Last Rose

Chapter twenty one

Napaalis agad ako sa pagkakayakap saakin ni Dace. Hindi ako nag salita o kahit pa tumingin sakanya. Basta nag lakad nalang ako ng tuluyan.

Sa haba ng pag lalakad ko at pati narin hindi ko din alam ang itinatakbo ng isip ko. Until I found myself standing in front of Valie's Condo unit. Nakailang ring ako ng bell at binuksan niya 'yon ng inaantok pa habang kumakamot sa ulo niya. Alam kong late nadin pero at times like this, siya lang talaga ang lagi kong tinatakbuhan. She's like a sister to me.

"Late na ah?" Iyon agad ang sabi niya saakin. Lumapit ako at niyakap siya.

"I met Kijan today." Sabi ko. Naramdaman ko naman ang pag tap nito sa likod ko habang magkayakap kami.

"Darating at darating talaga na magkikita kayong dalawa sa hindi inaasahang pag kakataon." Malumanay niyang sabi habang patuloy lang ito sa pag tap sa likod ko.

Nag usap kami ni Val sa mga ngyari saakin at pagkatapos nun, mag katabi kaming natulog dalawa pero ako, mag isang hindi makatulog at nakatingin lang sa kawalan. Inaalala ko din ang sinabi ni Val, that she's more interested with Dace rather than Kijan. Kahit anong pag iisip ko at pag iintindi sa mga ngyari kanina, hindi ko ma-gets yung logic. Alam kong hindi lang coincidence ang mga ngyari. I know that Dace has something to do with this.

Tanghali na ng magising ako. Sumasakit ng kaunti ang ulo ko. Bumangon akong wala na si Val sa tabi ko at nang magpunta ako sa Ref para kumuha ng tubig, nakita ko ang nakadikit na sticky note with a hand writing of Valie.

Teh, humihilik ka pa ng umalis ako hindi halatang malungkot ka niyan ah. Anyway, may pagkain na sa lamesa and make sure kumain ka ha! Just text me pag paalis kana :)

Gaya ng nakalagay sa note, nag iwan nga siya ng makakain ko kaso malamig na dahil nga sa anong oras na ako nagising. Nag hilamos muna ako bago ako kumain ng hinain niyang sausage at fried rice.

Mag two-two weeks nadin ng matanggap si Val sa trabaho kaya minsan ko nalang din siya makasama. Halos lahat kami busy na. Birthday pa ni Jaydy nung huli kaming magkita mag ba barkada. Namimiss ko tuloy sila. Hindi na kasi tulad ng dati na kapag nag aya ka ng tambay lalo na kapag sa Studio ni Yiko, go kaming lahat. Sobrang solid dati.

Baka maiyak pa ako dito. Tinuloy ko nalang ang pag kain ko kahit napaka tigas na ng kanin na 'to.

Nakiligo na din ako at ginamit ang mga naiwan kong damit dito sa Condo niya. May sarili na nga akong cabinet dahil marami rami din ang mga damit kong nandito. More than bestfriend talaga ang turingan namin sa isa't isa. Para na kaming mag kapatid dalawa talaga.

Paalis na sana ako at balak ko ng itext si Val ng makita kong nawawala ang phone ko. Hinagilap ko sa bag ko pati sa suot ko pero talagang wala. Kung minamalas ka nga naman oh! Saan ko hahanapin iyon ngayon? Napaupo ako sa kama habang pilit kong pinagapagana ang utak ko. Shet, Mikee.

Hindi din naman ako sure na nadala ko iyon dito kasi nag usap lang kami ni Val at natulog na pagtapos. Hindi kaya nandun sa bar kung saan kami uminom ni Dace o di kaya nasa kotse niya? Ugh, ano ba naman 'to! Napahilamos nalang ako sa mukha ko dahil baka nga na kay Dace talaga ang cellphone ko.

Nag iwan nalang ng note kay Val bago ako umuwi ng bahay. As usual, na momroblema ako kung saan lupalop ko hahanapin yung cellphone ko. Hindi naman ako pwedeng pumunta kay Dace para kuhanin ang cellphone ko dahil hindi rin naman ako nakakasigurado kung nasa kanya ba talaga. Napa buntong hininga nalang ako habang nakatingin sa bintana ng sasakyan pero bigla akong nabuhayan ng loob ng makita ko si Dace na siyang papasok sa loob ng Coffee shop.