SANADIN SOCIAL MEDIA

Page 22

⚜ *BRILLIANT WRITERS ASSO* 🖊

💝 *SANADIN SOCIAL MEDIA* 💝

             *Written by*
*JAMILA MUSA* _{ meelat }_

*Follow me on wattpad @ meelatmusa*

*YAYANA NE*

*BY : ANFA*

*_Uhum lallai zamu ga wasar kura gardawa sun ƙoshi da gumba, Allah yasa ki kammala lafiya my fa'iz, amma gaskiya basma sai yaya bilal ya koya mata wayau, dan na lura wayau yayi mata ƙaranci, ina biye dake dani da RABI"ATU AMINU MAMMAN DEE_*

*sadaukarwa gareki* 👇🏻
*RABI"ATU AMINU MAMMAN DEE*

29/07/2018

22.

A hankali ta koma ta kwantar da jikinta saman gado, murmushi tayi tare da sauke ajiyar zuciya!

         Lumshe idanuwanta tayi a hankali dan bacci takeji sosai,

    Babu wani daɗewa bacci mai nauhi ya ɗauketa, cikin natsuwa da alamun kwanciyar hankali a tattare da ita dan tun daga yanayin baccin nata zaka gane babu wani abunda yake damunta a rayuwa,

Bacci yayi mata nisa sosai taji ihun wayarta, ba tare data buɗe idonta ba ta miƙa hannunta ta lalubo wayarta ta shafa idan zata ɗauka sannan ta karata a kunnenta,

       Hello, ta faɗa cikin muryar bacci, baby barka da sararawa! Ya faɗa cikin daƙilalliyar murya mai kashe garkuwar jikin mai saurare,

       Waye? Kamaladdeen ne, murmushi Rabi"atu tayi tare da gyara kwanciyarta ta ja bargo ta lulluɓe jikinta sosai sannan tace ka ɓoye abunka kawai,

   Wayarka ma idan an kira ba'a samu nace ko lafiya dai ko? Uhum yace irin mai fitar da sautin nan wanda yake daɗewa yana yawo a cikin jiki kamar yanda jinin jiki yake guda a cikin jijiyo!

      Harma kina da bakin magana? Abinda ke tsoronma mutane kikeyi, umm umm ba haka bane ko a club inma bana ganin ka ai, kene baki so gani na ba, inasan ganinka mana, tou ki faɗawa Aysha ta kawoki inda nake,

     Tou babu damuwa sai kajini na gode sosai, yayi ki sarara ruhina, murmushi tayi tare da tsinke wayar ba tare da ta sake cewa komai ba,

Ɗan gajeran tsoki tayi tare da fita daga cikin bargon ta nufi toilet cikin ɓacin rai dan bata so ta farka a daidai wannan lokaci ba tanajin daɗin baccinta kawai ya wani tasheta ba tare da wani dalili ba mtswwww,

       Wanko fuskarta tayi sannan ta fito, jikin sockert ta matsa ta kunna lokaci guda kiɗa ya fara tashi a cikin ɗakin, gyara labulayen ɗakinta tayi sannan ta tafi a hankali ta haye saman gado ta kwanta,

     Da daddare kuwa saida ta dawo daga club wurin ƙarfe 1:59am ta shigo gida, tana shigowa wayar jishad na shigowa,

   Ɗauka tayi bayan sun gaisa yace mata ta hawo online, cikin sakata tace yanzun nan fa na dawo gida ko ɗaki ban shiga ba, gaskiya na gaji bacci zanyi, kaima wai duk yinin ranar nan da nake da lokaci ba zakayi magana ba sai tsakar daren nan haka, tou ni gaskiya baccina zanyi,

Ajiyar zuciya jishad yayi sannan yace tou haka kike so ko? Eyyy ta faɗa cike da tsiwa tou babu damuwa kije kiyi bacci muje na rakaki ɗakin, tou ai sai mu tafi, ci gaba tayi da tafiya tana tafiya yana mata sannu, harta isa ɗaki,

            Tou saida safe ta faɗa, shi kuma yace tou kiyi bacci cikin jin daɗi da kwanciyar hankali, muah 💋 yayi mata wanda taji sautin har cikin zuciyarta,

      Washe gari da sanyin safe Aysha tayi mata waya zata je Abuja wurin ƙawarta nan da take bata labari wanda suka haɗu *SANADIN SOCIAL MEDIA* da ita, cikin faɗa Rabi'atu tace waike bazaki rabu da wannan yarinyar ba? Ta ɓata miki rayuwa ta gurɓata ki kuma baza ki rabu da ita ba har yanzun?