بلا عنوان

الفصل الثاني و العشرين

#بلا_عنوان
الفصل الثاني و العشرين
#بقلمي_اسراءالجميلي

بدو حملات مداهمة على البيوت اخذو الستلايتات ..
صرنه نترقب الاخبار بالراديو ..
طلعوا نسوان داعشيات يفتشون بالسوك سموهم العظاظات ..
بيوم رحت للسوك الم مونه من خوفي لا بعد حتى ما نكدر نتسوك ..
اول مدخلت للسوك شفت مره واكفه ..
و يمهه الداعشيات يحاسبوه ..
انتِ ليش مطلعه عيونج و فوكاها مكحلة ؟
ادفعي جزاء هسه ..
ما عندي و الله كل الي شايلته عشرتالاف دا اجيب بيه مسواك ..
ماكو متروحين اذا ما تدفعين ؟
الله يخليج و الله عايفه جهالي و ايتام و جواعة ..
المرة تبجي و تتوسل و حاله يبجي الصخر ..
لعد انعضج ..
اي ميهم عضوني ..
اندارات الداعشية الكلبه لبست اسنان حديد فوك سنونه ..
باوعت على المره ..
عاطت بالي وياه ..
الزموها ..
لزموها و جان تعضه من عينه ..
وخرت جان انشوف كمية الدم الجبيرة من عيونه تنزل ..
اني خليت ايدي على جنبر بصفي من هول المنظر الي شفته ..
الناس كله كامت تعيط لا اله الا الله ..
حتى بعد تلتزمون بتعاليم دينكم ..
لو تبقون ببيوتكم .
ضحكوا بحقاره عافوها و راحوا ..
اجيت وي الناس اريد انوكف النزيف ماكو ..
اخذناها وي اصحاب محل اثنين ..
من تصير كدامي هيج مواقف ..
احسهم اهلي بقية ناسي ..
ما اكدر اخلي نفسي من المسؤولية و اعوفهم ..
رحنه وديناها للمشفى ..
لازمة ايدي الطريق كله و تتلوه ..
نايمه على جتفي ..
و اني محاوطته بيدي اليمنه ..
عفية اطلب شئ ؟
حجت بصوت ناصي بالكوة يطلع ..
قربت اذاني من حلكه ..
بجزداني تلفوني بيه رقم خالد اخوية ..
اتصلي بيه ..
حاضر حبيبتي تدللين ..
كوليله بناتي امانة بركبتك ..
اذا مكدرتلهم وديهم العمهم خليل ..
اسم الله عليج بسيطة ان شاء الله ..
جرت راسي اكثر و قربته عليه ..
حجت بصوت محشرج حروفه بالكوة تطلع ..
اني مسلمه صح ..
ترجف و تحجي ..
اسكتي خيه خلي طاقتج الصحتج ..
مدارتلي بال ..
بس راح اكول ال الله عليهم ..
تنفست قوي و زفرت هوه باااارد على خدي ..
مع الاسف ملحكنه عليه ..
قلعوا عينه بهالعضه و النزيف اخذه ..
راحت بنية ثلاثينية بلاش ..
وصلناها و اتصلنه باخوه ..
رجعت للبيت ملابسي كله دم ..
دكيت الباب فتحه يحيى ..
وينج يمعودة ظل بالي ..
باوعت عليه و وكعت راساً ..
اسمع صوته كانو صدى ..
حبيبه حبيبتي شبيج ؟
كام يعيط ..
هاي شنو الدم ؟
اجتي سنا ..
فتحت عيني بالكوة ..
ما بيه شئ مو اني ..
بس دخلوني جوه ..
دخلوني حجيتلهم و قلبي نار على المرة و الايتام الي حتلطمهم الدنيا ..
بلكن يكون خالهم رحيم بيهم ..
مرة الايام ..
بدت تصير ضربات من التحالف العسكري علساس على داعش ..
بس جانو اكثر الي يروحون بيه ناس ابرياء..
نسبة الدواعش الي تموت قليل جداً ..
ضربوا مدرسة الحاج يونس للبنات ..
و حي النور و الضباط و المأمون و الصديق و المهندسين و ١٧ تموز و راس الجادة ..
يعني مسلمت منطقه من القصف بالطائرات بالجانب الايمن الي جانت بيوته قديمه واحد مرتكز على اللاخ ..
و الجانب الايسر و وسط المدينه ..
يومية نسمع ناس ميته ..
الرعب نهانه ..
بديت اتعصب على كلشي و مكضيته بس نوم و اكل ..
اريد اخلص ..
بلكي بنومتي و كعدتي الكانه خلصانين ..
حتى سمنت و كرشت ..
اني اعتبر طويله ..
ملامحي هادئة و صغيرة ..
بس عيوني واسعه لونه عسلي ..
وجهي دائري ..
شعري دومه على شكارات لان يحيى هيج يحبه ..
حتى بعد ما سدو الحلاقة النسائية ..
و خلو كم وحدة بس بالنسوانهم ..
بديت اشتري و اصبغ بالبيت ..
فد يوم نايمه ..
فتحت عيني حسيت يحيى يلعب بشعري ابتسمت ..
شبيج يا حبيبة قلبي ؟
راحت ابتسامتي ..
تعبانه يحيى ..
اريد اهلي ..
كمت ابجي ..
رفعني و حضني ..
يمعودة تره قوتنه كلنه منج ..
انتِ العقلج جبير الفاهمه الصبورة ..
صغر عقلي يحيى ..
ضحك و دفعني و بقه يباوع بعيوني ..
و هو لازم جتافي ..
اشر على راسي باصبع ايده اليسره ..
هذا دومه كبير ..
و يبقه ابو احسن افكار ..
رجع اشر على قلبي ..
و هذا دومه جبير و يسع الدنيا كله و يتحمله ..
ابتسمت ..
احبج يا كلي ..
تدرين حبوبتي مشتاقلج ..
ضحكت ..
قربني عليه صار بيني وبين شفايفه سانتيم ..
جان تكلب معدتي راساً ..
فريت راسي ..
يحيى كوم فدوة حزوع ..
شنو شبيج ؟
خنب ببليسج ..
ركضت على الحمام ..
اجه وراية ..
لزم شعري و لفه بعده عن وجهي ..
خيرج عمري اني ؟
ما اعرف على غفله لعبت نفسي ..
هههه خاف حامل ام كرومي ..
يمعود يا حامل حتى ال........... صار اله اربع اشهر من انكطعت ..
من يوم اخذوا محمد ..
دارني عليه ..
لا بربج ..
وج خاف صدك حامل ؟
هههه فدوة يحيى كافي احلام ..
اني بيا حال يمعود ..
اجه كرم ..
هاي شبيكم واكفين اثنينكم على المغسلة ..
يحيى ضرب كرم على علباته ..
وك يمكن حيجيك اخ ..
كرم ضحك و وجه انترس فرح ..
هلا هلا اي و الله يا ريت ..
العب بيه طوبه و بس اصخر بيه ..
ضحكت ..
معليك حبيبي ابوك كبر ..
رحت للمطبخ اعدل بيه ..
دك تلفوني وره شوية ..
عمتي : وج حبيبه تريدين توكفين قلب ابني.

فالقصة تعاون جديد بين...... و......