بلا عنوان

الفصل السادس عشر

#بلا_عنوان
الفصل السادس عشر
#بقلم_اسراءالجميلي

الحمدلله و الشكر لو لا وجود اهلي ..
و ربي مفضل عليهم جان متنه جوع ..
بقيت بالبيت و اني اتسوك ..
لان اخاف على يحيى و كرم ..
و صار اكثر من شهرين على جيت الدواعش البيتنه ..
بس ابو سارة مدا يلكه الوقت المناسب ..
بيوم كملنه الغده و سناوي غسلت المواعين ..
يحيى و كرم كل واحد بغرفته ..
كعدنه نشرب جاي ..
اجتي سنا ..
ماما شوكت تكملين قصتج ؟
و تغمزلي بعيونه ..
كافي جيل بعبع ..
اي لعد ليش متكمليه اخاف بيه شئ ميصير نعرفه ؟
اسكتي ادبسزز ..
هههه فديت امي ..
اي خالة كملينه قصتج ..
وين وصلت اني ؟
من كلتيله للولد : انت ليش هيج واثق بنفسك ؟
هههه اي صح ..
كال : هيج من الله ..
ها و حتكعدين بصفي ..
عفته و دخلت جوة ..
وفعلاً كمل العرس و اجينه دنزفهم للفندق ..
و امتلت السيارات اختي و بنات خالتي صعدو وياه ..
اني بقيت واكفه بس جيرانه و اصدقاء اخوية بقو ..
صاحتني اختي ..
يلا حبيبه حتبقين واكفه ؟
اتقربتلهم هاجر بصوت ناصي ..
يلا اصعدي اني جبيرة عيب اكعد يم الولد ..
كعدت يمه مثل مكال ..
باوعلي بنظرة انتصار ..
فورتني ..
اصطنعت الابتسامة الخاطر اخوية و فرحته ..
وصلناهم و رجعنه ..
تونسنه كلش بالزفه ..
هو راد يلحك بسيارة ابوية مشة شوية سريع ..
لاف السيارة سريع ملنه كلنه على الجهة اليسار ..
جان اطخ بيه ..
همس بأذني ..
احبج يا حلوة ..
عطت بيه ..
سوق عدل شبيك ؟
ضحك و بعدها رجعنه ..
و هاجر بس تمدح بيه و بأخلاقه كدام اهلي ..
بده دوام المعهد ..
بعد شهر من الدوام الي جنت كلش فرحانه بيه ..
نزلت من الخط الصبح ..
اباع بالجهة الثانية ..
عزززه هذا شجابه ..
ضحكت سنا و سيري و بنفس الصوت..
هههه سوالج مفاجاءة ..
و الكم يا مفاجاءة فززني ..
عبرت عليه ..
و هو كلما اتقرب عليه ابتسامته تكبر ..
الصدك ابتسامته ترست روحي فرح ..
انت شجابك اهنا ؟
يأشر بيده اليمين على قلبه ..
زين مفكرت الناس من تشوفك شتكول عليه ؟
هذا منين الي اجاني ؟
رفع ايده اليمين و لزم اصبعه الخنصر بايده اليسار ..
يحرك ايده عليه عود محبس الخطوبة ..
لا بالله ..
جايني حلمان حضرتك ؟
صفن ..
شبيك صاير اخرس دا احجي وياك ؟
اني ولهان هيمان تعبان بلياج ..
انت مو صوجك ..
صوجي واكفه وياك ..
اروح المحاضراتي احسن ..
انداريت دا اعبر للمعهد ..
اني صاحي و دا اعرف شنو احجي ..
هسة تشوفين شلون حتلبسين حلقتي ..
رفعتله ايدي اليسار ..
يعني ممهتمتله ..
يلا خلي اروح ..
لا ماما حبابه كملي ..
اسكتي عندج دوام ..
نزلت جوة ..
رحت بغرفتنه ..
دخلت عليه لكيته نايم ..
تمددت على اليمين اباوع على وجه يحيى ..
اتلمست وجه عيونه خدوده ..
اشقد احبك انا ..
حرك راسه ..
وخرت ايدي يروح يفز ..
بقيت اباوع عليه لحد ما غفيت ..
ثاني يوم راحوا سناوي و كرم للدوام ..
يحيى راح يشوف امه ..
سيري حبيبتي اني حنظف الحديقة ..
الي يعجبج سوي ..
حاضر خالة ..
طلعت انظف بيه ..
ما انتبهت على الوقت ..
دخل كرم ..
هلو ماما ..
هلو حبيبي ..
دخل مباشرة للبيت ..
عبالك اجه من وكت معقولة الساعة الوحدة صارت و محاسه بيه ..
كمت اشوف الساعة بيش بالمطبخ ..
مديت راسي من الباب شفته بالدعش ..
سمعت كرم يحجي ..
نزعت الحذاء مال الحديقة ..
و مشيت على اطراف اصابيعي ..
اني مو طبعي اتصنط ..
بس هذا ابني روحي من الدنيا من حقي اعرف امور حياته المهمه ..
هو مو صغير ..
بس يبقون صغار بنظري ..
سيري اني كلش معجب بيج ..
كرم لا وضعي و لا وضعك و لا وضع بلدنه ملائم للي تكوله ..
بقيت بس اسمعهم ..
قلبي يدك كلش سريع ..
ما اتقربت اكثر ..
سيري الوضع معلينه بيه ..
انتِ بس كولي اي ..
و معليج بالباقي ..
كرم اني ابد ما ممفكرة بهذا الموضوع ..
شلون تريدني احب و انحب بعد الي صار بيه ..
وضح بصوتهه البجي ..
كرم اني مكسوره ..
انسيجياه كله ..
زين و الدين ..
الي اعرفه الاسلام ميسمح بزواجكم الا بمسلمة او كتابيه ..
اني اعلمج الاسلام الصح و اخليج تقتنعين بيه ..
و تعتقد بعد الي سوو ويايه داعش ممكن اسلم ؟
اي متاكد مو معتقد و الدليل عيشتج ويانه ..
و حبج النه و حبنه الج ..
بجيت من كال ابني هيج ..
سيري انتي صرتي شئ جبير بحياتي ..
لا .. انتي صرتي كل حياتي ..
صوت كرم نصه ..
فدوة انطيني فرصه و الله ما تندمين لحظة ..
كامت تنحب ..
كرم الله يخليك سد الموضوع ..
اني ملجومه ما اكدر ..
سمعت صوت خطواته ..
رحت ركض يم السنك عود هستوني دخلت دا انزع الجفوف ..
خالة خالة ..
انداريت عليه ..
حجت بصوت شبه الهمس ..
كرم ورايه ؟
صفنت عليه ..
عادته ..
كرم ورايه ؟
اشرت براسي اي ..
خالة خلي عمو يشوفلي اي احد يهربني ..
ليش سيري ؟
بعد ما اريد ابقه يمكم ..
شنو شصار حبيبتي ؟
اتقربت لزمت اديه ..
خالة كرم معجب بيه ..
اني فتحت عيني ..
اني مو بس صدري محروك ..
تره داخلي معطب ..
بجت بحركه ..
خالة امي حركتني حتى مياذوني الدواعش ..
بس وياها حركت كل احساس عندي تجاه الجنس الاخر ..
خالة يعني مثلي يكدر يحب ؟

فالقصة لحظات ترقب