ذهب حمدى مسرعاً فركب سيارة أُجرة، فلم يلحق به مازن.
بدأ مازن يفكر فيما قاله حمدى، و ما الذى يفعله برقم حكمت، فقرر أن يطلب بنفسه الرقم منها، لكن هذه المرة سيطلبه بجراءة.
خرجت حكمت من المستشفى فانتظرها أنس و كان معه شهد و أميرة، فسألت أميرة أنس فقالت: فين حمدى؟
رد أنس: معرفش.
ردت أميرة: عموما هو قال لى انه زعلان منك.
رد أنس: أيه دا، ليه؟
أميرة: معرفش، بس هو قالى كدة.
أنس:مقالش أى حاجة؟
أميرة:اااااه، افتكرت، قالى أنك تستناه عند مطعم كنتاكى الى جنب الجامعة.
أنس: خلاص ماشى.
_____________________أسرع أنس إلى المكان الذى قالت له أميرة عليه ______________________________
ظل أنس منتظراً ساعة كاملة، فأتى إليه طفل فى عُمْر الحادية عشر، فأعطى له ورقة مكتوب عليها التالى:
اسمع يا أنس، متستغربش من التصرف دا، بس أنا بعمل حاجة دلوقتى لمصلحتك، أنا دلوقتى عملت شوية حاجات، أنا جبت رقم جديد و قفلت رقمى القديم لأسباب مش لازم تعرفها، أنا مسافر أسبوع علشان بابا محتاجنى فى البلد "المنصورة"، لو عُزْت حاجة منى الفترة دى اسأل أميرة على الرقم دا "*********01" و ابعت رسائل بس، متتصلش، صحيح، انت ما أخذتش رقمى الجديد "*********01" و لو فى جديد، كلمنى، و انا كمان هكلمك ز مش عايزك تتعامل مع مازن نهائى، إلا إذا هو بدأ يتعامل معاك.
حمدى
_____________________________________________________________________________
هل علمتم الحوار الذى دار بين أميرة و شهد؟
أميرة:بقول لك أيه يا شهد، مين أكتر ولد بتحبيه هنا فى الجامعة؟
شهد:أكتر ولد....، بتسألى ليه؟
أميرة: يمك أساعدك؟
شهد: أنا بعشق أنس.
أميرة: يا خسارة.
شهد: فى أيه؟
أميرة: لا مفيش، أيه مواصفات فتى أحلامِك؟
شهد: عاوزاه شهم و محترم على صايع شوية، ذكى و خناقنجى، و فى نفس الوقت مالوش فى المشاكل.
أميرة:طب أقول لك على حاجة و اوعى تزعلى؟
شهد: أيه؟
أميرة: أنس بيحب حكمت.
شهد: أيييييييه؟
نهضت شهد و أسرعت لتبحث عن حكمت فى الجامعة ثم قالت لها :بقول لك أيه يا حكمت، حب أنس ليكِ مش هيبعدى عنه.
تعجبت حكمت و شعرت بالحب، لأنها تأكدت من أن أنس يحبها، ثم عزمت حكمت أن تذهب لأنس و أثناء بحثها عن أمس، وجدت أميرة على باب الجامعة فسألتها: متعرفيش فين أنس؟
أميرة: أما عرفت من حمدى أنه غايب النهار ده، متقلقيش، هو جاى بكرة إن شاء الله.
مر هذا اليوم و ذهبت حكمت إلى الجامعة، مرتدية أفضل ملابس و كانت فى هذا الوقت جميلة كالوردة الحمراء بدون شوك، فذهبت لتعترف بحبها له.
*** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** ***
أنت تقرأ
حِكْمَت (مكتملة)
Romanceابطال القصة : انس____حكمت_____حمدى___اميرة____مازن____شهد . تدور احداث القصة حول طالب جامعى احب فتاه تسمى حكمت و هذا الطالب اسمه انس....تحدث مشاكل و قضايا مما تجعل القصة فريدة من نوعها
