بلا عنوان

الفصل السابع

#بلا_عنوان
الفصل السابع
#قصص_اسراءالجميلي

ماما لازم اسوي هيج ..
و لازم متكولين ال بابا ..
حبيبي ..
حضنته و كمت ابجي قوي ..
ماما لا تخافين عليه ..
صدكيني اني زين و كلشي ميصير بيه ..
الله سبحانه يكول ..
(( قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ ))
شفتي ماما الله حافظنه لان احنه متوكلين عليه ..
ماما اذا بقينه هيج راح ياكلونه و يأذونه ..
كلما يروح منهم واحد يقل عددهم لا يظل بالج يا امي ..
كبر حبيبي كرومي ..
بقيت اباوع بعينه حاولت الكه فد مدخل ممكن اغير بيه رئيه ..
ملكيت ..
خفت لا اهدده او اكول ال ابو و يكوم يسوي شئ من ورانه ..
على الاقل اعرف ابني وين و شنو ديسوي ..
ارتاحيت لان مو هو الي ديقتل ..
ايده نظيفه من دم اي بشر كائن من يكون ..
و بنفس الوقت ايدي على قلبي ..
لا يبقون الدواعش اكثر ..
و يجوز يوصله السر و لازم يقتل ..
اطلب منك طلب امي انت ..
اطلبي ماما الي تريديه و اكدر عليه اسويه ..
اريد وين متروح تذكرني ..
ماما هو اني لان اتذكرج انتي و سنا مستمر ..
كولي يا الله و شوفي العجب حبيبتي ..
يا الله حبيب امك انت ..
قبانو حبيبي الكبغان ..
و اني اطلب طلب منج ماما ؟
كول حبيبي ..
ابد من اطلع لا تشككين بيه من اكلج رايح مكان ..
لا تلحين بمعرفة المكان ..
لان ميصير احجي كلمه ..
فهمتي امي ..
زين ميصير تكلي منو وياك ؟
حتى اذا لا سامح الله صار بيك شئ نسئله ..
لا تخافين ماما ..
كل واحد بينه يعرف تلاثه من ربعه ..
و يعرفو غيرهم خمسه اذا صار بيه شئ يبلغون اهله ..
خليت ايدي على حلكه ..
اسم الله عليك ..
بيه و لا بيك يا روح امك انت ..
كمت كلما يطلع كرم لازم احضنه ..
احس بخطواته يمشي على قلبي ..
بس الاصرار الي شفته بعيونه ..
مخلاني اكدر اكله لا ..
و لا اوكف بوجه ..
اول مره بحياتي وي يحيى اضم شئ عليه ..
بس مو بيدي غير اسكت ..
بداخلي فخورة ب ابني ..
هذا شعوري الحقيقي ..
اجه يوم امتحان العربي ..
جنت ادرس نشيد ..
بس اعتبروه مادة حرام تشجع على الغناء ..
فلغوها هيه و الفنية و الرياضة من المنهمج ..
امتحنت الطالبات ..
كعدت كبالي بالامتحان الشفهي طالبه ..
اسمه نسيبه ..
جانت ابنت امير ديوان التعليم ..
طلعله بالقرعه النشيد الوطني ..
جان من ضمن المنهج ..
فاني اعتبرته محفوظة ..
بس الابنية جانت محافظته ابد ..
خليتله ٤ استخطيته من عشرة ..
ثاني يوم دا اكمل باقي الشعبة ..
جان تجي المنظفه ..
ست اجوي من ديوان التعليم ..
البسي خمارج و جفوفج ..
لبست و دخل عليه واحد متوسط العمر لابس القندهاري لحيته طويله ..
اختار خمس بنات من شعبتي ..
و راح على شعبة الالف اختار خمسه همين ..
اخذهم وياه و راح للادارة ..
اني بقيت امتحن البقية ..
اندكت باب الصف ..
تفضل ..
شفت صديقتي اسيل معلمة ويانه ..
ست حبيبه اريدج لحظه ..
بس شفت خوف غريب بعيونه ..
عفت الطالبات و طلعتله بالباب ..
وج حبيبه يا المصخمة ..
شنو سويتي شحاجية ؟
ليش شكو ؟
وج ذولة جايين عليج بالاسم ..
و الله و داعت كرم ممسوية شئ ..
بعدين خلي يجون ما عندي شئ اخاف منه ..
بس بداخلي الرعب اكلني كلت بس لا ماخذين كرم ..
ما اعرف يسالون البنات عنج ..
شتحجي وياكم ؟
تحجي على الدولة الاسلامية ؟
تحجي على مفخخات ؟
ماكو شيئ لا يظل بالج اسيل اني ممسوية شئ ..
ماكو خمس دقايق و استدعوني ..
بداخلي جنت كلش خايفه ..
بس من ضعفي سويتلي قوة ..
اتذكرة كرم و القوة و البسالة الي شفته بعيونه ..
كلت اني مفروض اصير اقوة ل..
ان بطني الي حملت هيج ابن ..
امشي و اشجع بنفسي و اقويه ..
وصلت للادارة ..
طلعوا جاييني من المحكمة الشرعية ..
تلاثة همه ..
واحد عراقي و الثاني سوري و اللاخ خليجي ..
حجه السوري : انتي ليش ناطيه نشيد موطني للبنات ؟
شتقصدين من تصرفج هذا ؟
ما اقصد شئ ..
هو موجود بالمنهاج و اني انطتهمياه ..
جان يعيط ..
لا انتي تقصدين انو اكو حب للوطن ..
جان يضرب على الميز قوي ..
فزيت بس بقيت واقفه بقوة كدامه و كأني جبل ..
ماكو شئ اسمه حب الوطن ..
الحب لله فقط سمعتي ..
كلت : و نعم بالله ..
رد العراقي : الرسول شكد جان يحب مكه بس عافه و راح في سبيل الله ..
احنه لازم نحب الله بس و نحاول بكل الطرق نستشهد علموده حتى نحصل الجنة ..
رد الخليجي : احنه هسه راح نمتحنج بكم سؤال ..
على ضوء اجابتج راح نحدد عقوبتج ؟
كتله : اسئلني على بركة الله ..
بقه يباوع بعيني من تحت الخمار و يخزرني ..
تغطية وجهي خلتهم ميشوفون عيوني الي ماليه الخوفه ..
و بسالة ابني خلت صوتي ميبين عليه خوفي ..
السوري : اذكريلي أخر آيتين من سورة البقرة ؟
ذكرتهم ..
العراقي : راح اكلج بداية آية و كمليه وراية ..
(  يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ ..
اني : شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ)
هاي بأي سورة ؟
سورة الحجرات ..

فالقصة ضيم و ظلايم ..

شنو تتوقعون راح يصير ب حبيبه ؟