بلا عنوان

الفصل الثالث

#بلا_عنوان
الفصل الثالث
#بقلمي_اسراءالجميلي

خير ابو كرم اشو رجعت ؟
و الله حبيبه ما اعرف شكلج ..
اشو الوضع ميطمن ..
ليش يمعود ؟
احجي تره خوفتني ..
اشو الجيش و الشرطة مو مثل قبل بالشارع ..
يكولون علساس خلايا نائمة من داعش ..
طابين الموصل ..
الجيش متصديلهم و مطلعهم ..
يا عزة بعينج حبيبه ..
اي و الله ..
لعد يجوز الجيش على حدود الموصل ؟
ما اعرف حبيبه بس عددهم اقل من قبل ..
هسة نشروا منع تجوال بكل الموصل ..
يا ربي سلم ..
دك تلفوني باوعت عليه ..
ماما : شلونج ماما حبيبه اخباركم ؟
الحمدلله ماما انتوا شلونكم ؟
ماما اشو يحيى يكول ..
حجيتله كلشي ..
لا ماما لا يظل بالج ابوج يكول الجيش قوي ..
ذولة شرذمه كم واحد و قضوا عليهم ..
ان شاء الله ماما ربي يسهل كل خير ..
يلا بنتي سلميلي على الكل ..
الله يسلمك ماماتي و انتي همين سلملي ..
سديته ..
انداريت باوعت شفت يحيى كاعد على الكرسي و متجي ايده اليمين على الميز و حاطه على راسه و صافن ..
استغفرلله يارب ..
يومية نار تصير بقلوبنه مدا نعرف شنو الي ديصير ..
يحيى بس يتفقد السرداب و يضم و يصفط و يعدل بالغذائية اليابسة ..
خله على الجام سليشن عريض سواه على شكل في ..
اني احس بشئ حيصير مو زين ..
يحيى اني تعبانه كلش ..
ممرتاحة ابد ..
حبيبه كل واحد يحجي شكل راح اتخبل ..
و الناس كله مثلي ..
اوف يا حبيبه الله المعين و يطلعنه من هاي الشدة ..
بقينه على هاي الحالة اربع ايام ..
و بيوم ١٠/٦/٢٠١٤ بقينه انسولف اني و هو ..
تمددو الجهال يمنه يسمعونه ..
يحيى كلي انومهم يمنه أأمن الهم ..
بعدها نامو اثنينهم ..
احنه همين هستونه دنام و جان يدك تلفونه ..
خير يا رب هاي منو يتصل بالثنتين بالليل ..
الو هلا نرجس خير ؟
خو امي بيه شئ ..
نرجس اخته الجبيره ..
اشو راساً عدل روحه و وجه صوفر ..
لا حول و لا قوة الا بالله ..
خير يحيى خير ..
احجي فدوة ..
سد تلفونه ..
اندار صافن عليه ..
حبيبه داعش احتلو الموصل ..
لاااااااا ..
عزه العزانه ..
راحت الحدباء و اهله ..
اويلي عليج ام الربيعين ..
صرتي بين الرجلين يا داده ..
يحيى صافن يباوعلي محجه و لا كلمة ..
بقينه اتصالات بينه و بين اهلنه ..
فهمنه اكو ناس بدت تطلع من الموصل من ليلته ..
اكو بقت ..
الكهرباء كامت متنكطع عدنه ابد ..
و المي كذلك ..
احنه مستغربين و حايرين ..
سالته ؟
وين الجيش الي كلتوا عليه يحيى ؟
هااا فهمني ..
ما اعرف .. ما اعرف ..
يكولون و لا جندي بالشارع ..
انت شدا تحجي ؟
شنو ملح و ذاب ..
الاف جنود و شرطة ..
زين الجيش الي من المحافظات ماكو ..
الجيش الي من اهل الموصل وين وله ..
ما اعرف لا تساليني حبيبه ..
حالي من حالج ..
مرت الايام و بده رمضان ..
هو احنه بلا رمضان صايمين عن الاكل من قهرنه و ضيمنه ..
طلع يحيى راح يشوف امه ..
اتصل بابا : احنه راح نرجع البغداد ليش متجون ويانه ؟
بابا اشوف يحيى و اردلك خبر ..
اي يا بابا قابل يحيى يريد يبقه وي ذولة القتله المجرمين ..
ما اعرف بابا اسئله و اكلكم ..
براحتكم بنتي ..
المره تتبع رجله ..
رجع بعد ساعتين مصدوم ..
السلام عليكم ..
عليكم السلام ..
راح كعد على الكرسي ..
شبيك ؟
شايلين كل الصبات حبيبه ..
و ناس لابسين دشاديش قصيرة و عدهم لحايا يسلمونه اوراق ..
يا اوراق يحيى ..
طلع ورقة من جيبه انطانياها ..
قريت ليفوك مكتوب ..
الدولة الاسلامية خلافة على نهج الرسول
اتبره منكم الرسول ان شاء الله ..
شالكم الله و خلصنه منكم ..
قريت الباقي خريط ..
جاين نحرركم انرجع الاسلام مدري شنو ..
انداريت عليه ..
شنو شايفينه يهود شنو ؟
ما اعرف حبيبه امي تعبانه ..
و متقبل تعوف بيته و اني حاير ..
جمر بصدري حبيبه ما اعرف شسوي ..
المظهر يكول جايين بخير و سلام ..
بس بعيونهم شفت كل الحقد و الحقارة و الاذية الي بالدنيا ..
اني حاير حبيبه اريد حل فدوة ..
اجيت عليه حضنت راسه بدية و قربته عليه ..
كام يبجي ..
استهدي بالرحمن حياوي ..
نطلع وي اهلي و خلص ..
وين حبيبه وين ؟
البغداد ..
احنه مو جنه عايشين اهناك لوما الظرف الي صار ..
اي و اعوف امي ..
امي مرة جبيرة و مترضه تعوف بيته ..
اتكلي : بيتي أموت بينو وتنسقي حديقتو من دمي ولا يفوت بينو ويحد من هذولي النجسيين ..
بعدت عنه و باوعت بعينه ..
لعد انموت احنه و جهالنه هذا رئيك ؟
مسح عيونه و كام ..
عاط بصوت عالي ..
رج قلبي مثل ما رج صوت المدافع ..
خلص الكلام بهذا الموضوع حبيبه ..
شوكت يروحون اهلج ؟
صفنت عليه خرس الساني ..
رجع عاط ..
حبييييبه ..
نزلت دموعي ..
شوكت يروحون بيت عمي ؟
هاااا ..
اهلي باجر يروحون ..
حضري نفسج نروحلهم بعد الفطور ..
بقيت اباوع عليه ..
رفع ايده اليمين و لزم حنجي و تقرب عليه ..
صار بين وجهي و وجه سانتيم ..
سمعتي ؟
اي حاضر ..
عافني و راح الغرفتنه ..
حسيت رجلي بعد متحملني ..
الف مليون فكرة براسي ..
الهسه و البعدين ..
شسوي ؟
شلون اقنعه ؟
و اني دا احس القهر راح ياكلني ..
الخطر محاوطنه احنه و جهالنه .

شتتوقعون يروحون وياهم؟