قصة هوانا

البارت التاسع

#قصة_ هوانا
بقلم
ضي الدليمي.

حجيت ويا امي وكالتلكي اسيا نخطبت، ووفاقت على الولد الي تقدملها، وفرحتلها كلش، وخلصت مكالمة، نقهرت لانه اني مو وياها، اني اختها الوحيدة والمفروض اكون يمها كمت من المسطبة الي جنت گاعدة عليها، وبيدي الگهوة الحارة، ودا امشي بسرعة، وهنا المفاجاة:ـ

ـ اسفة اخوية اسفة وربي ما اقصد اني كولش اسفة.
ـ لا يمعودة قولي يالله...ما صاغ شي.
ـ خوية خوما تاذيت، اكيد نحركت، اوووي اني اسفة كلش.
ـ قولي يالله.
ـ ياالله...تعال نگعد هناك تعال.
ـ يالله.

نور:ـ
اني وداامشي نضربت بشخص، ونطشت(انسكبت) الگهوة عليه ، واني بعد ما صارلي اسبوع بالدوام وشلون فشلة، نقهرت عليه خطية صارت الكهوة على قميصه الابيض، وخفت بس لا هو تاذى، ولو انه اني اعرف متاذي لان الكهوة جانت حارة كلش، كتله خلي نگعد عالمسطبة، ورحنا:ـ

ـ والله يا خوي اني كلش اسفة...صدگني ممتقصدة.
ـ ليش منو قللكي عالقصط طشيتها عليي، ما صاغ شي يمعودة، اذا سمعكي ويحد يقول ضغبتو بكلاشنكوف، هي قهوي، خوما وقع من الجيمع حجغ.
ـ بس مدا افتهم على لهجتك.
ـ ليش انتي ما مصلاويي.
ـ لا اني من بغداد بس ماما مصلاوية، وقبولي طلع بالموصل واجيتلها.
ـ اذا راح اغير لهجتي وياج، على كل اهلا بيچ واذا ما وسعتج الارض عيونا توسعج، هلا بيچ بالموصل....كالعده بالقسم الداخلي؟.
ـ لا ببيت خالتي.
ـ نسينا نتعرف.
ـ ههه، اي والله اخذنا الحديث.
ـ انا مهند.
ـ تشرفنا وانا نور.
ـ يا هلا.
ـ انتَ بيا كلية؟.
ـ انا بكلية القانون مرحلة اولى.
ـ يا محاسن الصدف اني همين مرحلة اولى قانون.
ـ ههه، يهلا يا هلا، طلعنا معارف.
ـ اي.
ـ بس بيا قاعة انتي؟.
ـa.
ـ يا سبحان الله اني همين بـ a.
ـ اي ليش عود ما شفتك صارلنا اسبوع مداومين.
ـ اي مو اني مداومت.
ـ اهااااا...يالله اني استرخص.
ـ الله وياج...اذا تحتاجين شي امانة عليج اذا متكليلنا.
ـ تسلم اخوية.

مهند:ـ
جنت دا امشي وفجاة نضربت ببنية ونطشت الكهوة عليَ، اول ما باوعت لوجهها، تخبلت، عجبتني مو علمود شكل وجمال، بس مادري ليش فاتت كلبي، حجيت وياها واني تمنيت اظل العمر كله احجي وياها، فدوة اروحلها اني، تعرفت عليها وصدفة طلعت وياي بنفس القاعة، كيفت كلش، ياربي يكون ما تفرقني عنا، بعد عيني نور فدوة اروحلها.

لا تنسون التصويت والتعليق.
الى اللقاء في البارت القادم.