The Adventures of KantoRJ and SosyMeng

SRJ x KM - Kanto Nanay

Author's note: Bago ang lahat, ako na lang ang luma. Charot. Ulit. Bago ang lahat, hihingi na agad ako ng patawad sa pagka-waley nitong Kanto Meng fic na to. Si maichardism talaga ang magaling magsulat ng kanto girl Menggay. As in.

That being said, (taena dami kong hinga) gusto ko lang malaman niyo na kahit anong baligtad ng mundo ng barangay kanto, maharot pa rin ang mag-jowang ito. Bow.

Para sa mga makukulit na tao sa Twitter. Buset.

*•*•*

"NAYNAY!! AY EN HOME!!"

"Maryosep kang bata ka. Makasigaw. Hina ng konti ang boses, 'nak. Kakatulog lang ng kambal."

"Okay po, Naynay!"

"Nagkiss ka na ba sa Tatay mo?"

"Hindi pa po. Wer is Taytay po, Naynay?"

"Asa likod bahay. Kinakalikot yung motor niya. Lakad puntahan mo tapos yayain mong pumasok muna para makapag-meryenda kayo. Gumawa akong palitaw at samalamig."

"Yey! Mahiwa mo yung dulaman ng maliit liit Naynay?"

"Oo. Kapiranggot na lang yung gulaman. Kelangan ng magnifying glass para makita."

"Ano po? Nagiging goat yung dulaman!?"

"Anak ng nilimlimang nunal... nadamay pa yung kambing... kapiranggot hindi goat... ibig sabi— o ayan na pala Tatay mo."

"Hi, lovely wife. Hi, Bibi Rose. Did you kiss your Nanay already? How was school? Did you have fun learning new things today?"

"Yes po Taytay! Ay kiss da Naynay en I maaaral nam andisyon en suntraksyon! Tapos po, mauusapan po namin ni Naynay yun po na goat na malalagay niya sa dulaman."

"Meng? Goat? What? Uy, you made palitaw? I'll bring it over to the dining table, okay?"

"Sige, Mahal. Eto kutsara't tinidor. Wag mong lamusukin yang palitaw, Dayunyor! Juskopo!"

"Taytay! Don't make usok usok da palitaw sed Naynay!"

"Sorry, love. Sorry, Bibi. Where's your kuya?"

"Kuya is in da labas malalaro wid da asos endakat."

"RJ, dumadalas um-englishing tong babae natin."

"Isn't that a good thing, love?"

"Senyo pa lang ni Uno dinudugo na tong ilong ko eh. Naghanap ka pa ng dagdag kakampi."

"Meng... I heard you speak to your college friends. I know how good your command of the English language really is."

"Salamat sa Gugel transleyt lang yun."

"Love..."

"Ona ona! Magaling na kung magaling! Tapos ka na ba mangalikot ng motor mo?"

"Just about. Why? Do you miss me already? Does my wife need some husbandly lambing?"

"Ang harot ah. Andyan mga anak mo. Umayos ka nga Dayunyor."

"Sige. Later na lang when the kids go to sleep."

"Yes Naynay, later wen we is to sleep you en Taytay can malalaro da parrot. Okay?"

"Orayt!"

"Yes! Tatay is getting lucky later! Gimme five, Bibi!"

"Wala ako na pera Taytay. Naynay, gib me payb por Taytay."

"Wha? No! I meant—-"

"Bibi, apir daw kayo ng Tatay mo."

"Ay en eating palitaw. Eat pers, apir leyter."

"....."