بلا عنوان

الفصل الخامس

#بلا_عنوان
الفصل الخامس
#بقلمي_اسراءالجميلي

بده دوام المدارس للمعلمين و المدرسين فقط واحد تسعه ..
اني جنت معلمه بمدرسة ولد ..
طبعاً كرومي خامس علمي ..
و سنا اول متوسط ..
بدينه بالدوام عادي ..
بعد اسبوعين اجوي علينه مجموعة من ديوان التعليم ..
يعني وزارة التعليم ..
همه ابدال ميكولون الوزارة الفلانية و الوزارة كذا ..
سموها ديوان ..
و شحده الي يغلط ..
كال الدين الاسلامي يحرم الاختلاط ..
حشه الاسلام منهم الظلمه ..
فحولوني على مدرسة قريبه منه ..
مال بنات و الي هيه جانت مدرسة بنتي ..
و نقلوا اذا بيه اساتذه ..
يعني مدرسة الولد يدرسوهم رجال بس ..
و مدرسة البنات يدروسوهم نساء بس ..
( طبعاً جبروا كل اصناف الموظفين بالدولة على الرجوع للدوام .. و الا يعاقبوهم بالجلد و الي سافروا بالبداية .. فصلوهم و بدون رواتب طبعاً )
بقينه ندوام عادي ..
و يحيى فتح محل غذائية بناها بالحديقه ..
و بعد شئ شهر جنت هستوني راجعه من الدوام ..
خابرة مريم اخت يحيى ..
خير مريم طمنيني ..
حاضر هسة جاي ..
سده التلفون ..
خير يحيى ..
ما اعرف مريم بس تبجي و تعيط ..
بتها ما اعرف شنو بيه ..
زوجهه طالع يودي ناس ال اربيل ..
ديلا خلي انروح ..
عفنه الجهال بالبيت و وصيتهم ميفتحون الباب لكائن من يكون ..
رحنه البيت مريم ..
اول موصلنه فتحت النه الباب و بس تبجي ..
خير مريم ..
بنتي سارة البيحة كانت عتشطف باب الحوش مالتنه ..
و غشعوها الحسبه و غاحو جابو حسبه نسوان ..
و جو عالبيت قالولم وين البنت الي كانت عتشطف ..
بغا فجت سارة بس خيفي كثيغ ..
قالوله لا تخافين انتي صغيغه كثيغ ما غاح نجلدكي ..
غاح نقغصكي فهي عباله قغصه عادي و قغصوه من صدغه ..
و غاحو و بليل اتخربطت ..
و مكان القغصة وغمت و ازغقت و ما تطيق اتنام ..
يحيى : لكن اشتنتظرين من البيحه لليوم ما وديتيه للمستشفى يلا نوديها هسه ..
بقيت يم اطفاله الباقين و راحوا ..
اتاخروا ..
خابرة يحيى سالت عليه ..
كلي المكان ملتهب و حرارته مدا تنزل ..
و الله كريم ..
ربي يشفيه و يرجعه سالمه ال امه ..
راح اتصل على عمتي ..
و اخذ تكسي و يطلعولي اباب بيتهم و انزلهم يمهم ..
اي حبيبتي افضل لان احتمال نتأخر و يجوز انبات ..
خوش ..
الله وياكم ..
اخذتهم وديتهم البيت عمتي و رجعت الجهالي ..
انتظرة لليل ماكو شئ ..
خابرته ..
وضعه صعب و احتمال يدخلوها عمليات يشيلون صدره ..
يا يمه اسم الله بنية صغيرة ..
يا ربي سلم ..
اي و الله حبيبه ..
الليل كله مكدرت انام بس ادعي للطفله ..
سارة طفله تجنن ..
نظيفه و حبابه و عاقله و عيونه ملونه و شكره على يحيى ..
المهم اتصل بيه بالسبعة الصبح يبجي ..
ماتت سارة ..
يا يمه ..
ضربت على صدري بكل حركه ..
عزززه العزاج مريم ..
كمت ابجي و اعيط ..
روحي البيت امي و اخذي الجهال حنطلع شهادة الوفاة و نجيبه و نجي ..
رحنه و جابوها ..
و كلنا بكيه عليه ..
طفله بعمر الورد ..
و دفنوها ..
و خطية مريم تقريباً تخبلت ..
و اني اتخبلت ..
ابالي سنا ..
ثالث يوم الفاتحة اجه ابوه و انجن على بنته ..
بعد ما فاتت سبعة سارة الله يرحمه ..
قررنه نطلع احنه و همه لاربيل ..
لان ابو سارة يعرف ناس اهناك ..
بس لازم تقرير طبي ..
احنه عدنه مال يحيى ..
صارت عنده جلطة ..
و مريم صار بيه سكر من فزته على بته ..
علساس لازم علاجهم ب اربيل ..
عدلنه بيوتنه و صفيناهم ..
اختارينه منو يكعد بيه من اقاربنه ..
كملنه كلشي و حنطلع باجر واحد بشهر الدعش ..
حاولنه انام اني و يحيى مقدرنه ..
خابرنه ابو سارة ..
حجه وي يحيى ..
باوعت على وجه و هو يحجي وياه ..
قطرة دم مبقت بيه ..
سده ..
ها يحيى شنو صار ؟
ماكو سفر هاهيه ..
منعوا خروج اي احد من الموصل ..
يعني خلص يحيى مو ؟
حتروح سنا مثل مراحت سارة ..
اويلي عليه ..
كافي خليني اعرف افكر ..
شتفكر هااا ؟
ماكو اي فكرة ..
كافي اسكتي ..
ها هيه الله قاسمنه هيج ..
بقينه هيج احنه ..
عايشين كلنه بسجن جبير ..
مكانوا يرحمون احد ..
محد يشفع عدهم لا احد كبير بالعمر و لا طفل و لا مره ..
ناس يتعاملون بلا رحمه و لا قلب ..
عشنا وياهم بذل و مهانه ..
لحد يوم ٢٩.٣.٢٠١٥ ..
يوم ميلاد كرومي ..
طبعاً منكدر نسوي ميلاد او عرس ..
عيونهم و جواسيسهم بكل مكان ..
و عقابهم كله جلد ميهمهم مره او رجل ..
توسل بينه يروح وي اصدقاءه وره بيتنه محل حاسبات ..
يلعبون بيه الولد ..
راح كرم و ريته مراح ..
نص ساعة ..
دك بابنه صديقه ..
الحقوا ابنكم مسكونو الحسبه يم محل الحاسبات ..
اويلي راااااح كرم ..
اسكتي يا مره ..
لبس دشادشته و راح ركض ..

فالقصة مفاجاءة حتكتشفه حبيبه صدمه لكل البيت ..