بلا عنوان

الفصل الثاني عشر

#بلا_عنوان
الفصل الثاني عشر
#بقلمي_اسراءالجميلي

بقيت حاضنته و اطبطب على ظهره ..
كلنا نموت ماماتي ..
الفرق بطريقة الرحيل و موعده ..
وخرته شوية ..
زين مروان متعرفين وين راح ؟
لا اصلاً ما اعرف عايش لو ميت ..
اني مبقالي احد ..
سنا : لا تكولين هيج اني اصير اختج و صديقتج ..
باوعت على سنا و ابتسمت ..
شكراً ..
صوته هادئ ..
مبينه مكسورة ..
وجهه ما بيه روح ..
زين شنو رئيكم احجيلكم قصة قديمه عن بنت موصليه حلوة مثلكم ..
لزمتهم من حنجهم كل وحدة ابيد ..
بنتي فطيرة فرطت من الضحك ..
سيرينا ابتسمت و بس ..
قهرتني بس ردت اغير الموضوع ..
شوفو يومية احجيلكم ساعة بس ..
اتفقنه ..
سنا بصوت عالي ايي ماما ..
سيرينا دنكت راسه اي ..
يلا خلي افرش السيرينا ..
لا ماما اني انام بالكاع هيه خطية ظهره يوجعه ..
باوعت علينه و احنه نحجي ..
شكراً بس اني متعودة عالكاع تره ..
لا لا انتي على الجرباية ..
فرشت ال سنا تمددو ..
خلي احجيلكم قصة بنوته اسمه حبيبه ..
ههههه ماما يعني قصتج ؟
اي قصتي ..
اسكتي سنا خلي نسمع خالة ..
جنت طالبة هستوني مخلصه سادس ..
انتظر قبولي يطلع اهم شئ عندي دراستي ..
عائلتنه حلوة و مرتاحين بينه ..
اختارو عروسة الاخوية اقاربنه من الموصل ..
كان لازم نروح انجيبه مناك ..
اتصلوا على سايق اقاربنه من الموصل اجه اخذنه ..
صارت كعدتي بالسيارة وراه مباشرة ..
رحنه بس اني و ماما لان اختي الاكبر موظفه ..
شغل اغنية سيرة الحب ..
كلما ارفع عيني الكاه يباوع عليه ..
بداخلي : شكد سخيف و يصرف نظر ..
وصلنه البيت خالتي ..
الولد : خالة شوكت متريدوني دكو عليه اجيكم ؟
شكراً يمه الله يخليك الاهلك ..
بقينه اسبوع يومية مرتين نروح للسوك هلكنه ..
و طبعاً هو يودي و يجيب ..
نفس النظرات اذا مو ازود ..
نامت سنا على بطنه و استندت على كوعه ..
اي ماما كملي ..
هههه حقيرة انتِ ..
رجعنه هو و بقه على نفس الحالة ..
بدينه تحضيرات العرس ..
و جان لازم نرجع للموصل انجيب العروسة قبل العرس ..
رحنه اني و ماما و حمزة ..
همين نفس السايق ..
اجيت اكعد وره حمزه جان تصعد ماما و كعدت وراه ..
و كلما امي تغفه ياكلني بعيونه الحقير ..
اني عصبت و بين عليه ..
وصلنه عند خالتي الثانية ..
لان عيب ننزل ابيت العروسة الي راح ناخذه ..
صرت اخر وحدة تنزل ..
(حبيبه انا نيتي شريفي ..
و انا اشعليْ ابنيتك بالله ..)
نزلت و ركعت الباب قوي ..
امي : هاي شبيج حبيبه ؟
فلتت من ايدي ماما اسفه ..
امي خابرة خالتي و كالتله اتحضر نفسه ..
العصر ناخذه لان باجر الفجر راجعين البغداد ..
رحنه جبناها و دنبات ابيت خالتي ..
بالعشرة كالت نسيت جنطة ابيت اهلي ..
اخوية جان نايم من تعبه ..
امي خابرة على اقاربنه كلتله تعال فدوة ديجيبون غراض ..
علساس نروح اني و العروس ..
خالتي : لا مو خوش فال بعد طلعت من اهله ميصير ترجع قبل ما تتزوج ..
عاد رحت وحدي ..
ابالي اكعد ليورة ..
امي طلعت وياية للباب ..
حبيبه كعدي ليكدام عيب ..
حاضر ماما ..
كلته بضوجه و صعدت ..
شغل اغنيته المعهودة ..
ضحكنا اني و البنات ..
جان يلزم ايدي ..
يا ول شجاك ؟
انا احبكي كثيغ حبيبه ..
حبتك حيه ..
صدك ؟
خوش لعد اني احبج و اريد اتزوجج و اذا متجاوبيني هسة !
ما ارجعج للبيت !
وصلنه البيت خالتي ..
جبت الجنطة و رجعت ..
ها حبيبه مجاوبتيني ؟
انت كل عقلك تحجي ؟
لعد معناها متريدين ترجعين للبيت ؟
صدك و غير طريقه ..
انت مخبل ..
و الله مترجعين اذا متجاوبيني ..
اني شلون اجاوبك ؟
غير تنطيني فرصة افكر بعرضك ؟
اوكي راح انطيج مجال ..
بس اني متأكد راح تحبيني ..
هههه شكد واثق من نفسك ..
سنا : ماما هذا بابا جان هيج وكيح ؟
لو غير واحد ؟
اسكتي لج لا تستعجلين ..
اوووو حاضر سكتت ..
خلت ايده على حلكه ..
رجعني البيت خالتي ..
ثاني يوم رجعنا البغداد و صرنه ثمن سيارات من الاهل و الاقارب ..
كلش تونسنه بالطريق ..
وصلنه و ظلينه نعدل و صار يوم العرس ..
اني لبست بدلة سودة قصيرة من كدام طويلة من وره ..
حافاته قيراج برتقالي ..
و سويت شعري بالصالون رفعته ليفوك و خصل نازله على وجهي ..
و اول مرة اخلي مكياج بحياتي ..
ضلال اسود و حمرة برتقالي ..
طلعت حلوة حسب مكالو ..
خالة انتِ بعدج كلش حلوة ..
لعبت بشعره : انتِ الكلش حلوة حبيبتي ..
ابتسمت بخجل ..
ايه .. اكمل الكم ..
طبعاً خلوني عيني على الباب شوكت ما يدك الجرس ..
اروح افتحه ..
اندك الجرس طلعت ركض ..
فتحت الباب ..
و لن السايق كبالي ..
بقه فاتح عينه و حلكه و صافن ..
هاي شبيك ؟
سبحان الله الخلقج ..
خجلني ..
ابتسمت ..
تدرين شنو اتمنى ؟
شنو ؟
يكون اليوم عرسنه احنه ..
شوفي حتى السيارة مزينه ..
باوعت صدك مزينه ..
لان حتصعدين ويايه ..
شنو ؟ منو كلك ؟ من قلت السيارات ؟
و الله حتصعدين ويايه ..
اكلك انت ليش هيج واثق من نفسك ؟
يحيى : حبيبه اشو اتأخرتي ؟
يلا حبيباتي اروح لان ديصيحني ابو كرم ..
بست سنا ..
دا ابوس سيرينا ..
جان تحضني ..
شكراً خاله على كلشي ..

فالقصة اذية للشجعان.