SANADIN SOCIAL MEDIA

Page 2

⚜ *BRILLIANT WRITERS ASSO* 🖊

💝 *SANADIN SOCIAL MEDIA* 💝

             *Written by*
*JAMILA MUSA* _{ meelat }_

*Follow me on wattpad @ meelatmusa*

*Sadaukarwa gareki* 👇🏻
*RABI"ATU AMINU MAMMAN DEE*

26/06/2018

2.

Jiki babu ƙwari taja moter ta ta kama hanyar gidansu...................

Tuƙi takeyi cikin natsuwa amma bayan daƙiƙun lokutta kuma takanyi murmushi wanda ita kaɗai tasan dalilinta nayin haka!

              Kallon kanta tayi sosai a madubin mota ta lumshe idanuwanta a hankali zuwa wani lokaci kuma ta buɗe su gaba ɗaya sharrrrrr!

               Fuuuuu ta ƙara fizgar motarta sosai ta kama hanyar gidansu babu ɓata lokaci, bata wani ɗauki lokaci mai tsayi ba ta isa ƙofar gidansu!

       Biyyyy ta ɗanne horn, malam sani yazo da gudunsa ya buɗe mata ƙofa ta sulala da hancin motarta cikin gidansu, wurin da aka tana da dan ajiye motoci itama taje ta jera ta ta........,

Bayan tayi farkin bata fito ba tana zaune a cikin moter, tana ƙididdege yawan motocin da suke a wurin taga kamar sun ƙara yawa,

    Ɗan yatsina fuskarta tayi sannan ta buɗe motarta ta ziro ƙafarta ɗaya amma bata fito ba!

      Daga ina kike? Haka taji an faɗa, ɗan taɓe baki tayi ba tare da tace komai ba, kuma bata kalli mai maganar ba, bakiji ina magana ko saina farfarasa miki baki? Ya sake maimatawa,

       Ɗan suke bakinta tayi tare da ƙara sautin kiɗanta tana rawa da jikinta alamar waƙar da takeji tana shiga cikin jikinta sosai!

Tsoki yayi tare da fizgota daga cikin moter da ƙarfi har tana neman faɗuwa ƙasa, murmushi tayi data samu riƙe kanta bata kai ƙasa ba, har yanxun batayi magana ba sai ƙoƙarin komawa moter da tayi zamanta taci gaba da rawarta da kanta!

      Ci gaba yayi da faɗa amma saita basar kamar bata san yanayi ba, wani irin halbi yakai da ƙafarsa murmushi rabi"a tayi tare da janye ƙafarta da sauri bai sameta ba, ɗan ƙaramin yaƙe tayi wanda ba duka haƙoranta suka bayyana ba sannan ta ɗaga duka girarenta taci gaba da rawa da kanta tana mai cije leɓonta na ƙasa ,

           Ke ni kika ɗauka sakarai ko? Ina miki magana kin mayar dani wani shashasha ko? Hannunta tasa ta ɗauko wani choculet ta buɗe shi ta saka a bakinta sannan ta kashe waƙar dake tashi a cikin moter tace swry yaya me kake cewa? Ɗan taɓe bakinta tayi tana mai ci gaba da cewa ai kaine naga kazo da hauka shi yasa na barka, amma tunda ka nemi sulhu faɗa min cikin ladabi ina jinka,

      Dun ƙule hannunsa yayi da niyar kai mata duka, da sauri ta riƙe hannunsa tare da fitowa daga cikin moter ta rufe har yanxun hannun yaya yana riƙe a hannunta, ɗaure fuska tayi ba alamar wasa a yanda ta nuna, cire gilashin idonta tayi sannan tace wannan shine na farko kuma ya zama na ƙarshe idan ka sake nuna min hannunka da sunan faɗa ko duka saina ƙaryashi, hmmmmm ta saki hannun da ƙarfi ta juya ta fara tafiya,

     Saida tayi "yar tafiya sannan ta mayar da gilashin idonta tana mai ci gaba da waƙar data kashe daga cikin motarta , jahdu teyry nazarr, waƙar film in darr, kallo yaya Ahmad ya bita dashi yayi daskare a wurin kamar tulun daya lalace,

A gadarance ta shiga cikin farlon babu sallama kuma duk wanda yake a farlo batayi ma kowa magana ba ta wuce ciki abunta tana mai ci gaba da waƙarta, kowa ya bita da kallo amma an kasa mai cewa wani abu,