بلا عنوان

الفصل التاسع عشر

#بلا_عنوان
الفصل التاسع عشر
#بقلم_اسراءالجميلي

دكيت التلفون على كرم ..
هلو ماماتي وينك ؟
ماما حبات يم بيبي ..
متونس وياها و وي محمد ..
منا لحد متروح سيري ..
ليش حبيبي شعليك بيه ..
ما اكدر اشوفه بعد اتعب ماما اتأذه ..
اسم الله عليك من التعب حبيبي ..
بسيطة ماما مبقه شئ ..
تحب اكول اله شئ ..
لا ماما كلشي ما عندي ..
الله يسعده ..
سديته و حسيت غصه بقلبي ..
الحب يخليك تتنازل كومة عن هواية امور جنت تتمناه ..
انقهرت عليهم اثنينهم ..
مرت تلث ايام حسيت تلث دقايق لان اعرف الي راح يصير ..
و على الغدة كاعدين كلنا ما عده كرم لان بقه يم بيبيته ..
اشرلي يحيى بعيونه انو احجي ..
حبيبتي سيري ..
نعم خالة ..
شايلة الخاشوكة بديه بيه لكمة تمن و بامية ..
حبيبتي انتِ حتطلعين الفجر تهريب ..
وكعت الخاشوكة من ايده ..
باوعت عليه بتعجب ..
يعني وحدي ؟
سنا : شنو سيري حتروح من عدنه ..
كامت دموعه تنزل ..
باوع يحيى عليه خزره و رجع يحجي وي سيري ..
لا بابا شلون وحدج ..
وي زوج اختي ابو سارة ..
و منو كال ما يبعيني الهم ؟
هواي سواق هيج سووو ..
لا عمو هذا زوج اختي مجروح منهم ..
همه كانوا السبب بموتت بنته ..
بعدين هو اشترى من سوق السبايا اربع بنات بفلوسه و هربهم ..
المغرب اوديج الهم ..
و لوما ثقتي بيه مدزيتج وياه بابا ..
زين وين يريد يوديني ؟
باباتي لسه ميعرف يجوز لتركيا او كردستان الله اعلم ..
كامت من الاكل ..
وين بنتي ..
شبعت خالة شكراً ..
لحكته ركض سنا ..
جان خليناهم يتغدون يلا يا ابو كرم ؟
شمدريني هيج يزعلون مو ابالي ..
بعد ساعة نزلت سنا ..
اجتي على يحيى و هو كاعد على القنفه ..
كعدت بصفه ..
بابا فدوة خلي انروح البيت عمه مريم ..
اريد ابقه وياها اكثر وقت ممكن ..
راد يرفض يحيى ..
مو ؟
قاطعته اني ..
اي حبيبتي هو بابا هيج كال ..
بس جنه منتظريج تنزلين و انكلج ..
يلا روحي حضري نفسج وياهم ..
تره حتشيل بس جنطة على الظهر ..
يعني تاخذ بس اهم شئ عدها ..
نزلو و رحنا كلنه ..
وصلنه و عيون سيري ادور بالناس تريد كرم ..
ردت اكتبله بس خفت منه ..
عرفناها عليهم و حجه وياها ابو سارة يطمنه ..
باباتي انتي بداخل الموصل باي سيطرة ..
علساس ماخذيج نوديج الامج مريضة كلش حتموت ..
و من نوصل قريب الحدود اصعدج ليورة ماخذ وياية اغراض اوصله الناس بالشمال ..
انتي اكعدج بالجنطة ليورة اغطيج و اخلي باقي الغراض ..
ادري راح تختنكين ..
بس تتحملين تقريباً نص ساعة و نخلص منهم ..
اذا اذن الرب عمو ..
جان اليوم ٣ من شهر نيسان ..
اذن الفجر كلنا جنه كاعدين و نسولف ..
صلينه ..
و صار وقت تروح من عدنه بنتنه ..
اجتي تسلم على بحيى ..
مدت ايده ..
اول مرة يتقرب عليه يحيى هيج ..
عاف ايده و لزم راسه باثنين اديه ..
و باسه من كصته ..
جنت اتمنى بغير ظروف جايتنه جان مخليتج تطلعين ابد من بيتي ..
تسلم عمو مقصرتو ابد ..
دخل ايده بجيبه و طلع ورق انطاه مشفت شكد ..
بس تفاجاءة متوقعته منه ..
اجتي عليه ..
حضنته بكل قوتي ..
حبيبتي سيرينا ..
انتِ احسن البنات الي عرفتهم بحياتي ..
بأذن الله اسمع عنج احلى الاخبار غاليتي ..
لا تنسين ارقام تلفوناتنه ..
حفظته خالة مثل اسمي ..
لزمت وجهه بيدي اليمين جان تلتفت على ايدي و باسته ..
لا ماما استغفرلله ..
خالة انتِ امي و مقصرتي ويايه ابد ..
الله يحميج ماماتي ..
نزعت سلسلتي الذهب بيه آية الكرسي ..
حتى يحميج ربي بكلماته ..
بس هاي هواية عليه خالة ..
ميغلى عليج شئ ..
بس هذا الي اكدر عليه ..
رجعت على سنا ..
حضنته و بجو كومة ..
احبج سنا و لو اموت ما انسه اختي الي ما ولدته امي ..
بأذن الرب يجي يوم التقي بيكم كلكم ..
ابو سارة : يلا عمو اتأخرنه ..
دا تطلع من الباب جان ينزل كرم من درج بيتهم ..
تفاجانه بيه ..
اني : وك هاي شجابك ..
جنت اريد اشوف سيري للمرة الاخيرة بس بدون متدري بيه حتى لا تروح زعلانه ..
اني مزعلانه منك كرم ابد ..
اني مقهورة و زعلانه على الدنيا الي خلتنه بهيج موقف ..
اتقرب كرم عليه ..
خله ايده على راسه و كأنو ابوه ..
الله كريم يفرجه ابو خيمة الزركه ..
و رفع راسه للسمه ..
نزلت راسه و مشت بحزن و ثكل..
راحت سيري و بقينه انلوب اريد نطمئن عليه ..
يوم كامل لا نومنه نوم و لا اكلنه اكل ..
بعدها دك تلفوني ..
شلته بسرعه ..
هذا رقم غريب ..
الو شلونج خالة ؟
حبيبة خالة انتِ شلونج ؟
زينه خالة صح شوية تعبت بالطريق بس الحمدلله ..
وين انتِ هسه ..
خالة اني بمخيم اللاجئين بدهوك ..
خالة متصدكين شكد فرحانه ..
الله يديمه عليج و تلتقين بأخوج ..
خالة اخوية هياته يمي ..
صدك تحجين ؟
كرم : شنو ماما شكو ؟
لحظة و اكلكم ..
كامت تبجي و تحجي بس هالمرة من الفرح ..
و الله اول ما وصلت دكو اسمي بالحاسبة سألوني عندج احد من اهلج فاقدته ..
كتلهم اخوية و طلع موجود عدهم بالمخيم ..
بس كتبوا اسمه لكوه و دزو عليه ..
حبيبتي كرة عينج ربي يسعدج ..
حجه مروان وي يحيى و ويايه و اتشكر منه ..
كلنه دمعنه على فرحته.

فالقصة الم جديد ل كرم