My Crush Is A Fujoushi

I Should Be An ~~~ !!Part (1)

Background Music - Strawberry and Cigrettes by Troye Sivan

************************************************************************************************

Unicode

************

Knock Knock Knock Knock

တံခါးကို လေးချက်ဆင့်ခေါက်သံ။

ဝင်ခဲ့ပါဟု အသံမပြုလိုက်ရသေးခင်မှာပင် ဝုန်းခနဲ တံခါးဖွင့်ဝင်လာသော လွန်းရတု။

laptop ဖြင့် အလုပ်ရှုပ်နေသော နေဦးထွဋ် လှမ်းကြည့်ကာ ပြုံးပြရင်း ဘေးနားက ဆိုဖာနေရာလွတ်တွင် လာထိုင်ဖို့ ခေါ်လိုက်သည်။ ထိုအခါ နှာခေါင်းလေး တစ်ချက်ရှံုံ့ကာ အနားကို လျှောက်လာပြီး ကျောပိုးအိတ်လေးကို ကြမ်းပစ်ပေါ်ကို ပစ်ချကာ နေဦးထွဋ် ဘေးတွင် ဝင်ထိုင်သည်။ ဝင်ထိုင်လိုက်သည်မှ နေဦးထွဋ်ကို သူ့ခန္ဓာကိုယ်လုံးလုံးလေးတစ်ခုလုံး ပစ်မှီကာ ထိုင်ပစ်လိုက်ခြင်း ဖြစ်သည်။ ထို့ကြောင့် လက်ကထဲက စာရွက်စာတမ်းတွေကို အကုန်စားပွဲပေါ်ကို ချပြီး အလိုက်တသိ ကိုယ်အိအိလေးကို ဖက်ထားကာ ရင်ခွင်ထဲ ထည့်လိုက်ရသည်။

နေပူထဲကနေ လာရသောကြောင့်လား မသိ ပါးလေးနှစ်ဖက် ရဲရဲနီနေသည်။

ဒီနေ့က လွန်းရတုတို့ တက္ကသိုလ်က First Semester ဖြေတာ နောက်ဆုံးနေ့။ စာမေးပွဲဖြေပြီးပြီးချင်း နေဦးထွဋ် ဆီကို ချက်ချင်းပြေးလာရှာတာဖြစ်သည်။ နေပူနေသဖြင့် နောက်နေ့မှ တွေ့ဖို့ ပြောပါသော်ငြား '' ကျွန်တော် ဦးထွဋ်ကို လွမ်းလို့ '' တဲ့လေ။

ဒီကလူက အရည်ပျော်ကျရပြီပေါ့။

နေဦးထွဋ် အလုပ်ရှိသဖြင့် လာမကြိုနိုင်တာကို အလိုက်တသိနဲ့ လာပေးရှာတာမို့ အချစ်ပိုရသည်။ တတိယနှစ် ကျောင်းသားကြီး ဖြစ်နေပြီဖြစ်သည့်အပြင် Baker တစ်ယောက်လည်း ဖြစ်နေပြီဖြစ်တဲ့ လွန်းက လူအများရှေ့တွင် လူကြီးလေးလို နေတတ်သော်ငြား နေဦးထွဋ်နှင့် ဆိုလျှင် ကလေးလေးတစ်ယောက်လို ချွဲတတ်နေတုန်း။

လွန်းရတု လာမယ်ဆိုတာ သိနေသဖြင့် အဆင်သင့် ဝယ်ထားပေးသော Tea Land Lemonade ဘူးလေးကို လက်ထဲထည့်ပေးလိုက်သည်။