون بالهوى ..
الي ما تسكت و تسكت جهاله نرميه وياهم ..
بقينه اني و امي متحاضنين و نبجي ..
رجعونه المقراتهم ..
الي هيه جانت بيوت المسؤولين و الي قدموا انتخابات ..
و المسيح الهجروهم و اخذوا حالهم و مالهم ..
قسمونه ..
الحلوات لو ياخذوهم لو يبعوهم ..
امي مرة جبيرة خلوة تطبخلهم السم الهاري ان شاء الله ..
اني و بعض البنات العتبرونه محلوات ..
خلونه خدم الهم ..
جنت اشوف امي كل يومين تلاثة مرة وحدة احضنه و ابوسة و وحدة تصبر اللخ ..
و دائماً تكلي ..
ماما ما بقه عدنه بس شرفنه حافظي عليه ..
شرف ابوج و اخوتج ..
الشهداء ..
كلما تكلياها اخاف ..
جنت من اروح انظف غرفة مال داعشي ..
اوسخ ملابسي و اخلي بيهم ريحة مو طيبه ..
و الطخ وجهي حتى محد يتقربلي ..
طبعاً مو بس اني كومة بنات هيج ..
اني : زين جان اكو غيركم خدم لو بس يزيديه ؟
اكو خالة مسيحيات و مسلمات الي تزوجهم داعش بالكوة ..
و بعد ما ينقتل زوجه ترفض الزواج ..
فيخلوها تخدمهم و ياذوه كلش بالتعامل اكثر منه ..
حتى ترجع تزوج مره لخ ..
خالة تخيلي انتو مو عدكم لازم الي يموت زوجه تلزم عده ..
همه لا ..
اول ميموت زوجه يزوجوه لغير مقاتل ..
ترضه بيه مترضه ..
ضرب يحيى الميز بقوة ..
يحيى : حسبي الله عليهم ..
الله اكبر عليهم ..
طبعاً جنه من نغسل وحدة توكف للخ خاف يفوتون على غفله علينه ..
لان ممنوع نقفل الباب ..
و ياخذون الي يعجبهم جسمه ..
جان ابني يضرب رجله بالكاع بقوة ..
الله الي ينتقم بيد الغياره و الشرفاء ..
و بيوم و اني بالحمام ..
صديقتي صاحته وحدة منهم رادته تنظف غرفته ..
كمت اغسل على السريع ..
حتى ميلحك احد يجيني ..
جان تنفتح الباب و اني دا البس ..
فاتت المسؤولة علينه ..
نظراته حقيره تفحصتني كلي ..
يلا كملي عاد خاتون ..
اني كملت و ركض على امي ..
ماما الحكيلي صار..........
اني اعرف شلون ما اخلي احد يتقربلج ..
شلون ماما ؟
حسويلج شئ يأذيج ..
بس ميخليج تكرهين نفسج طول العمر..
بدت تبجي قوي..
كافي اسكتي

فالقصة الم روح و جسد