بلا عنوان

الفصل السابع عشر

#بلا_عنوان
الفصل السابع عشر
#قصص_اسراءالجميلي

خالة اني ما اكدر احب ..
اني صافنه عليه و عيوني مغوركة ..
بالكوة لازمه دمعي لا تنزل ..
اباوع وراها كرم مدمع ..
الله يخليج خلي عمو يستعجل بتهريبي ..
فدوة اروحلج ..
ليش هيج تكولين ؟
ضوجناج بشيئ احنه ؟
لا خالة انتوا صرتوا اهلي الي ربي حرمني منهم ..
بس اريد اطلع ..
اني خايفه و عايشه برعب ..
بيوم الي اجوكم تفتيش اتخبلت جوة ..
خفت عليكم اكثر من نفسي ..
ليش تروحون ضحية بسببي ؟
نزلت راسي معرفت شكله ..
شفتي خالة كلامي صحيح ..
الم و خوف ساعة و لا كل ساعة اكضيهه اترقب موتي و موتكم ..
تقربت عليه ..
اسم الله عليج بنيتي ..
خالة اذا تحبوني شوفولي صرفة حل ..
و كوليله الكرم لا يحجي وياية بعد بهيج مواضيع ..
تره انهزم منكم و الله ..
كرم : ميحتاج اتكلي سيري سمعت كلامج ..
و حنفذه لو على كص رقبتي ..
ابني يحجي بصوت ناصي و هادي و متروس الم ..
سيري مندارت عليه ابد ..
تباوعلي و عيونه تنزل دمع بلا صوت ..
الله يسعدج سيري وين متروحين ..
و تلكين ناس غيرنه يحبوج و يحافظون عليج ..
ردت عليه بدون ما تباوعله ..
ما الكه مثلكم ابد ..
بس الي دا اسويه هو الصحيح ..
دخلت سنا ..
هلاو شلونكم ؟
جاوبتها سيري ..
هلو ..
و طلعت من المطبخ ..
هلا حبيبتي ..
شلونج بالدوام ؟
زينه ماما ..
شبيكم ؟
ما بينه شئ ..
يلا بدلي حتى نتغده ..
صعدت تبدل اجه كرم فات من يمي راد يطلع ..
وجه بوجه اتعداني و مشه جريته من ايده ..
اندار بنظرة حزن عليه كسر قلبي عليه ..
انداريت عليه و حضنته ..
راساً بجه ..
قسمه و نصيب حبيبي و بعد تكبر و تشوف كومة بحياتك ..
صح مراح تنسى ..
بس حتلكه الانسانه الي تعوضك ..
عفيه ماما كافي سدي الموضوع ..
حاضر حبيب امك ..
احبك يا روحي ..
وخر من حضني ..
حطلع شوية ماما اروح البيت بيبي ..
اي ماما روح و سلملي عليهم ..
دك تلفوني ..
الوو هلو حبيبي..
شلونه عمه ؟
الحمدلله بخير ..
اتغدوا حبيبه راح اتغده هنا ..
تره كرم اجاك ؟
شعجب ؟
يكول مشتاق النانا ..
حكلك شئ ..
خييير ؟
حاول تستعجل بشغلة سيري ..
الابنية تعبت نفسيتها من الخوف ..
اوكي حاضر ..
صبينه الغده كعدنه ناكل بالحولي ..
سنا : هاي شبيج سيري ليش عينج وارمه ؟
يمكن جانت نايمه عليه ..
اي صح تحجي خالة جنت نايمه على وجهي ..
شنو رئيكم مدام بابا و كرم ماكو ماما تكملينه القصة ؟
سيري : هههه شكد بطرانه انتِ ..
هههه يلا ماما حبابه ..
اوكي يلا ..
رجعت للبيت من المعهد ..
هلو ماما بصوت عالي ..
نصي صوتج يمنه خطار ..
منو ؟
يحيى كرايب ابوج ..
سنا : هااا يعني هذا بابا ..
اي طبعاً هو شعندي غيره ..
اي عيني اي ..
سيري : كافي سنا خلي خاله اتكمل ..
رحت للهول بسرعة ردت بس اشوفه ..
سلمت عليهم كلهم ..
وجهي ميكصه الموس ..
بس قلبي يرف عليه ..
حبيت اهتمامه بيه ..
بده هواية يجيني للمعهد بس طبعاً من بعيد ..
كلما يجيب كروة البغداد يمر عليه ..
يعني ميحجي وياية ..
و يومية من انزل من الخط عيني على الشارع الثاني ..
اكول بلكي اشوفه ..
بديت احبه و اني ما احس على نفسي ..
بس دومي متلهفه عليه ..
و مرات يدك علينه يحجي وياية ..
ما اعرف شلون يعرف وحدي بالبيت..
و بيوم اجاني للمعهد ..
اشرلي من بعيد ..
اني استغربت من عنده ..
بس رحتله كلت اكيد اكو شئ مهم ..
وصلت يمه ..
تعاي اكعدي يمي بالسيارة ..
خير ؟
عندي شئ مهم وياج ..
صعدت يمه ..
حبيبه ..
عليكم السلام ..
لا حبيبه فدوة اسمعيني ..
شبيك يمعود خوفتني ؟
بعد ما اكدر على بعدج اني ..
اني قلبي كام يرجف مو بس يدك ..
اي و شتريد يعني ؟
اريد اخطبج لان احبج كلش ..
و منو كلك اني احبك ؟
ادري بيج تحبيني ..
و منو كلك اني احبك ..
اوكي باعي بعيوني و كوليلي ما احبك ..
ما اباوع ..
شفتي معناها تحبيني ..
لا ما احبك ..
لزم حنجي و رفع راسي عليه ..
لعد كولي و الله ما احبك و اوعدج بعد متشوفيني ابد بحياتج ..
لا حباب تعودت على شوفتك ..
خليت ايدي اليمين على حلكي ..
طلعت مني بدون وعي ..
زين يعني هسة تحبيني لو لا ؟
ما اعرف ..
اهوووووو و تالي وياج ..
مد ايده اليسره ديفتحلي باب السيارة بيده اليمنه جان يطخني ..
حسيته سلب روحي بهالحركة ..
لزمت ساعده ..
فدوة لا تنزلني ..
احبك يحيى و الله ..
اندار باوع عليه ..
شنو شكلتي عيديه ؟
وخرت ايدي من لزمت ايده ..
نزلت راسي ..
احبك يحيى ..
جر ايده ..
اي عفية هذا الحجي ..
ليش لعد حركتي قلبي ها ؟
رفعت راسي عليه عالكيف ..
سلامة قلبك حياوي ..
يااابه اشتعلت عشيرة حياوي ..
هههه لا حشاك و حشاهم ..
لعد حضري نفسج بالايام الجاية ..
على شنو احضر ؟
بأي يوم ممكن نجيكم ؟
هههه هلا بيكم ..
و نزلت و احسني طايرة ..
بكل المحاضرات فرحانه ..
بعد كم يوم اجونه هو و اهله ..
و عمه الجبير و زوجته الي ساكنين بغداد ..
خطبوني اهلي تفاجاو ..
كالولهم نسال الابنية و نردلكم خبر ..
سالوني سكتت ..
كالو موافقه صارت الهلاهل ركع وياها دموع من امه و اخته..
احنه تفاجانه من دموعهم ليش؟

فالقصة فصل اخر قبل الوداع