قصة هوانا

البارت التاسع عشر

(هلاو يا قراء...
شلونكم؟؟؟...
اني مو زينة...
لانه الاغلبية لا يصوتون ولا يعلقون...
ليش هيج؟؟؟...
انتو شخصيا ترضون بتعبكم يروح بلاش؟؟؟...
ولا واحد يرضى...
فرجاءا صوتوا وعلقوا...
حتى اكمل...
واذا استمرتوا على هذا التفاعل الضعيف ما اكمل...
وباي...)

ادم...
مر شهر على زواجنا،جانت نور زوجة جيدة،دايره بالها علي ولا فد يوم زعلاتني منها،جانت ذايبة وي عائلتنا ومتاقلمة وي امي وصارو حبايب، اما علاقتها وي ازهار جانت اكثر من جيدة، بحيث اني كلش مرتاح،ولا فد يوم بحياتي حسيت بهيج راحة.

نور...
تاقلمت بشكل كلش سريع وي حياتي الجديدة،جانو متقبلين لطبيعة شغلي وعملي وتاخيري واهتمامي بالقضايا،بحيث عمتي ولا مسمعتني حجي بخصوص تاخيري وانشغالي عن الاعمال المنزلية،بالعكس جانت تشجعني وتكلي انت مثل ازهار،وظائفكم كلش تهمني...
رائد جان اخ ما ولدته امي،هو من نوع الشقاوجي ويضحك ويتسولف ولا عنده كره لشخص،كلبه طيب هواي وعنده روح طفولية مموجودة عند الاطفال نفسهم...

-ازهار شبيج.
-هلا نور هلا...مبيا شي.
-شنو مبيج شي صارلج يومين مو على بعضج.
-نور مادري...مادري.
-شبيج زوزا...شبيج احجيلي...
-نور قبل يومين........
(قاطعهن رائد)
-رائد...هلاووووو يا بنات.
-نور...هلاو رائد.
-رائد...اكو فلم رعب نزل جديد كولش رائع شنو رائيكم نتفرج عليه اليوم؟.
-ازهار...تدري بيا ما اوافق الا اذا اكو ببسي وجباسه وبوشار وسوالف.
-نور...اي صح واني اريدلي ككو بعد.
-رائد...تدللون هاي هسة اني طالع اجيبلكم.
-ازهار...ماشي بس اذا مجبت ما اتفرج.
-نور...نتعشه ونكمل واسوي بوشار ونتفرج.
-رائد...صار اني رايح.

نور...
عدت ايام وليالي ولاكيت ازهار كاعده وحدها بالحديقة تصفن،رحتلها كتلها...
-ازهار شبيج.
-(لا رد).
-ازهاااار.
-ها.
شبيج.
-مابيا.
-شنو مابيج...صارلي فترة اشوفج كاعدة وحدج تصفنين ذاك اليوم ردتي تحجيلي اجا رائد ومحجيتي،شبيج حياتي،شبيج مو اني صديقتج واختج.
-نور،اني مليت عاد ماكدر اخبي.
-شبيج شنو متكدرين تخبين احجي اسمعج.
-نور،انتي تعرفين محمد صديق ادم هذا الجان وياه بالكلية والي امه اجت لعرسكم؟.
-اي اعرفه شبي.
-هذا جان قبل فترة خاطب بنية،هذا محمد ابو مصلحجي وحقير...شكد متتخلين حقير،يموت عالفلس والدرهم،وهو غني وممعتاز،خطبله بنت صديقه علمود عدهم صفقه ويريد يغشه ويبوكه ويحط ممنوعات بالمصنع بعد ما يبوك الاول والتالي والشرطة يسجنون شريكه،هو خطبله البنية حتى يتقرب محمد الها ويستدرجها بالحجي ويعتدي عليها وتكله وين مكان الخزنة والذهب حتى يكول لابوه وابوه يخلي مسلبجيه ينزلون لبيتهم بالليل وينطيهم فلوس وياخذ الباقي اله...
طبعا هاي كلها جانت خطة ابوه راضي... ومحمد بس عرف انه راضي يخطط هيج ويريد من ابنه محمد ياذي البنية بشرفها حتى يبوكهم...كلب الدنيا كلاب على ابوه،وانت شنو متشبع وانت شنو ومخاف ربك وانت شنو وشنو، كام محمد كاله لشريك ابوه راضي وهذا بس عرف هيج كام يلعن ويسب راضي ورفع دعوة ضده وهسة راضي مسجون.
-اي والتالي انتي شخصج.
-وج هذا شريك راضي هدا بنته لمحمد ومحمد موافق.
-اي وانتي شعليج.
-محمد صارله اسبوعين يداوم بالمدرسة الي اني اداوم بيها، كالي اني احبج ومقبلت بالبنية لان اني متعلق بيج واني اعرفج من امي تظل تحجي وتجيب سيرتج بالخير.
-وج ثوله بس لا لعب بعقلج ووافقتي.
-لا...بس والله اني اكول انطي فرصة...بس الشي الي محيرني هو ليش ما اجا خطبني قبل ميخطب البنية.
-اي صدوك ليش.
-وج كتله...كتله مدامك هيج تحبي ما تجيب امك وعمامك وخوالك تخطبوني...كالي والله فلا عرفج الا بعرس اخوج...واني اصلا مجنت ادري بادم عنده خوات...وامي من رجعت من عرس ادم كالتلي عدهم بنت هيج وهيج...ومن اجينا نبارك لادم شفتج وعجبتيني وعجبتيني اكثر بعد ما داومت وياج وشفت اخلاقج الحلوة وحسن تعاملج وي الناس.
-والله ازهار مادي شاكلج اني،بس الاحسن تكليله يجي ويجيب امه ويخطبوج.
-وج وسمعت ابوه الخايسه والناس يحجون علي ويكصون بيا وعليمن اخذت هيج واحد وتزوجت جبيره تاخذ واحد ابو نصاب.
-حبيبتي ازهار انتي معليج بالناس قابل انتي متعرفيهم شلون يحجون ويكصون بخلك الله،لا يعجبهم العجب ولا الصيام في رجب.
-والله مادري شسوي.
-حبيبتي انطيه فرصة وكليله اذا نيته فعلا صافية ورايدج على سنة الله ورسولة خل يجي يخطبج ويكون حجيه وي الزلم الكبار والشيوخ.
-فعلا...راح اتبع نصيحتج واكله يسوي هيج.
-عفية.
-اشكرج نونا سمعتيني
-العفو حبيبتي هذا واجبي.