بعد يوم...
ادم...
اليوم سمعت احلى قرار بحياتي ، نور وافقت عليا...نور الي ومتروح لغيري،فديتها اني، العصر جنت كاعد اباوع مباراة بين بلجيكا والسويد، اني اشجع بلجيكا ورائد يشجع السويد، متونس ومخبوص وازهار تباوع ويانا ومتعجبه بالحارس مال بلجيكا وبمهاراته،تيبو كروتوا، وكل هدف يسجلوه بلجيكا علسويد تصيح هييييييييييي، والعكس صحيح،يعني باختصار،ازهار تعتبر عنصر محايد،فجاة دك الموبايل مال الوالدة...
-ياهلا بام اسيد...والله زينين الحمدلله... الله يبشركم بالخير...باجر ان شاء الله نحنا وعمامه وخواله جاييكم...بالمهلي بالمهلي...الله وياج...
-ادم...منو يوم؟؟؟.
-الام...البشارة ادم...اريد البشارة.
-ادم...شنو يوم كولي،يجرالج الترديه.
-الام...مبروك ابني...مبروك وليدي وافقو بيت اهل نور،نور موافقة،الف مبروك ياعيني...
-ادم...الله يبشرج بالخير يووووم الله يبشرج بالخير يمه.
-ازهار...كولللللللللللللللللش.
-رائد...مبروك خيي مبروك.
-ازهار... اريد اغني واهلهل.
-ادم...غني وهلهلي زوزو...غني وهلهلي.
-ازهار...هم عريس هم نشمي وهم ربعه يزفونه...
هي وياه وتتمناه وهو بحبها خيعونا...
دسمعونا الهلوله الف مبروك كولوله...
-الام...كوللللللللللللللللللش.
-ازهار...هسة رتاح والهم راح قصة حبه معقولة...
هسة رتاح والهم راح قصة حبه معقوله...
ادم...
جانت احلى لحظة بحياتي، اليوم اني من صدك فرحان،فرحة عمري مسجله بهذا اليوم،نور الي ومو لغيري،ومراح اتصير لغيري،مبروك عليج انا يا نور حياتي،الف مبروك.
نور...
اتصلت امي على ام ادم وكلتلهم...بعد شوية حجت وياي ازهار عالفايبر...
💬مبروووووووك مبرووووووووك جنتنا.
💬الله يبارك بيج عيني زهورة.
💬وج والله كلبت البيت ديسكو من الركص من العصر لحد الان.
💬ههههه...اصبري للعرس...لتعبين.
💬لا مااتعب وداعتج...اصلا اجدد مواهبي.
💬باجر راح تجين وياهم.
💬اي لعد ما اجي...طبعا اجي اخوي وصديقتي.
نور...
من هاللحظة بدت احلى لحظات حياتي، سعادتي او بالاحرى جنتي،ماكو احلى من هاي الحياة...بعد عيني ادم، سميت كلبي باسمه، فدوة اروحله اني،مادري شلون جنت غبية وصدكت اسيا، واخيراااااا...
واخيرا حب مراهقتي وحياتي راح يصير الي، ادم، هو ادم واني حواء،حبنا اسطوة راح تنكتب وتتسجل بالتاريخ،اذا يطلب روحي متنعز عليه...
حبيب كلبي ادم...
بعد اسبوع...
نور...
اجو خطبوني لادم بشكل رسمي واتفقو عالمتقدم والمتاخر، المتقدم مالتي 20 مثقال ذهب، والمتاخر 25، وراح نسكن ابيت اهله، واني اصلا ممقره اعزل لان ما احس بيها داعي، وصار اليوم...
يوم المهر...
الكل فرحان...
اني ودا اصفن دك موبايلي...
ادم المتصل...
جنت مخليه اسمه بعد عيني...
-الووووو.
-من فدوة اروح لهل صوت.
-اسم الله عليك كلبييييي.
-مشتاقلج.
-اني اكثر.
-وج بس اريد اشوفج اليوم المهر مالتنا واني ممصدك.
-على كيفيك حياتي على كيفك...اذا بالمهر هيج لعد للعرس شتسوي.
-اسوي الي ماصار.
-اكووول.
-ها حبيبتي.
-اني اروح لان راح اروح للصالون.
-ليش صالون هو انتي كمر...شوية شوية علينا.
-هههه لاعاد موهيج.
-فدوة ارولج اني واروح لضحكتج.
-يالله حبي اني استرخص.
-الله وياح حبيبتي.
أنت تقرأ
قصة هوانا
Romanceنشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجمل؟....هل نستطيع ان نج...
