بلا عنوان

الفصل الثالث و العشرين

#بلا_عنوان
الفصل الثالث و العشرين
#بقلم_اسراءالجميلي

خير عمه شكو ؟
متكدرين تلزمين نفسج و تعوفي بحاله ..
علت صوته ..
و الله و النبه النبي نبي اذا ابني صار بيه شئ ..
روحج متكفيني ..
اني حجيت بقوة ..
هسه غير تفهميني شكو ؟
شلون صرتي حامل عيني من الحايط ..
مشيت بسرعة وكفت اباب المطبخ الداخلي و اباوع على يحيى ..
منو كلج اني حامل ؟
هسه ابني كلي ..
يحيى فتح عينه متفاجاء ..
هااا عيني تريدي يضم عليه ..
و الله ما ادري اذا اني حامل ؟
هو من نكيفه حجه ..
اكو وحدة متدري بنفسه ؟
شنو نغه انتي ؟
هيهي بعد شعندج افلام ..
عمه تره هذا الكلام ميصير ..
عود اذا رحت و حللت و طلع حمل ..
اوعدج اكلج حتى قبل ابنج ..
و اسمحيلي هسه اريد اسويلهم عشه ..
اي عيني روحي و لا تنسيني كلامي ابد ..
ليش هيج تسوي يحيى ها ؟
سالتني عليكم شلونكم ؟
و الله كتله يمكن حامل ..
يعني مو اكيد ..
ها هيه خلص يحيى ..
اني متعلمه كلشي يعرفون عني ..
كرم : يلا ماما حبيبتي هدي نفسج مصار شئ ..
اجه وكف يمي خله ايده على جتفي ..
ابتسم : صيت الغنه و لا صيت الفكر ..
هههه الله كريم حبيبي ..
اي عبسي بوجهي و ضحكي بوجه ابنج ..
اي مو كرم من رجلي الاول ..
هههه صايرون تضحكون و الله ..
تتناكرون مثل الشياب ..
جان يخلي ايده على بطني ..
و انتوا بعدكم شباب ..
ضربته خفيف على ايدك ..
ها و اللك مثل ابوك تحجي ..
باسني من راسي ..
يحيى : هههه من شابهّ اباه ما ظلم ..
متحدث ابن يحيى ..
عفتهم و رحت ..
ثاني يوم رحت للدوام حجيت ال اسيل على الي صار ..
كالتلي لحظة هسه اجيج ..
راحت و رجعتلي بسرعة ..
يلا تكبعي و كومي ..
وج شكو وين ؟
كاعدين و ناكل بروحنه ليش ؟
خلي انروح انحلل ..
و الدوام شلون ؟
وج هو وين اكو دوام ..
الطالبات كله تخاف اداوم من وره القصف ..
ها اي صح ..
بعدين اخذت اجازة الدرسين الاخيرة ..
ههه وج شتحجين ؟
دمشي بداعتي ..
رحت وياها للمركز الصحي ..
سحبوا الدم ..
اوي ما اكدر اباوع من يسحبون مني دم ..
بقينه ننتظر النتيجة ..
قلبي يدك عبالك اول طفل ..
صار ١٥ سنة محاسه هذا الاحساس ..
الحياة متنحسب بعدد الانفاس الي ناخذه ..
لا ..
تنحسب بعدد اللحظات الي اخذت انفاسنه ..
و هاي جانت احد اللحظات ..
صاحوا اسمي رجلي مشالتني اروح ..
باوعتلي اسيل و ضحكت ..
كامت اخذته ابدالي ..
شفت وجه المحلل يضحك ..
رجعت اسيل معبسه ..
ها شكو ..
ماكو شئ حبيبتي مثل مكلتي الظاهر عجزتي ..
ضحكت بوجهي ..
بس بداخلي حزنت ..
مو لان كبرت ..
بس لان تمنيت طفل يعاودنه الفرحة الي فقدناها من زمان ..
مشينه شوية ..
جان توكف اسيل ..
اريد اشتري قميص البنتي من هذا المحل ..
وكفتله بالباب ..
طلعت انطتني جيس ..
هاي هدية البيتكم ..
ليش كلفتي نفسج حبيبتي ؟
تدللين عليه ..
اخذته معجبني افتحه ..
ما عندي واهس ..
اشو مفتحتيه ؟
ها اي و الله اسفه صفنت ..
فتحت الجيس ..
اشوف اوفر ابيض ردن ..
و بصدره اليمين فيونكه نيلي ..
باوعت عليه بتعجب ..
وج هذا شنو ؟
حضنتني : حبيبتي انتِ حامل ..
الف مبروك يا روحي ..
بقيت منزله اديه وحدة لازمه بيه الجيس و اللخ الاوفر ..
وخرت باوعتلي هاي شبيج ..
ضربته على جتفه بالعلاكة ..
هههه هاي شبيج ..
نصبتي عليه حقيرة ..
هههه غير احبج و اريد افاجئج ..
رجعت للبيت طايره ..
لكيتهم كل واحد بمكان ..
سكتت مطلعت صوت ..
دكيت على عمتي مثل ما وعدته ..
و كتله و ضليت اكله صدفه و مدري شنو ..
اخر شئ كالتلي : يلا همزين حبلتي عبالي عجزتي ..
ضحكت و مدرتله بال ..
صحتهم و كتلهم كله فرحت ..
حسيته فرحه لكل الموصل ..
مشت الايام و كمنه مندوام بعد من شدة القصف ..
صارت حياتنا عباره عن خوف و ترقب للمجهول ..
تحررت اول منطقتين بالموصل ..
استبشرنه خير بالجاي ..
يحيى : وج حبيبة قلبي هذا النونو خير مو بس علينه على كل الموصل ..
ابتسمت : ربي يديمه فرحه علينه ..
رغم الدم الي ديروح ..
بدء كرم بتوجه جديد ..
حجالي كلشي ..
بدو يتواصلون وي القوات الامنية و ينطوهم مواقع داعش ..
و يدخلوهم للمناطق و يخبوهم بالبيوت مالتهم ..
فرحي بكرم مينوصف ..
فد يوم بمنطقتنه منعوا الرجال تطلع ..
لان اشتد الوضع ..
كرم اجتله خبريه داعش مسوين كمين للجيش و لازم يوصله ..
اني اروح ..
وين ماما اني اخاف عليج ؟
لعد اني ما اخاف عليك ؟
كرم اذا حجايه زايده حجيت اكول الابوك ..
زين انروح اني وياج و البس عباتج و خمارج ..
غمزلي بعينه : كالعادة ..
ابتسمت : زين ..
كمت الزم بطني و اعيط ..
اجه يحيى : خيرج حبيبه ..
عندي تقلصات قوية ..
و الحل شلون ؟
لازم اروح للقابله ..
راح اموت من الالم ..
خطية تخبل عليه ..
دكومي نروح يلا ..
وين تروح اخاف عليك ؟
لعد شلون ؟
حاخذ كرم ويايه ..
لعد تخافين عليه و متخافين على كرم ..
اخذه و البسه مثلي..
كل عقلج ؟
اي لازم تبقه وي سنا..
قنعته و طلعنه بعد اذان العشه ..
نمشي بصف الحايط ..
الدنيا ظلمه و ضوه خفيف ..
حتى ظلنا مختفي ..
خايف لا احد يشوفه و يكلهم عليه ..
 
فالقصة موت باشكال متعددة