نشعر بأن الحياة تصنع لنا ما نريد، وبعدها نكتشف العكس.
نحب بجنون، ونشعر بأننا سكنا قلوب من نحب، وبعدها نكتشف العكس.
نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس.
ويبقى السؤال....هل القادم اجمل؟....هل نستطيع ان نج...
مرت الايام مثل النسيم...مرت بدون وعي...يمكن هيَ الايام الحلوةهيچ...تمر بدون ما نحس...تظل بس ذكريات... بالايام الي چانو بيها بيت خالتي عدنا...كلش تونسنا... احلى كل المواقف الصارت...هو موقف اسيد واية... جانو يختلسون الوقت من عدنا...ويروحون للحديقة يتبادلون كلمات الحب بينهم... وبهاي الايام تعرفت على يزن خطيب اسيا...ما شاء الله عليه...ولد خلوق ومثقف، هو الوحيد لاهله، وبهاي الايام شفت ادم...شفت حب حياتي الي ما يرهم وياي... ردت اكله غير طبعك وبطل سوالف البنات والشرب... تلگاني وياك...انتظرك...وكلني الك...بس ما گدرت...عقلي ابد مينطي فرصة لگلبي...ومحجيت وياه...بس هو حجه وما قصر...
ادم... كلني الها...گلبي وعقلي الها...وكل ما املك، ليش هيچ الحب يسوي بينا... ـ ازهار...دگي لنور...گليلها راح اطلع للمطعم اني وادم، وادم يگول منطلع الا نور ويانا. ـ شبيك شبيك...بعدين منو گال اهلها يخلونها تطلع ويانا وحدها... ـ احجي ويَ امها وقنعيها...مادري سوي كلشي حتى تجي اليوم. ـ اوك...
وحجت ازهار ويا ام نور...ووافقت بحجة انه هم يعرفونا...وحسيت گلبي طاير من الفرحة...چنت اليوم مخطط اعترفلها بمشاعري...سويت مثل ما يكولون الفلاسفة... اذا تحب لا تنتظر تكول لحبيبك عن هذا الشي...روح فورا وگله احبك...بالحب لا تخسر الوگت... بس ياريتني ما سويت هيچ.
نور... چنت كاعدة ويا البنات...نتدرب عالمكياج الي راح حطو البنات بالعرس...ودك موبايلي، ازهار المتصل، رديت، وكالتلي معزومة عالمطعم ويانا اني وادم، اعتذرت، كالتلي انطيني امج، وامي وافقت، صرت بين المطرقة والسندان، رحت بدلت مكيجت خفيف، ورحنا... وشفت ادم...صارلي اكثر من سنة ما شفته...مشتاگتله... راد گلبي يحجي وينطق ويبوح بالاشتياق بس عقلي مقيد گلبي بسلاسل الخوف من المجهول.
ـ ازهار...اني اروح اغسل قبل الاكل. ـ نور...اوك. وراحت ازهار ـ ادم...نور اريد احجي وياج. ـ نور...تفضل...احجي. ـ ادم...معرف منين ابدي. ـ نور...احجي عاد. ـ ادم...نور اني احبج. ـ نور...شـ...شنو. ـ ادم...اي احبج...صدك احبچ والله احبچ...لا لا حرام اظلمچ باسم الحب...اني اعشقچ. ـ نور...خلاص لا تكمل...اولا...نحنا طريقنا ما يلتقي... ثانيا...ما انطي گلبي لشخص هفواته هواي وانت تدري بقصدي. ثالثا...سد الموضوع وانساني والا....
ادم... من سمعت هيج...عبالك اجا واحد وضربني براشدي صحاني من الحب الي جنت غافي بي...نصدمت...انصدمت صدمة عمري...يعني هاي هي...خلاص بعد ماكو نور، بعد ماكو حبها الي جان مثل الشمعة مضوّي حياتي...ومثل الغطا بشتاي البارد...ليش...ليش حبها هواي عليَ اريدها...اريدها وما تصيرلي...بس اكو شي حيرني، شنو قصدها بعبارة ما انطي گلبي لشخص هفواته هواي...وانت تدري بقدي؟؟؟؟؟...اكو شي اني ما اعرفه.
نور... نصدمت...والصدمة هزت كياني، ادم يحبني، شلون؟....شلون ادم يحبني، اكيد مو يحبني من كلبه، اكيد يحبني مثل ما يحب ضحاياه البنات، يحب اجسادهم فقط...بي اني رديته...ومثل كل مرة علقي ابد مينطي مجال لگلبي، وهو اللمطلوب.
بعد يومين... ـ نور... يوم لاتنسين اطلعين فستاني. ـ الام...لا ما انسى. ـ ام اية...يالله يبنات نحنا نروح.
نور... وصار يوم العرس، او بالاحرى اليوم المميز بالنسبة لاسيا، رحنا للصالون اني وخالتي ويا اسيا... اليوم اسيا فرحانة، بس ضايجة بنفس الوگت، لان اليوم راح تعوف بيت ابوها، وراح تتدخل القفص الذهبي... وهاي اكثر تسمية اكررها، لانه تحسس الواحد انه راح ينسجن مراح ياسس اسرة وبيت واطفال ومسؤولية، يخلي يتخيل نگد وقهر، وصلنا للصالون او بالاحرى چان مركز تجميل... بدت تصفف شعرها، وتحط الميكب، واتصلت ازهار... ـ الووو هلا حبي زوزو. ـ هلاوات...هلا باخت العروس. ـ هههههه...اگلج يمته تروحين لبيتنا تساعدهم. ـ هسة فد نص ساعة ان شاء الله، انظف البيت واروح لبيتكم. ـ اي عفية حبابة...بعدلهم الديكور راح يرتبوه، وبعد البنات راح يحطون المكياج ويسوون شعرهم، وامي همين. ـ لا حبي لا تشيلين هم، اني وياهم. ـ يالله حبي اني استرخص. ـ الله وياج حياتي.
بعد فترة خلصت اسيا واني همين خلصت... لان اني اصلا مطولت سويت مكياج خفيف وتسريحة بسيطة كلش، وخالتي من كملت اسيا بلا وعي گامت تهلهل... اسيا طلعت كلش حلوة...تعجبت بيها، وهي همين فرحت بنفسها كلش...وگفت گدام المراية وگعدت تگول هاي اني...لا هي مو اني، طالعة اخبل...ورجعنا للبيت وستلمتنا ازهار بالهلاهل هي وبنات خالتي، صعدت للغرفة لبست فستاني، يصير قصير للركبة ولونه كلش هادئ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولبست عليه حذاء كعب عالي حتى مكدرت امشي بي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
