بلا عنوان

الفصل الثامن عشر

#بلا_عنوان
الفصل الثامن عشر
#بقلمي_اسراءالجميلي

باوعت لكيت سنا و سيري عيونهم مغوركة ..
و الكم هاي شبيكم ..
لحظة و تبجون ..
سيري : خالة هاي اللحظة كلش حلوة ..
لزمت راسه ربي يرزقه الكل بنت ..
سنا : هههههه ماما اذا احنه عيونه مدمعه ..
انتِ دموعج نزلت ..
لزمت وجهي ..
اي و الله باجيه ..
هههههه و لا انتبهت على روحي ..
ماكو احلى من الحلال ..
فرحته غير حبيباتي ..
اي ماما كملي ..
بابا كلهم خطوبه اي ..
بس زواج بعد ما تكمل السنة ..
رحنه نشتري ذهب و ملابس الي يعجبني و اريده اشتروه ..
و سوينه حفله حلوة ..
تونسنه كلش ..
حسيت بابيتج طاير بيه ..
يباوع عليه و جنه ممصدك ..
و اني جانت فرحتي بيه متنوصف ..
احسني ملكة الدنيا كله من لبسني الحلقه ..
جنت طالعة كلش حلوة ..
سيري : خالة فدوة الوجهج دومج تخبلين ..
لعد من جنتي بالعشرين شلون ؟
سنا : اي و الله ماما كافي شراينج الي تلالي ..
و عيونج الصفره الوسيعه ..
حرامات اني مو مثلج ..
ههههه حبيبتي انتِ احلى مني ..
المهم ..
اهله كلش فرحانين جانوا ..
امي جانت متعجبه منهم ..
اتكلي شكلج يا حبيبه حتصيرين اسعد جنه بالدنيا ..
بس اني قلبي ابد مجان مرتاح الفرحتهم ..
بس كملت الامتحانات تزوجنه حتى قبل النتيجة ..
و بشهر السادس ١٩ منه سنة ١٩٩٥ تزوجت ..
و جان العرس بالموصل ..
اهله عافونه البيت و راحوا ..
اول مدخلنه غرفتنه ..
جنت خجلانه كلش ..
اجه رفع البركع عني ..
الله عليج حبيبه حور العين ربي نزلج من الجنه اليه ..
هههه شكراً ..
بدلت و توضينه و صلينه ..
خله ايده على كصتي و دعه بكلام نزل دموعي ..
ماما انتِ ام دميعه عادي ..
كفخته على راسه على كيف ..
هههه كلبه انتِ ..
جنت اسعد عروسه لمدة شهر و نص ..
و بدت تباين عندي اعراض الحمل ..
تخبلو كلهم ..
عمتي وزعت بقلاوة بالجوز لكل الشارع ..
مع انو هيه شوية عده حرص ..
بحيث اول متزوجنه حملت زوجي نص مسؤولية البيت كامله ..
على و الله هسه صرتوا عائلة ..
و بيوم تعاركنه اني وياه ..
عادي عركات ازواج بسيطة ..
اني حسيت نفسي مغلطانه فمصالحته ..
سنا : شعجب ماما ؟
انتِ متعوفين بابا زعلان ابد ..
هسه تعرفين حبيبتي ..
رحنه نمنه و احنه متزاعلين ..
جنت متعودة انام بلبس النوم ..
جان نهاية شهر الثامن و الدنيا حارة ..
فزيت على يحيى يرجف بحيث الفراش يهتز ..
فتحت الضوة ..
اباوع عليه عركان كلش ..
يمه اسم الله شبيك حبيبي ؟
يأشر على الباب ..
طلعت ركض بلا وعي على غرفة عمي و عمتي ..
فتت عليهم حتى بدون ما ادك الباب ..
الحكولي يحيى ما اعرف شنو بيه ؟
كامو من فراشهم ركض ..
اجوي الغرفتنه ..
امه : روح جيبله حبه من الكومدي مالتي ..
باوعت عليه و على جسمي كله ..
الله لا ينطيج راح تموتين ابني بهذا اللبس ..
اني انتبهت على نفسي ..
اخذت دشداشتي من الزواية و لبسته فوكاه ..
بس ليش هيج حجت عليه ..
يحيى فاتح عيونه بشكل مرعب ..
يباوع على امه بخوف و ذعر ..
اجه ابوه رفع راسه فتحوا حلكه و خلوا حباية جوة السانه ..
عفية شبيه يحيى شنو هاي الحبوب ..
احجولي فدوة ..
اشو عمتي خزرتني و طلعت ..
اجه ابوه خله ايده على راسي ..
لا يظل بالج بنتي ..
هسه يرتاح و ينام الصبح يكعد يكلج ..
اباوع على يحيى خفت رجفته ..
جبت كلينس مسحت عركه و غطيته بشرشف خفيف ..
بس قلبي ظل ياكل بيه ..
شنو بيه ؟
و ليش عمتي حجت ويايه بهاي الطريقة الي تقهر ؟
بقيت كاعدة للصبح ..
فتح عينه باوع عليه ..
شنو ما نمتي حبيبه ؟
لا ظل بالي عليك ..
ماكو شئ لا يظل بالج ..
وخر الجرجف ديكوم من الجرباية لزمت ايده جريته ..
شنو هاي الحباية الي اخذته ؟
ماكو شئ ..
ابوك كلي الصبح يحجيلج ..
شتحجيلي ؟
حبيبه اني عندي فتحتين بالقلب وحدة بيهم كلش جبيرة ..
اني بقيت فاتحة حلكي ..
عبالك حلم ..
مكانه خطر ميرهم يسولي عملية ..
زين ليش مكتلي من البداية ؟
خفت لا تعوفيني ..
و اني حبيتج من اول يوم اخذتكم للموصل ..
و كم مرة صارت عندي نوبه حتى ينقلوني للمستشفى ..
لان مجان عندي فلوس تكفي اخطبج و اتزوجج ..
احسني بحلم ..
ليش كذبت عليه ؟
شلون حنبدي بحياتنه بكذبه ؟
كعد بالكاع و لزم اديه ..
احبج حبيبه و اموت بلاياج و الله ..
خله راسه بحضني و حسيت بدموعه على رجلي ..
مسدت راسه ..
و قررت ابقه وياه لان يحبني ..
سيري : زين خالة انتِ شلون معرفتي ؟
يعني ميتعب ما يلهث ..
مجنت اعرف شئ و لا سامعه ..
عبالي حياة المزوجين هيج ..
و حتى خلو غرفتنه جوه مو فوك ..
و عادي عندي مو ابالي ابد ..
جان هذا السبب الي خلاهم فرحانين بيه ..
سنا : ماما لعد ليش هسه نانا تضوج منج ..
هو حبيبتي من يوم ابوج اتخربط كرهتني ..
و كلما يتخربط تعد و تصف عليه ..
انتِ حتموتين وحيدي ..
لزمته من خشمه ..
هاي اشياء مال كبار لا تدخلين بيه ..
اجه يحيى و احنه نسولف ..
السلام عليكم ..
تعاي للغرفه ..
حبيبه تره اذا مصار اي شئ ..
حيهرب سيري بعد اربع ايام ..
خوش ربي يسهل ..
ماحجيلهم لحد يوم السفر ..
براحتج ..
وين كرم ؟
بقه هناك يكول اغير جو ..

فالقصة وداع مؤلم