قصة هوانا

البارت الثاني والعشرون

(مرحبا حبايب كلبي شلونكم...
اول شي صباح الخير، وثاني شي جمعة مباركة...
وثالث شي يمكن متكدرون تتخيلون فرحتي بتعليقاتكم الحلوة الي دتوصلني...
اريدكم تعلقون علبارت من تكملون قراءة وتكلولي شمتوقعين...
ماطول عليكم حيايب كلبي...اعوفكم وي ابطالنا...)

#قصة- هوانا.
بقلم:-
ضي-الدليمي.

بعد اسبوع...

نور...اخخخخخ...ممم.

ام نور...نووور...نووووور،دكتورة،دكتورة،ادم تعالو،نووور...نور...نور كعدت،كعدت نور.

ادم...ها...ها،ها خالة.

ام نور...ادم صيح الدكتورة،كعدت نور.

ادم...صار...صار.

الدكتورة...ام نور،من صحت نور شكالت.

ام نور بقلق...بس كالت اخ.

نور...ممممم.

الدكتورة...نور...نور تسمعيني.

نور بتعب...اي دكتورة...اسمعج...اني وين.

الدكتورة...نور انتي تخربطتي وهذا مو موضوعنا، هسة راح افحصج.

نور...ماشي.

ادم...
جانت الساعة ثلاثة بالليل، وجانت ام نور وي نور بالغرفة كاعدة تقرا قرآن وتدعي، وامي رجعت وي رائد للبيت يرتاحون لان تعبو وامي وام نور صار يتناوبون عليها،وازهار باجر تجي، واني كاعد يم غرفة نور، اصفن وين جنا ووين صرنا، وصارلنا اسبوع على هلحال تكعد نور وترجع تنتكس مثل كبل، فجاة سمعت صوت ام نور تصيحلي وتكلي نور كعدت نور كعدت، رحتلها وصحت الدكتورة وفعلا نور كعدت بس جانت تعبانة مالها خلك، فحصتها الدكتورة، وكعدت احجي وياها.

نور...حبيبي شصار وياي، ما اتذكر غير لما وكعدت من الدرج، ورائد كام يحاجيني.

ادم...نور هسة مو وكتها...اريدج تصيرين زينة.

نور...زينة اني...زينة.

ادم...ولهذا متكدرين تحجين عدل...اني رايح للبيت ابدل واسبح، امج راح تظل يمج.

نور...ماشي حبيبي.

نور...
مادري شصار وياي،ومادري شلون جيت للمستشفى،كعدت وصحيت وفحصتني الدكتورة،كالت زينة انتي،كتلها ليش ما اسوي خروج واطلع من المستشفى،كالتلي لا محتاجة بعد ميصير اطلعج، كتلها ليش، ادم حجه وكالي باجر تعرفين...
بصراحة بلبداية كلت بكلبي ليش ما حجه، بس بعدين كلت يجوز عندي تحاليل وباجر يسووها.
طلعت امي من الغرفة نزلت للكافتريا خطية جانت كلش تعبانة وجوعانة، ظلينا اني وادم نحجي بالغرفة، حسيت ادم مو مثل كبل، صار يحجي وياي بنتر، كلت يمكن يكون تعبان من المستشفى، على غفلة صار مفعول الدوا وما حسيت ونمت.