SANADIN SOCIAL MEDIA

Page 28

⚜ *BRILLIANT WRITERS ASSO* 🖊

💝 *SANADIN SOCIAL MEDIA* 💝

             *Written by*
*JAMILA MUSA* _{ meelat }_

*Follow me on wattpad @ meelatmusa*

*Sadaukarwa gareki* 👇🏻
*RABI"ATU AMINU MAMMAN DEE*

04/08/2818

28.

Saida ta gama caskaɗewar ta sannan kuma ta koma palo dan yau jinta takeyi kamar wata sabuwa,

       Yinin ranar haka Rabi"atu ta yini cikin farin ciki, dan yau ji tayi ma dare yayi mata nisa bata palo bata ɗakinta bata ɗakin momy sai zagaye gidan takeyi tana jin kyakkyawan nishaɗi!

     Ana kiran sallah magrib saida ta dafe cikinta ɗif da abinci sannan ta wuce ɗakinta, ruwa ta watso tare da ɗoro alwallah tana fitowa ta zura doguwar riga ta atamfa,

    Hijabi ta zura tare da shinfiɗa abin sallah ta fara sallah! Saida tayi sallah isha"i shafa"i da wutiri ta tashi wurin,

      Cire hijabinta tayi ta ninke ta ɗauke abin sallah cike da zumuɗi ta haye saman gado ta buɗe dater ta,

Jishad itace ta fara tura masa saƙon gaisuwa, bayan ya gani shiru yayi, Rabi"atu shiru shiru har wani lokaci jishad bai ansa ba, dan haka ta sake tura masa nan ma shiru,

     Shima babu amsa kuma yaga saƙon, kasa haƙuri tayi ta fara ƙiran wayarsa, userbusy tun 08:38pm take kiran jishad har 09:58pm busy wannan abu ya hayaƙa Rabi"atu sosai bata sanma da waye yakeyin wayar ba!

    Haka tayi ta kiran jishad harta gaji tayi zuciya, ya za"ayi yace mata zasuyi chat amma kuma ya kama wata wayar rainin hankali, ji tayi gaba ɗaya gidan yayi mata ƙunci dan haka ta fara tunanin zuwa club amma kuma sai wata zuciyar tace da kije ai gara kiyi bacci tunda idan ya gama abinda yakeyi zai tashe ki,

    ""Da wannan tunanin tayi bacci, amma koda safe data tashi babu miss call in jishad a wayarta, ta koma online shima babu reply na saƙon data tura masa,

     Bata sake masa magana ba ta saka masa idanuwa dan taga iya gudun ruwansa, haka aka sharari kusan sati ukku babu jishad babu labarinsa gashi tana ganinsa online amma baya mata magana, wani maƙoƙo taji yazo ya tare mata maƙoshi har ta rasa ta ina yawun bakinta zai wuce, haƙura tayi ta rubuta,

                                    _Mtswwwwww_

❤ _Kai amma na gode 💋_

                               _Mtswwww_

_Na gode sosai babbar ƙawata_

       Tunani Rabi"atu ta fara to kodai jishad baisan tsoki ba? Wata zuciyar tace mata ya sani faɗa masa tsoki kike masa, gaskiya bai sani ba, tunda har wani cewa yakeyi ya gode,

Kiyi ta rubuta masa shi da kansa sai ya gane abinda kike nufi, A, a ba haka za"ayi ba daina saka tsoki, haka dai tayi ta tunani tare dayin gardama da zuciyarta daga baya kuma taci gaba da typing...

                             _Kai miyasa kwana biyu ka manta dani ne?_

_Kinji babu daɗi ne?_

                            _A, a, ni banji wani babu daɗi ba kawai tambaya nayi,_

_Hahaha, to ko kina so na ne?_

                             _Tirrr Allah ya sawaƙe inso ka_

_Murmushi, to wa kike so?_