SANADIN SOCIAL MEDIA

Page 25

⚜ *BRILLIANT WRITERS ASSO* 🖊

💝 *SANADIN SOCIAL MEDIA* 💝

             *Written by*
*JAMILA MUSA* _{ meelat }_

*Follow me on wattpad @ meelatmusa*

*Sadaukarwa gareki* 👇🏻
*RABI"ATU AMINU MAMMAN DEE*

01/08/2018

25.

Murmushi jishad yayi a lokacin da yaga saƙon Rabi"atu, kallon hotunan ya ƙarayi sosai sannan ya rubuta ya tura mata kamar haka!

_Ina alfahari dake sosai kuma ina miki fatan alkairi, ki dawwama a cikin farin ciki har ƙarshen numfashinki_

_Albarka ta biki darajar martaba abota da kare haƙƙin abota dan gudun lalacewar zuminci, ngd sosai Allah ya dawo min dake lafiya ayi rawa mai yawa a club_

   Bayan tayi parking ta fita ta tasar ma ƙofar da zata sadata da cikin club ɗin haiƙan tana ƙoƙarin shiga taji an take mata hijabi ta baya,

Taja taja dan tafiya amma taji riƙe take gam, dan haka a zuciye ta juya dan ganin waye wannan wanda ya raina mata hankali haka?

      Wani lafiyayyen ƙato ne ta gani, ga Aysha da ƙawayenta "yan duniya a gefe suna kallon Rabi"a suna dariya irin dariyar rainin hankalin nan maidai cin rai,

      Aysha ce ta fara tahowa wurin Rabi"atu bayan ta gama dariyarta, wannan abu yayi wa Rabi"atu baƙin ciki dan haka Aysha tana matsowa kusa da ita Rabi"atu babu wani ɓata lokaci ta ɗaga hannunta tare da sheƙaƙawa Aysha mari harsai da Aysha ta faɗi ƙasa,

      Duk wata ƙawar data biyo Aysha tayo kan Rabi"atu, cike da masifa Rabi"atu tace kai ku dakata, duk wanda tsotsayi yasa ta shigo cikin faɗan nan haƙiƙa tana yankawa kanta tikitin zuwa lahira ne, dan kunsan masu iya magana nacewa duk faɗan da babu ruwanka daɗin kallo gareshi,

      Idan kuma kaga faɗan da yafi ƙarfinka to maza ka mayar dashi wasa dukanku a cikinku kowa da Aysha ya sanni dan haka wallahi duk yarinyar da tayi gigin taɓani dukanku babu wanda ban sani ba nasan gidajen iyayenku wallahi saina sa an ɗauremin yarinya an ɗaure uwarta,

Wanda ya take mata hijabi ta juya ta kalla sannan tace kai kuma ya akayi ne? Saida ya sake shaƙa abun mayensa sannan yayi magana cikin maye yace kamal yace ki cire hijabinki karki kuskura ki shiga club da wannan hijabin tunda ba gidan wa'azi bane nan ina fatan kin gane karatun,

     A daidai lokacin da Aysha ta taso tayo wurin Rabi"atu tace ni kika mara ko? Ɗan gajeran tsoki Rabi"atu tayi dan ita a ganinta ma ta tsaya bawa Aysha amsa gani takeyi ɓata lokaci ne!

      Dan haka ta mayar da dubanta wurin wanda yake mata magana sannan ta kalli hijabin jikinta, tana ƙoƙarin cire hijabin taji gabanta yayi mummunan faɗuwa,

      _Ki zama mai riƙe alƙawari ki daina ganin bama zaune a ƙasa ɗaya dake, shi alƙawari girma gareshi idan har kika ɗaukeshi tsakaninki da mutum zaman lafiyarki ki riƙeshi idan kuwa ba haka ba sakayya tana biyowa baya!_

Yanzun idan ban cire hijabi ba bazan shiga ba? Sosai ma kuwa faɗamin tunda kike a duniya kin taɓajin labari wata taje club da hijabi?

     Gaskiya bazan cire ba domin ita hijabi mutunci ce sutura ce ga duk mutum mai kishin kansa, haƙiƙa saina shiga cikin club ɗin nan saina ga ubanda ya isa ya hanani idan gidan baban mutumne,

      Wata irin dariya yayi sosai tare da cinnawa tabar hannunsa wuta har yanzun cikin maye yake magana, saida ya ƙara "yar gajeriyar dariya sannan yace yo Rabi"atu wane mutunci gareki kuma kishin kanki ai kinbar gini tun ranar zane, a club ɗin nan kinzo daga ke sai gajeran wando rigar da kika saka ko cibiyarki bata rufe ba, mu munfa san komai munsan tal munsan sal tou me kuma za'a ɓoyewa masai dan babu abunda bai gani ba!