استيقظ أنس و كان ميزاجه غاية فى الروعة، و بدأ انس فى ارتداء افضل ملبس لديه و نزل، و سلم على والده فقبَّل جبينه كالعادة و خرج بعدما تناول إفطاره، ركب انس الحافلة و ذهب إلى الجامعة و فى أثناء ذهابه أخرج انس هاتفه المحمول و سمَّاعاته و بدأ فى سماع الاغانى و بالتحديد الاغنية التى يسمعها دائما، بعد قليل، جلست شابة فاتنة الجمال بجانبه ثم قالت:ازيك
رد انس فى تعجب:انا!، الحمد لله.
ردت:اخبارك ايه؟
رد انس:كويس الحمد لله، حضرتك تعرفينى؟
ردت الفتاه:اااه، ما انت مش هتعرفنى، انا اسمى اميرة، انا الى فوَّقتك من الاغمائة بتاعة اول امبارح، بإزازة ال Perfume بتاعتى.
رد انس:اااه، اهلا اهلا، شكرا يا اميرة.
اميرة:طب انت اسمك ايه؟
انس:انا انس
اميرة:طب انت غبت ليه امبارح؟
انس:راحت عليا نومة، بسبب مشاكل كدة.
اميرة:طب اخبارك ايه النهارده؟
انس:انا حاسس ان النهارده يوم جميل و ميزاجى رايق الحمد لله.
اميرة: دا علشان انا موجودة، بس انت قوى، ليه مأخذتش حقك من الولد دا؟
انس:ما انا النهارده هصفى حسابى معاه.
اميرة:انا اسفة انى فكرتك بالحوار دا، و انت عامل ايه فى الكلية؟
انس:انا الصراحة مبحبش الكيمياء من اصله
اميرة:امال ايه الى دخلك الكلية دى؟!
انس:الصراحة دى قصة طويلة جدا.
اميرة:طب ما تحكى.
انس:لا لا، دا كلام كتير مش هيخلص.
اميرة:يا عم قول المختصر حتى.
انس:دخلت الكلية غصب.
اميرة:ااااه، عموما متزعلش، اهم حاجة انك ترضى والدك و والدتك.
انس: معاكِ حق.
_______وصل انس و اميرة الى باب الجامعة________
ذهب كل واحد الى مكانه و اصدقائه.
بعد قليل قال انس فى نفسه:أيييه دااا، انا عندى اول حصة الدكتور اسلام، الله، طب و بعد كدة....
دخل انس مُدَرَّجه و وجد ولد جلس بجانبه و قال له فى اذنه:انا الطرف التالت
و رد انس: و انا انس.
قال الفتى:و انا مازن اكرم، اهم حاجة، انت بتعرف تمثل؟
رد انس:هحاول.
رد مازن:يبقى هتفضحنا.
اخذ انس المحاضرات المقررة عليه لهذا اليوم ثم رن هاتف انس كإشارة من حمدى بتواجده فى حرم الجامعة بجانب مقهى الجامعة.
ذهب انس الى هناك و بدأ فى التمثيل حيث قام بدور الذى لا يدرك وجود حمدى ثم بعد قليل يجده و يأتى إليه، و كان مازن واقفاً بعيداً عن الانظار و بدأ انس يختلط بحمدى و يقول:ايييه يلااا، ضربتنى اول امبارح ليه؟
رد حمدى:و انت مالك، انا اضرب الى انا عايزه.
انس:و انا كمان، بضرب الى عايزه
حمدى: اخاف انا يعنى
انس:تحب اوريك.
حمدى:يا عم انت فيك عضلات تضرب اصلا.
دخل حمدى يضرب انس و دخل انس يضرب حمدى و تصرخ البنات و ياتى الاولاد من كل بقاع الجامعة ثم يأتى مازن ليفك العراك بطريقته و انحل العراك و سار الموقف على ما يرام لكن بعد ما انتهت هذه التمثيلية لاحظ حمدى ان هناك من لم يرفع عينه على انس و قال حمدى فى نفسه:مييين دا الى بيراقب، انا مش.هقول لأنس، هو مش ناقص مشاكل.
بعد ثوانٍ قال مازن لحمدى:فى حاجة انا ملاحظها
رد حمدى:و انا كمان، بس اوعى تقول لأنس و إلا هتعمل مشاكل كبيرة
مازن:حاضر.
أنت تقرأ
حِكْمَت (مكتملة)
Romanceابطال القصة : انس____حكمت_____حمدى___اميرة____مازن____شهد . تدور احداث القصة حول طالب جامعى احب فتاه تسمى حكمت و هذا الطالب اسمه انس....تحدث مشاكل و قضايا مما تجعل القصة فريدة من نوعها
