بلا عنوان

الفصل الثاني

#بلا_عنوان
الفصل الثاني
#بقلم_اسراءالجميلي

حبيبه مدامج مسويه اكل كومة ..
صبيلي كم ماعون اودي الهم ..
اي عيني تدلل ..
بس كون توصل عمتي و البنات بالسلامة ..
لان متنه جوع ..
اي حياتي بأذن الله ..

دك جرس البيت اثناء كلامنه ..
كمت اني و يحيى ..
سنا : ماما اجتي نانه نجاة ..
اهلاً بيها ..
عمتي : ايييه يا سنا اشقد كبغاني حفيدتي الحلوي ..
هههه حبيبتي نانه ..
اني حلوة مثلج ..
اولي على قلبك حبيبه ما علمتي ولادك يحكون مصلاوي ..
فات كرم الي يدافع عليه بالصاعدة و النازلة حبيبي هو ..

لا نانه نحنا نعغف نحكي ..
بس احنه اتعلمنه على حكي بغداد ..
نانتي اني عمغي كلو قضيتونوا ابغداد ..
اي ما انت عمغك اربعين ..

و ضحكوا الكل على الكلام ..
كرم ابني عمره ١٦ اول فرحتي ..
يحبني كلش حتى اكثر من ما يحب ابوه ..
ما يتحمل احد يحجي عليه او ينتقدني ابد ..
حتى لو كنت غلطانه ..
احس كرم سندي بعد يحيى ..

يلا ماما سناوي تعاي ساعديني دنصب ..
اني دا اصب و خالة الجفجير بجدر البرياني ..
و دموعي نزلت ..
اتذكرت كلامهم عن داعش ..
دعيت من كل قلبي ..

ربي كون برداً و سلاماً على الموصل و اهلها ..
و على كل العراق و كل بلاد المسلمين ..
وكفت اديه بعد ما كدرت اصب حسيت قلبي وكف وياها ..
يا ساتر يا رب ..
ليش دعيت اول شئ للموصل ؟
هاي اول مرة اسويها ..
كل مرة ادعي للعراق بالاول و بعدها اخص الموصل لان عايشه بيها وي عائلتي ..

صحاني من حزني صوت يحيى ..
ها حبيبه كملتي ؟
اي عيني كملنه ..
صبيت الاكل كملته ..
عمتي : يا ول كرم جيب الكغسي اغيد اقعد ما بي حيل اقف ..
روح ماما اني راح انطي لنناتك ..
عمتي : و عليش انتي ؟
انا ما اعغف اصيحكي ؟
انا طلبتوا من حفيدي ؟
كرم : اي نانه لحظة .. بس ترى امي ما كالت شئ ..
ايييه يا المدافع ..
تسلم يا غوح نانتك ..

ما اعرف هاي المره شعدها وياية اذا متبسمرني بالطالعة و النازل ..
مترتاح ابد ..
استغفرالله يا رب ..

رحت كملت صينية جارنه ..
رجعت شفتهم بدو ياكلون ..
يحيى تعال ودي الصينية مال جارنه ..
عمتي : ما تعوفي الولد ياكل اشبيكي انتي ؟
يحيى : ماما انا قلتوله صيحيني اوديها الهم ..
اهااا غوح ابني ..
الله يرضى عليك ..
ما اعرف شبيه عمتي ويايه من يوم ليلتي السودة بعد الزواج ..
تغيرت ١٨٠ درجه ..
كانو اني مرضت ابنها ..
اغفرلي يا رب ..

رجع يحيى و بديت اكل وياه ..
و بدت السوالف و الضحك ..
تونسنه كلش لوما بسامير عمتي المستمرة ..
و نظرات يحيى المتوسله حتى ما اجاوبها ..
تعرف شوكت تذب كلامها المؤذي ..
بحيث محد ينتبه عليها ..
دومها كدام الكل الوالدة الحنونه ..
محد كان يصدك هيه تاذيني ..
لحد ما صارت حادثة البيت و كلامها بعده ..
عرفها القريب و البعيد هيه شنو ؟
المهم راحو كلهم ..

كمنه نضفنه البيت اني و سناوي و ساعدنه كرم شوية ..
كملنه فرشوا بالهول ناموا علمود المبردة ..
اني فتت سبحت لبست برنصي و طلعت ..
رحت الغرفتنه فتحت الباب لكيت يحيى نايم ..
مشيت على اطراف اصابعي ..
فتحت كنتوري ..
لبست دشداشة كيمونه بدلعه مربعة ستن وردي قصيرة ..
لفيت راسي ..
و اجيت نمت بجهة قلبه كالعادة ..
رفع ايده اليمين ..

هييي ..
يمه فززتني شنو كاعد ؟
هههه لا جنت نايم بس من تقربتي عليه فزيت ..
و حبيت ..
اخذ ايدي قربه على حلكه و باسه ..
اشكرج على تعبج اليوم ..
انداريت بسته من جتفه ..
الله يحفظك النه حياوي الغالي ..

اندار عليه و لزم طرف خشمي بيده اليمين ..
اوي فدوة للسان الحلو ..
هههه حبيبي انت ..
خله ايده اليسار جوه راسي ..
قربني عليه ..
يلا عمري كافي نامي ارتاحي ..
حاضر ..
احبك ابو كرومي ..
احبج ام سناوي ..
هههه خوش ..

غفيت بسرعة ..
بالحلم كانوا اسمع صوت طلقات ..
فزيت فتحت عيني ..
كمت اسمع صوت عبالك مدافع ..
رفعت راسي راساً ..
اسم الله هاي شكو ؟
يحيى اكعد فدوة ؟
خير شبيج حبيبه هستونه نمنه ؟
دا تسمع الي دا اسمعه ؟
يا رب سترك هاي شكو ؟

كمت من الفراش ركض لبست روبي و رحت للهول كعدت جهالي و جبتهم ويايه ..
سنا : ماما شنو هذا الصوت ؟
ما اعرف قلبي تعالو يمنه احسن ..
يحيى : خلي اتصل ب امي ..
اي و اني خلي اخابر اهلي ..
بقينه كاعدين بالحولي مال البيت ..
اتصلنه بيهم كله تسمع صوت المدافع و الطلق ..
بس محد يعرف شنو القصة ..
و الحمدلله الكل بخير ..

بقينه هيج و احنه برجيف مو طبيعي ..
لحد ما طلع ضوه الشمس و خلص بعد ماكو صوت ..
نامو سنا و كرم يمنه على جودلية فرشنياها يحيى ..
اني كمت سويت ريوك ..
يحيى بدل ديروح الشغله ..
فدوة ابو كرم عوف الشغل اليوم ..
يمعودة ماكو شئ لا يظل بالج ..
اشو اني خايفه و قلبي ما مرتاح ابد ؟
اجه عليه قريب ..
ماكو شئ حبيبه روحي انتِ ..
هاي يجوز ديضربون على صلاح دين مو داعش خطية دخلو بيها و وضعها مخربط ..

اخاف احنه همين دخلونه ؟
لا حبي الجيش تارس الموصل شيدخلهم غير يزرفون اجسامهم ..
لا يظل بالج حبيبه ..
الله كريم ..
ديلا خلي نتريك سوة ..
كعدنه نتريك ..

اليوم شكد بالشهر ام كرومي ؟
اليوم ٦ بشهر السادس ..
هاا كلش زين يعني يجوز باجر عكبه تستلمين الراتب ..
اي حبي بأذن الله..
باسني و طلع حياوي للشغل اشو ماكو ساعة و رجع .

فالقصة عملية هروب نتمناله النجاح